موقف سخيف في عربية زيرو

**som3aa** · 25-04-2008 03:08 PM

فى انواع عربيات كتير و معارض او توكيلات بتفصل العدادات لحين وقت التسليم

دا يعتبر غش و نصب لان العربية ممكن يمشى بيها 10000 كيلو و انت ولا تعرف.
يعنى تدفع تمن العربية كامل و تستلم عربية مستعملة؟؟

يا جماعه حركة فصل العداد ناس كتيييييييير بتعملها طيب ما انا و انا بستلم العربيه من غبور كان العداد مفصول

برضوا انا مستلم والعداد كان مفصول
تعتبر العربية ماشية كتير وكمان العداد مفصول

لأ الالعن عند غبور انا شفتهم بيستخدموا العربيات الجديدة (معرفش العداد مفصول و لا لأ و لو كان مفصول يبقى نصب 100%) , يعنى مثلا واحد رايح مشوار قريب بياخد عربية من العربيات اللى هتتسلم و يروح بيها مشواره و يرجعها تانى عادى عندهم (الكلام دا انا شفته بعينى)

**same7mousa** · 25-04-2008 03:11 PM

و أنا برده استلمتها(نوبيرا) من معرض في دمياط و كان العداد مفصول بس الراجل وصله قبل ما أمشي
و كانت قرايتها صفر

**engamrnour80** · 25-04-2008 03:21 PM

الاخm
الموضوع دة عادى العربية بتلين فى لمصنع و بيكونوا فاصلين الواير بتاع عداد السرعة و لما بتتباع العربية على صاحب المعرض انه يوصل العداد عشان كده واحد صاحبى لما جاب لانوس و احنا خارخين بيها راح فاتح الموتور وصله بس بصراحة مخدش بالى مكانة فين
ولما سالناه نشغل التكييف و لا قال العربية مليه لو عاوز تشغلة شغلة بس افضل بعج صيانة الاف و بعد كده روحنا بيها لميكانيكى قال نفس الكلام ان العربية ملينة فالموضوع عادى كل الحسبة 300 كيلو العربية بتبقى عملاهم و انت كده كده بتغيروا مع اول صيانه
طب انا هقولك على اللى اكتر من كده عربية فيرنا فيفا من الهند جات لغايت سوهاج و لما المعرض سلمهالنا كانت عامله 28 ك هلى ده يعقل
ارجو مكنش طولت و ارجو انى اكون افد

**ahmedezzat78** · 25-04-2008 03:36 PM

موضوع فصل العداد عادى فى معظم المعارض

ويا سيدى لوماشيه 400 كم زياده مش مهم ده ولا حاجة فى عمر عربيه

الف مبروك و ما تضعيش فرحتك بالعربيه

**Mzeid** · 25-04-2008 06:33 PM

حسبي الله و نعم الوكيل في اللي بيغشوا الناس ..
بس برضه إن بعد الظن إثم ..

**qwertyqwerty** · 25-04-2008 11:08 PM

والله با جماعة دول مش مسلمين ابدا
ديننا دين اخلاق قبل كل شىء
ان اعتقد انك تشتكيهم فى النيابة وجهاز حماية المستهلك.
لازم..................ز

**M_ashraf** · 26-04-2008 05:54 AM

متشكر يا اخوننا على الاهتمام و المشاركة في الموضوع
وانا مش عايز اظلم صاحب المعرض لأنه ممكن مش هو المسؤول
هو جابها من القاهرة كده
او يمكن حد من العمال او السواق فصله
talent
انا محبسيتش ارد عليك في اسم المعرض علشان مش عايز
اكون ظالمه واشيل ذنبه خاصة انه معرض شهير وله زبونه
واتعاملنا معاه قبل كده اكتر من مره وكان تمام و العربيات كانت
من مرضه هو