مشروع للتفكير.. وسائل حمايه بخامات رخيصه وغير محظوره فى ظل حاله الإنفلات الأمنى

السلام عليكم ورحمه الله وبركاته...

إخوانى الأعزاء النايل موتورزاويه......

تيجوا نفكر سوا فى حاجه مفيده...............يعنى دلوقتى كلنا عايشين حاله من التوتر والقلق وكلنا بندور على وسائل لتأمين السياره وحمايه ارواحنا فى حاله التعرض لمواقف خطره او السير فى طريق مهجور أو..أو..أو..الخ..

طب الحلول السهله معروفه ..لكن مكلفه....

وفى ناس ابتكروا حاجات حلوه هنا فى المنتدى زى اتصال السياره بيك فى حاله الفتح...باستخدام موبايل قديم وتعديل بسيط..بدل من شراء الجهاز اللى بيعمل نفس الوظيفه ب 1500 جنيه....


طب نيجى لموضوعنا....


عاوزين نفكر فى وسائل للدفاع عن النفس او الحمايه فى حاله التعرض للهجوم بأى شكل من الأشكال.....بوسائل سهله التحضير ومتوفره ورخيصه كما انها غير ملفته للنظر فى الكمائن وغير ممنوعه قانونا....

يعنى مثلا....

أ،ا فكرت فى استخدام علبه المبيد الحشرى كسيلف ديفنس رخيص ومؤثر وإن كان الأثر غير قوى وقصير المفعول ..

فأضفت لعلبه المبيد الحشرى ولاعه ..

ليتحول الرذاذ الى شعله لهب لإرهاب الخصم وابعاده مسافه معقوله......


ثم فكرت فى ملء بخاخه بلاستيك بماده قابضه او حارقه تؤدى لشل هجوم الخصم وتكون مميزه بالأتى شكلها لا يثير الشبهه ورخيصه كما ان البخاخه ذات سعه تخزينيه اكبر بكثير من البخاخه الخاصه بالسيلف ديفنس التى لا تتجاوز 30 او 60 مللى...

كما ان البخاخه البلاستيك (اللى بنستخدمها فى المكواه ) رخيصه ثمنها لا يتجاوز 3 جنيه ومداها يتجاوز المتر فى البخ.....

طب نحط فيها ايه؟؟؟

بالنسبه لخبرتى المحدوده فكرت فى مزيج من الخل والفلفل الاسود المطحون والشطه السودانى والليمون....

ياريت حد من كيمائيين المنتدى يفكر معانا ويقولنا نعبيها ايه يكون رخيص وفعال ومتوفر....!!!


طب نفكر فى بديل للإلكتريك !!


الإلكتريك غالى جدا بالنسبالى....وشايف انه مش عملى لو كان صغير الحجم لأنه هيستدعى انى اقرب جدا من الخصم ولو لا قدر الله كان الخصم ده بيحمل سلاح ابيض او نارى مش هيكون عندى الفرصه استخدمه اصلا...

نصيحه شخصيه عن تجربه ...

متفتكرش انك وقت الجد هتستخدم السلاح بدون تردد او انك قواك البدنيه هتتغلب على خصمك ببساطه..المهاجم عامل حسابه وبيستغل عامل المفجاءه وحاله البغته والذهول اللى مبتعديش ثوانى بيكون هو خللص فيها....

طب عندى فكره وياريت حد من مهندسى المنتدى او المهتمين بالكهرباء يفكر معايا فيها....



الإليكتريك عباره عن قطبين بيحصل بينهم تفيغ كهربى بقوه فولتيه عاليه جدا....

يعنى نفس فكره السلوك بتاعه البوجيهات لما بتضرب الشراره فى البوجيه ونتيجه تنظيم الاسبراتير لوقت الشراره بتكون الشراره لجزء من الثانيه لكن بفولتيه عاليه جدا..

يعنى مش عارف الاليكتريك بيكون مثلا 8000 كيلو ....الموبينه افتكر بتبقى اكتر...

طب فين الفكره ...

لو الموبينه بتتباع ب 60 جنيه تقريبا.... ونثبتها فى مكان ما فى العربيه....وليكن تحت كرسى الالسائق اة فى الشنطه وناخدلها كابل مباشر من البطاريه وارضى من اى جزء ملامس للعربيه ونستخدم فرق الجهد العالى فى شحنه صاعقه زى شحنه الإلكتريك.......

طب الخرج بتاع الموبينه هيوصل للخصم إزاى؟...

ياريت حد يقولنا من الناس المتخصصه....زى توصيل بعصا معدنيه (عكاز معزول المقبض مثلا)

او استخدام سللك معزول مثبت على عصا طويله 50 سم مثلا او اى فكره ...

معلش بقى انا مفهمش اى حاجه فى الكهرباء لكن أدينا بنفكر مع بعض...



ممكن حد يفكر ويقول اجيب الجهاز اللى بيحول ال 12 فولت ل 220 وبيركب على الولاعه...

ارد واقول ثمن الجهاز حوالى 450 او 500 يبقى موفرناش حاجه....



دى شويه افكار ونكمل مع بعض لو الموضوع ممكن فعلا...


فى انتظار ارائكم وخبراتكم...

انا شايل معايا مضرب تنس كبير ومن الاصلي هو حديد بس خفيف جدا وضربته جامده

افكارك حلوة بس العربية هتشيل ايه ولا ايه؟؟؟
ممكن الواحد يستخدم الطفاية ، وتمنها مش هيتعدي ال 70 جنيه علي ما اعتقد
الدخنة بتاعتها كثيفة وكفيلة تخنق وتشل الي قدامك

والله المستعان
،
،

اقتباس:

---

المشاركة الأصلية كتبت بواسطة syd

افكارك حلوة بس العربية هتشيل ايه ولا ايه؟؟؟
ممكن الواحد يستخدم الطفاية ، وتمنها مش هيتعدي ال 70 جنيه علي ما اعتقد
الدخنة بتاعتها كثيفة وكفيلة تخنق وتشل الي قدامك

والله المستعان
،
،

---

فكرة الطفايه حلوه فعلا بس ممكن متعرفشى تتخدمها وقت الزنقه

" بخ " هى الحل

اقتباس:

---

المشاركة الأصلية كتبت بواسطة hesham2004

" بخ " هى الحل

---

؟؟؟؟؟!!!!!!!!!!!!!!!

اقتباس:

---

المشاركة الأصلية كتبت بواسطة hesham2004

" بخ " هى الحل

---

اقتباس:

---

المشاركة الأصلية كتبت بواسطة أشرف فتحى

؟؟؟؟؟!!!!!!!!!!!!!!!

---

هههههههههههه اعتقد الزميل يقصد بكلمة بخ يعنى تطلق لساقيك الريح و تجرى بأقصى سرعة هههههههه

طب يا جماعه حد عنده افكار للطرح او المناقشه او حتى يشاركنى فى افكارى عشان ادخلها حيز التنفيذ.....

ممكن حد يكون كيمائى يقولنا نستخدم ايه كسيلف ديفنس ..فى صوره سائله يمكن تعبئتها فى بخاخ بلاستيك وتأثيره قوى....

ومهندس او حد يفهم فى الكهرباء يشور عليا ازاى استخدم موبينه عربيه فى توليد فرق جهد يعادل الإليكتريك....؟

اقتباس:

---

المشاركة الأصلية كتبت بواسطة heshamzaky

هههههههههههه اعتقد الزميل يقصد بكلمة بخ يعنى تطلق لساقيك الريح و تجرى بأقصى سرعة هههههههه

---

مفتكرش ينفع ابخ بالصوره دى يا استاذ هشام....

هسيب العربيه والعيال وابخ فى الخلا مع نفسى كده......دى تبقى قمه البخ يعنى!!هههههههههه

اقتباس:

---

المشاركة الأصلية كتبت بواسطة hesham2004

" بخ " هى الحل

---

عووووووووووووووو

:d

انا شاري من واحد بتاع بويات .......... أيام اللجان الشعبية ......... العصاية بتاعت الكريك بتاعة البناء ....... تقيلة وزي الفل وحطلي شكرتون بطول العصاية وشوية مسامير ف اخر العصاية ........... ووزنها تقيل يعني تنزل ع الدماغ ايه تروق البلطجي

اقتباس:

---

المشاركة الأصلية كتبت بواسطة أشرف فتحى

مفتكرش ينفع ابخ بالصوره دى يا استاذ هشام....

هسيب العربيه والعيال وابخ فى الخلا مع نفسى كده......دى تبقى قمه البخ يعنى!!هههههههههه

---

هى دى المشكلة لو معاك حد حا يبقى نقطة ضعف ليك و طبعا حا تفكر ألف مرة قبل ما تعمل أى عمل عدوانى لآن لو الى بيهاجمك اكتر من شخص حا يمسك فى عيل من العيال و يقولك لو ما توقفتش حا اعورة ساعتها حا تتوقف تماما و حا تعمل اى حاجة عاوزينها

اقتباس:

---

المشاركة الأصلية كتبت بواسطة megamoudy

انا شاري من واحد بتاع بويات .......... أيام اللجان الشعبية ......... العصاية بتاعت الكريك بتاعة البناء ....... تقيلة وزي الفل وحطلي شكرتون بطول العصاية وشوية مسامير ف اخر العصاية ........... ووزنها تقيل يعني تنزل ع الدماغ ايه تروق البلطجي

---

على فكره....

استخدام الشومه دى لازم يكون فى مكان واسع يعنى لازم تنزل من عربيتك وتبعد عنها مسافه مترين مثلا وبالتالى مش هيبقى استخدام عملى..فى الحمايه فى حاله قطاع الطرق..

كمان ارجع واقولك ان استخدام سلاح ابيض او سلاح مميت او مؤذى بشكل مباشر مش سهل على طبيعه معظم الأشخاص...

وقاطع الطريق او البلطجى شقى بطبعه ومش اول مره يستعمل السلاح بخلافى وخلاف حضرتك....

يضاف الى ذلك انه مهيأ نفسيا للمعركه سواء عادى او بالمخدرات اللى بتفقده الإحساس ....لكن فى حاله الصدمه والبغته بيكون الوضع للفرد العادى مختلف والحركه محدوده لأنك متكتف جوه عربيتك ومش هيستناك تطلع شومه او تفتح شنطه عربيتك....

ولو حصل وعرف ياخدها من ايدك هتبقى مشكله كبيره جدا....

اقتباس:

---

المشاركة الأصلية كتبت بواسطة أشرف فتحى

على فكره....

استخدام الشومه دى لازم يكون فى مكان واسع يعنى لازم تنزل من عربيتك وتبعد عنها مسافه مترين مثلا وبالتالى مش هيبقى استخدام عملى..فى الحمايه فى حاله قطاع الطرق..

كمان ارجع واقولك ان استخدام سلاح ابيض او سلاح مميت او مؤذى بشكل مباشر مش سهل على طبيعه معظم الأشخاص...

وقاطع الطريق او البلطجى شقى بطبعه ومش اول مره يستعمل السلاح بخلافى وخلاف حضرتك....

يضاف الى ذلك انه مهيأ نفسيا للمعركه سواء عادى او بالمخدرات اللى بتفقده الإحساس ....لكن فى حاله الصدمه والبغته بيكون الوضع للفرد العادى مختلف والحركه محدوده لأنك متكتف جوه عربيتك ومش هيستناك تطلع شومه او تفتح شنطه عربيتك....

ولو حصل وعرف ياخدها من ايدك هتبقى مشكله كبيره جدا....

---

فعلا معاك حق .............

طيب المشكلة دلوقتي ف البخاخه بتاعت المكوة انها هطلع رذاذ مش عمود مياه ......... يعني لو اتجاه الرياح ناحيتك كده الواحد هيتأذي

نفسي اجيب بخاخة رذاذ ف شكل عمود مياه متواصل .... هتكون عملية وتحط فيها اللي حضرتك عاوزة ......

على فكره بخاخه المكواه فيها قلاووظ من قدام لو لفيته بيخلى الميه زى خط متصل وبيصول مدى السائل المرشوش لكن فعلا معاك حق لو الريح فى اتجاهك ممكن الرزاز ييجى عليك حتى لو استخدمت الاسبراى...

والأهم من كل ده...

نحط ايه فى البخاخه؟

لو الى بيهاجمك حرامية بجد طوح فيهم شوية زجاجات بيبسى فاضة مفعولها مدمر على فكرة و بتعور جامد جدا

في المواقف المفاجئه ممكن لو معاك سلاح ناري حتي متعرفش تستخدمه وارد يعني من رأي ابعد عن المناطق الخاليه و المتوقع فيها الازي و شيل مصحف في جيبك و توكل علي الله دا افضل سلاح و بالنسبه لتأمين العربيه ممكن تكلبش الدريكسيون او تحط مانع لدواسه الدبرياج ..
و ربنا يعدي الفتره دي علي خير و يحفظ مصر و اهلها يا رب

معلهش بعد رأيكم طبعا - تروح صيدلية محترمة وتشترى علبتين بنج موضعى مدعم - الواحدة فى حدود 15 ج - وإنت قاعد فى العربية - تاخج نفس عميق و بعدين ترش وش المهاجم ناحية الأنف - لو دخل عينه فيها ترقيع قرنية لكنه لو شمه فى خلال 5 دقايق يقع مخدر - طبعا مع حساب إتجاه الهواء ليرجع البخ عليك إنت - لو تخلى فى كل باب علبة ممكن اللى معاك يساعدوا - و ربنا يستر

اقتباس:

---

المشاركة الأصلية كتبت بواسطة bondjames

معلهش بعد رأيكم طبعا - تروح صيدلية محترمة وتشترى علبتين بنج موضعى مدعم - الواحدة فى حدود 15 ج - وإنت قاعد فى العربية - تاخج نفس عميق و بعدين ترش وش المهاجم ناحية الأنف - لو دخل عينه فيها ترقيع قرنية لكنه لو شمه فى خلال 5 دقايق يقع مخدر - طبعا مع حساب إتجاه الهواء ليرجع البخ عليك إنت - لو تخلى فى كل باب علبة ممكن اللى معاك يساعدوا - و ربنا يستر

---

معلش هوا الوضع في مصر بقي سيء اوي كدا لدرجه تحط علي كل باب و احده انا مش موجود في مصر دلوقتي بس اعتقد الموضوع مش بالسوء دا و لا رئيك ايه طمني

بخاخة المكواة ام تلاتة جنيه وتملاها مية نار
وتظبط القلاووظ على انه يرش لأبعد مسافة وخلى البلطجى يعيش
منها أدب ليه واللى زيه وذكرى مش هينساها لحد مايموت
وعلى نفسها جنت صفاقس !!

اقتباس:

---

المشاركة الأصلية كتبت بواسطة ahmedfoud

معلش هوا الوضع في مصر بقي سيء اوي كدا لدرجه تحط علي كل باب و احده انا مش موجود في مصر دلوقتي بس اعتقد الموضوع مش بالسوء دا و لا رئيك ايه طمني

---

بص يا سيدى كل يوم تسمع عن بلطجة وسرقات بالإكراه خصوصا على الطرق السريعة - غير الكلام عن الهجوم على شقق وأصحابها جواها - عن نفسى جبت كلبة وولف صغيرة معايا بالشقة - ومافيش أى تفكير لمصيف ولا دياوله - ده شعور عند معظم المصريين - ربنا يستر
وده خبر مؤسف على السريع عينة
رفض تسليم التاكسي له فقتله
شارك

اضغط للتكبير
صورة أرشيفية لتاكسي
اطبع
أضف تعليق
ارسل
6/4/2011 8:28:00 pm
كتب - يوسف جمال:
قتل عاطل سائق تاكسي بطريق السويس بعد أن رفض تسليمه التاكسى والاستيلاء عليه وتركه في الطريق.
تبين إن المجني عليه طلبت منه فتاتين توصيلهما إلى منطقة السلام وفي الطريق طلبا منه التوقف ليستقل شقيق أحدهما التاكسي معهما وفي الطريق أخرج المتهم مطواه وهدد المجني عليه بها وطلب منه التوقف وترك التاكسى لهما فرفض فقام بقتله بالمطواه.
وكانت أجهزة الأمن بالسويس قد تلقت بلاغاً بالعثور على جثة لشاب يدعى محمود عبد الباسط (28 سنة - سائق تاكسي) مُلقاة في الطريق.
تبين من التحريات أن وراء قتل المجنى عليه عاطل بالاشتراك مع فتاتين آخرتين.. وتبين أن الفتاتين استوقفوا السائق لتوصيلهما إلى مدينة السلام وفي الطريق استوقفته إحداهما ليحضر اخيها وهدد السائق بالمطواه وطلب من السائق ترك السيارة فرفض، فقام بطعنة عدة طعنات في أنحاء متفرقة بالجسم حتى فارق الحياة.
تم إلقاء القبض على المتهم وإحيل الى النيابة للتحقيق.

بصو يا جماعة ، انا شايل معايا فى العربية الأتى
طبنجة 9م ، اليكتريك مشحون باستمرار ، سيخ فيبر جلاس انشف من الحديد بالأضافة لكل ده برده ممكن معرفش استعمل ولا حاجة ساعة الجد ، بس هى حجات بطمن فقط ، اهم حاجة تقفل الأبواب كلها سواء كنت لواحدك او معاك حد و ترفع نص الزجاج الى جنبك لو ماشى بسرعة بطيئة ، و ربنا بيستر .

السلام عليكم
هتروح لاي محل لعب اطفال وهتجيب مسدس مياه الي بيرش ميه بس يكون نضيف علشان ميسربش
والمسدس الميه بتوصل قوه دفع المياه لاكثر من 5 امتار وعن تجربه
هتحط في المسدس ايه اقولك
هتروح السوبر ماركت وتشتري شطه سائله بتكون في زجاجه زي الكاتشب بس شطه فقط ومتجبش كاتشب حار زجاجة شطه
هتفضيها في كوبايه وتحط كحول نصف كمية الشطه وتحط زيت نصف كمية الكحول وتحط خل نصف كمية الزيت اظن مفهوم
ورج الخليط كويس
وعبية في المسدس الميه
واضرب وكمان صوب كويس لمسافة 5 امتار وعن تجربة بس الضرب يكون في منطقة الوجه
وخلي البلطجي يعيش
وممكن برده تشيل مسدس مياه اخر بس يكون مصنوع من مادة تتحمل مية النار وعبية ميه نار
بس لاتستخدمه الا اذا كان شخص داخل عليك يموتك بسلاح مش في اي خناقه يعني لان في الحاله دي تشوه
كل القصه دي لن تتجاوز ال 20 جنية
وادعولي

اخو زوجتي مهندس اتصالات وتحكم ودماغه حلوه في الابتاكار ..عمل سيلف دفنس عباره عن شومه كبيره واستخدم الالكتريك اللي بيولع السخان الغاز بياخد 3 فولت وبيطلع شراره عاليه جدا وهي نفس فكره ولاعه السجاير الكهربا وعملها سلكتين علشان الشراره تعدي بينهم بس حاجه تمام قوي ممكن الفكره دي تطوروها برده وبالنسبه للرش ممكن علبه بودي سبراي اهو تنفع في الحر وفيها كحول لو اترش علي المعتدي هياخد وقت علي مايفتح عنيه.

هو السيلف ديفينس بيستخدم فيه حاجتين
اولا: محلول الفلفل الاسود (فلفل اسود مغلى والمحلول هو الميه بتاعته).
ثالنيا: حمض الفورميك (زى اللى بيبقى فى معدة النمل واللى بيسبب التهاب مكان قرصة النمل وهو عبارة عن فورمالين + ميه)
ودا كلام الكيمياء من واحد كيميائى

اقتباس:

---

المشاركة الأصلية كتبت بواسطة ahmedfoud

معلش هوا الوضع في مصر بقي سيء اوي كدا لدرجه تحط علي كل باب و احده انا مش موجود في مصر دلوقتي بس اعتقد الموضوع مش بالسوء دا و لا رئيك ايه طمني

---

زميلنا شريف من قسم كيا كان جايلي ياخد الكتريك
قبل مايوصل الحرفيين اتثبت عالدائري واتاخدت منه فلوسه وكانت هاتتاخد عربيته ويتقتل
لولا انه فاق لنفسه وجري بالعربية وكان سيف محطوط عند فردة الكاوتش
يحكيلكو هو الموضوع بالتفصيل
الوضع مزري لاقصى درجة

السلام عليكم

طيب ايه الحل لو الواحد طلع اكتر من بلطجى , هل البخاخة تنفع ؟ ايه الحل ساعتها ؟

بص يا ريس
مش موضوع تستخدم ايه
الموضوع ازاي تستخدمه وقت الشدة
لأن ممكن يكون معاك طبنجة و لا آلي حتي و ساعة لما يحصل هجوم هتلاقي نفسك متسمر او مفيش سرعة في رد الفعل يبقي الاداة و لا ليها لازمة

بالنسبة الحاجات اللي للدفاع عن النفس فيه كتيير من اول السلاح البشري و زي ما انت عايز الكتريك سيلف ديفينس و سيلف ديفينس رش سواء الشطة او السي اس جاز او الاميركان ستيك و غيره و غيره

بالاضافة ان اي حاجة قدامك ممكن تبقي سلاح تدافع بيه عن نفسك حتي لو ازازة مية ع سبيل المثال واحد جي ماسك فيك او معاه مطواة رش المية بقوة في وشه و كرد فعل طبيعي هيغمض عينه او يمسح الماية ع وشه ساعتها تحول الموقف لصالحك و تتعامل معاه سواء هتجري او تاخد المطواة ع حسب ما تقدر
لو مثلا مش هتعرف ترش الماية عشان مقفولة الجزء بتاع الغطا و هو مقفول بيكون جامد يكفي انك بكل قوة تضرب بيه في نقطة حساسة في الوش زي المنخير لأنها سهلة الكسر
لاحظ ان مهما اللي قدامك مد ايديه و ماسك مطواة فرجليك اطول من ايده تقدر تضربه في مكان حساس

مثلا المحفظة : واحد جي مثبتك بمطواة و طلع اللي معاك
طلع المحفظة و امكسها من الناحية المقفولة و في جزء من الثانية تمسك بالمحفظة المطواة و تضربه في اي مكان حساس

ممكن يكون في جيبك ورقة مطبقة تستخدمها برده نفس الاستخدام

طبعا في حاجات كتتير محدش يتخيل انها ممكن تبقي سلاحه في مواجهة اي تهديد ممكن قلم او مسطرة او مفتاح او ورقة حتي المهم التكنيك المناسب

و في حاجات كتيير انا حطتلها تكنيكات بحيث اقدر استخدمها في اي موقف

بص فكر بذكاء و بساطة و احسبها من كل النواحي في اقل من ثانية واتكل ع الله و نفذ مش هقدر اقولك غير كده

و عشان توصل للمرحلة ديه لازم تدرب نفسك و تتخيل مثلا انك في موقف كده و واحد ماسك مطواة او عصاية اي حاجة و حط في دماغك تخطيط اللي هتعمله في الحالة ديه و ممكن تستعين بصديق او قريب و تتطبق عليه بدون ما يعرف التكنيك يتعامل كأنه واحد جي يهددك بس طبعا ميستخدمش سلاح حقيقي و انت تضربه شكلا يعني مش بجد بس تتدرب ع التكنيك

ده اسمه قتال الشوارع street fighting
و لازم تعرف ان قتال الشوارع ملوش اي قواعد و كل حاجة مسموحة
لكن ليك انت خليك في الحدود يعني حاول بقدر الامكان تدافع عن نفسك باقل الخسائر يعني كسر , اغماء

المهم تحاول تدرب نفسك ازاي تتعامل في اي موقف قصاد اي سلاح او قصاد اكتر من شخص و تكون هادي جداا عشان متتلخمش
و لو معاك سلاح من اللي قولتهم فوق برده حطله تكنيكات ازاي تستخدمه لو حد جالك و انت في عربية او و انت واقف و اكتر من شخص كده يعني

يا رب اكون قدرت افيدك

لأني متاكد ان في ناس هتقول ايه الكلام الهجس اللي بيقوله ده هههههه

و ربنا يستر و يبعد عننا كلنا المواقف ديه

اقتباس:

---

المشاركة الأصلية كتبت بواسطة dode2002

السلام عليكم
هتروح لاي محل لعب اطفال وهتجيب مسدس مياه الي بيرش ميه بس يكون نضيف علشان ميسربش
والمسدس الميه بتوصل قوه دفع المياه لاكثر من 5 امتار وعن تجربه
هتحط في المسدس ايه اقولك
هتروح السوبر ماركت وتشتري شطه سائله بتكون في زجاجه زي الكاتشب بس شطه فقط ومتجبش كاتشب حار زجاجة شطه
هتفضيها في كوبايه وتحط كحول نصف كمية الشطه وتحط زيت نصف كمية الكحول وتحط خل نصف كمية الزيت اظن مفهوم
ورج الخليط كويس
وعبية في المسدس الميه
واضرب وكمان صوب كويس لمسافة 5 امتار وعن تجربة بس الضرب يكون في منطقة الوجه
وخلي البلطجي يعيش
وممكن برده تشيل مسدس مياه اخر بس يكون مصنوع من مادة تتحمل مية النار وعبية ميه نار
بس لاتستخدمه الا اذا كان شخص داخل عليك يموتك بسلاح مش في اي خناقه يعني لان في الحاله دي تشوه
كل القصه دي لن تتجاوز ال 20 جنية
وادعولي

---

ربنا يباركلك ..حلوه الفكره دى وفكرت فى مسدس الأطفال بتاع الميه فعلا....بس من تجربتى (وانا طفل يعنى)...المسدس ده مبيبقاش محكم الغلق وملوش قاعده للتثبيت زى البخاخه...لكن المكونات والنسب دى شكلها فكره جميله ..تسلم ايدك...

اقتباس:

---

المشاركة الأصلية كتبت بواسطة aftam

هو السيلف ديفينس بيستخدم فيه حاجتين
اولا: محلول الفلفل الاسود (فلفل اسود مغلى والمحلول هو الميه بتاعته).
ثالنيا: حمض الفورميك (زى اللى بيبقى فى معدة النمل واللى بيسبب التهاب مكان قرصة النمل وهو عبارة عن فورمالين + ميه)
ودا كلام الكيمياء من واحد كيميائى

---

فعلا الفورمالين بيحرق فى العين جدا...وريحته خانقه برخامه ..لكن هل له نفس التأثير على البشره؟

يعنى زى الشطه كده لو جت فى وش المهاجم هتحرقه ؟

أشكرك للإهتمام والمشاركه...

اقتباس:

---

المشاركة الأصلية كتبت بواسطة hellboy

اخو زوجتي مهندس اتصالات وتحكم ودماغه حلوه في الابتاكار ..عمل سيلف دفنس عباره عن شومه كبيره واستخدم الالكتريك اللي بيولع السخان الغاز بياخد 3 فولت وبيطلع شراره عاليه جدا وهي نفس فكره ولاعه السجاير الكهربا وعملها سلكتين علشان الشراره تعدي بينهم بس حاجه تمام قوي ممكن الفكره دي تطوروها برده وبالنسبه للرش ممكن علبه بودي سبراي اهو تنفع في الحر وفيها كحول لو اترش علي المعتدي هياخد وقت علي مايفتح عنيه.

---

جميله قوى الفكره دى يا فادى بك...طب ما تصورلنا الإختراع ده عشان نقتبس منه الشكل ....ولو حبيت اعمله بموبينه عربيه عشان فرق الجهد يبقى عالى ومؤثر فعلا نشوف نوصل الالاسلاك على عصايه إزاى.....؟

اقتباس:

---

المشاركة الأصلية كتبت بواسطة karim_monir

زميلنا شريف من قسم كيا كان جايلي ياخد الكتريك
قبل مايوصل الحرفيين اتثبت عالدائري واتاخدت منه فلوسه وكانت هاتتاخد عربيته ويتقتل
لولا انه فاق لنفسه وجري بالعربية وكان سيف محطوط عند فردة الكاوتش
يحكيلكو هو الموضوع بالتفصيل
الوضع مزري لاقصى درجة

---

لا حول ولا قوه إلا بالله....

فعلا الموضوع بقى صعب ..ومخبيش عليك والله يا ابو عبد الرحمن....أنا بقيت أخاف اعمل اى مشاوير بليل وأخرى الساعه 12 وفى مكان أمان ولا طريق سفر ولا دائرى ولا محور ولا تجمع ولا حتى الرحاب او اى حته فاضيه..

وبالمناسبه...

لو فشلت فى عمل حاجه من الإبتكارات اللى فاتت او الموضوع كان صعب وبصفتك خبير فى الإليكتريك يا كريم بيك....

واحد معرفه ممكن يجيبلى عصايه فض الشغب بتاعه الشرطه العسكريه الى بتتعلق بجراب فى الجنب وفيها قطبين من المقدمه......ووصلها فى السعر ل 800 جنيه.....أيه رأيك؟


والعصايه التانيه بتاعه الأمن المركزى..اللى هيه بتبقى طولها متر تقريبا بس دى قالى فيها قضيه على طول فمسألتش على سعرها...


أيه رايك يا كبيرنا...؟

اقتباس:

---

المشاركة الأصلية كتبت بواسطة axel

بص يا ريس
مش موضوع تستخدم ايه
الموضوع ازاي تستخدمه وقت الشدة
لأن ممكن يكون معاك طبنجة و لا آلي حتي و ساعة لما يحصل هجوم هتلاقي نفسك متسمر او مفيش سرعة في رد الفعل يبقي الاداة و لا ليها لازمة

بالنسبة الحاجات اللي للدفاع عن النفس فيه كتيير من اول السلاح البشري و زي ما انت عايز الكتريك سيلف ديفينس و سيلف ديفينس رش سواء الشطة او السي اس جاز او الاميركان ستيك و غيره و غيره

بالاضافة ان اي حاجة قدامك ممكن تبقي سلاح تدافع بيه عن نفسك حتي لو ازازة مية ع سبيل المثال واحد جي ماسك فيك او معاه مطواة رش المية بقوة في وشه و كرد فعل طبيعي هيغمض عينه او يمسح الماية ع وشه ساعتها تحول الموقف لصالحك و تتعامل معاه سواء هتجري او تاخد المطواة ع حسب ما تقدر
لو مثلا مش هتعرف ترش الماية عشان مقفولة الجزء بتاع الغطا و هو مقفول بيكون جامد يكفي انك بكل قوة تضرب بيه في نقطة حساسة في الوش زي المنخير لأنها سهلة الكسر
لاحظ ان مهما اللي قدامك مد ايديه و ماسك مطواة فرجليك اطول من ايده تقدر تضربه في مكان حساس

مثلا المحفظة : واحد جي مثبتك بمطواة و طلع اللي معاك
طلع المحفظة و امكسها من الناحية المقفولة و في جزء من الثانية تمسك بالمحفظة المطواة و تضربه في اي مكان حساس

ممكن يكون في جيبك ورقة مطبقة تستخدمها برده نفس الاستخدام

طبعا في حاجات كتتير محدش يتخيل انها ممكن تبقي سلاحه في مواجهة اي تهديد ممكن قلم او مسطرة او مفتاح او ورقة حتي المهم التكنيك المناسب

و في حاجات كتيير انا حطتلها تكنيكات بحيث اقدر استخدمها في اي موقف

بص فكر بذكاء و بساطة و احسبها من كل النواحي في اقل من ثانية واتكل ع الله و نفذ مش هقدر اقولك غير كده

و عشان توصل للمرحلة ديه لازم تدرب نفسك و تتخيل مثلا انك في موقف كده و واحد ماسك مطواة او عصاية اي حاجة و حط في دماغك تخطيط اللي هتعمله في الحالة ديه و ممكن تستعين بصديق او قريب و تتطبق عليه بدون ما يعرف التكنيك يتعامل كأنه واحد جي يهددك بس طبعا ميستخدمش سلاح حقيقي و انت تضربه شكلا يعني مش بجد بس تتدرب ع التكنيك

ده اسمه قتال الشوارع street fighting
و لازم تعرف ان قتال الشوارع ملوش اي قواعد و كل حاجة مسموحة
لكن ليك انت خليك في الحدود يعني حاول بقدر الامكان تدافع عن نفسك باقل الخسائر يعني كسر , اغماء

المهم تحاول تدرب نفسك ازاي تتعامل في اي موقف قصاد اي سلاح او قصاد اكتر من شخص و تكون هادي جداا عشان متتلخمش
و لو معاك سلاح من اللي قولتهم فوق برده حطله تكنيكات ازاي تستخدمه لو حد جالك و انت في عربية او و انت واقف و اكتر من شخص كده يعني

يا رب اكون قدرت افيدك

لأني متاكد ان في ناس هتقول ايه الكلام الهجس اللي بيقوله ده هههههه

و ربنا يستر و يبعد عننا كلنا المواقف ديه

---

تسلم على الافكار و ربنا يسترها معانا

اللي مكتوب على الجبين لازم تشوفه العين خلوا ثقتكم في الله كبيره وما تشلش حاجه ودافع بيدك حتى الموت في حد بيموت ناقص عمر

اقتباس:

---

المشاركة الأصلية كتبت بواسطة moneer_marco

اللي مكتوب على الجبين لازم تشوفه العين خلوا ثقتكم في الله كبيره وما تشلش حاجه ودافع بيدك حتى الموت في حد بيموت ناقص عمر

---

قال تعالي : " قل لن يصيبنا الا ما كتب الله لنا "

قال رسول الله (صلى الله عليه وسلم) : "من قتل دون ماله فهو شهيد، ومن قتل دون دينه فهو شهيد، ومن قتل دون دمه فهو شهيد، ومن قتل دون أهله فهو شهيد"

و حديث تاني مش فاكره بالنص
لكن بما يعني
ان شخص سأل الرسول (صلي الله عليه و سلم) لو اتعرض له شخص لسرقته
فالرسول قاله : فقاتله - الراجل قاله : ان قتلني - الرسول قاله: فانك شهيد - الراجل قاله : ان قتلته - الرسول قاله : فهو في النار

ارجو لو حد يعرف النص بالظبط لأني بصراحة مش فاكره و مش عارف اجيبه

فالمغزي ان الرسول امرنا بكده

و محدش بيموت ناقص عمر و دليل ع ذلك
الناس اللي بتوقع من الدور 4 و 7 و مش بيموتوا و امثلة كتيير

و راجع مشاركتي و ارجو انها تفيدك

متابع الموضوع بأهتمام بس بجد غريبة انى مافيش كيميائى رد على الموضوع

اقتباس:

---

المشاركة الأصلية كتبت بواسطة mohamadfawzy

بخاخة المكواة ام تلاتة جنيه وتملاها مية نار
وتظبط القلاووظ على انه يرش لأبعد مسافة وخلى البلطجى يعيش
منها أدب ليه واللى زيه وذكرى مش هينساها لحد مايموت
وعلى نفسها جنت صفاقس !!

---

مهو كده عاهه مستديمة ولو أخر يوم ف عمره مش هيسيبك ...

المشكلة أن الناس دي مكرسه حياتها للأذية ... يعني أنت يومين وهتنسي وتشوف دراستك أو شغلك وحياتك ...
لكن هو مافيش وراه غيرك ...

أنا نفذت السلف ديفنس اسبراي فعلا
وهو عبارة عن شطه سوداني مطحونه
سبرتو أبيض
زيت جونسون أطفال وخلطهم ببعض وصفيت الخليط بقماشه وحطيتهم في بخاخه
وفعلا مؤذي جدا

معقول يا جماعة كلنا ناس متعلمين و مثقفين و شوية عيال صيع ملهومش لازمة في الحياه مخوفينا و عايزنة ما نمشيش في الشوارع و طبعا هما بيسمعوا عن ال كلام ال حضراتكم عمالين تحكوه و قاعدين يضحكوا عليكم و يقولوا شوف احنا مخوفين كل الشعب و مقعدينهم في البيت من المغرب مع أن 90 % من الحكايات عن البلطجية محصلتش و كلها أشاعات مصريين و نحن ملوك الأشاعات و هناك حلين ملهومش ثالث ، ألأول نطلب من الجيش و الشرطة بكل جدية في التعالم معهم و قتلهم على الفور لأن المحاكمات و السجن ليس لهم فائدة هما عايزين كده علشان ياكلوا و يشربوا ببلاش ، ثانيا و هذا هو الأهم أن نعود للعمل بأسرع و قت ممكن و ننتج لمصر الحبيبة و نتجاهل هؤلاء المنحرفين علشان التفكير الكثير في هذا الأمر عامل ذي ال بيفكر في العفريت بيطلعلوا و ربنا يستر عليكم و على مصر.

الأهم من وسائل الحمايه التدريب على استخدام وسائل الحمايه
مش كل الناس هتعرف تتصرف بسهوله مع حرامي او بلطجي وخصوصاً البنات حتى لو معاهم سلاح
عايزين نعمل دوره للتدريب على الدفاع عن النفس :16:

اقتباس:

---

المشاركة الأصلية كتبت بواسطة khaled65

معقول يا جماعة كلنا ناس متعلمين و مثقفين و شوية عيال صيع ملهومش لازمة في الحياه مخوفينا و عايزنة ما نمشيش في الشوارع و طبعا هما بيسمعوا عن ال كلام ال حضراتكم عمالين تحكوه و قاعدين يضحكوا عليكم و يقولوا شوف احنا مخوفين كل الشعب و مقعدينهم في البيت من المغرب مع أن 90 % من الحكايات عن البلطجية محصلتش و كلها أشاعات مصريين و نحن ملوك الأشاعات و هناك حلين ملهومش ثالث ، ألأول نطلب من الجيش و الشرطة بكل جدية في التعالم معهم و قتلهم على الفور لأن المحاكمات و السجن ليس لهم فائدة هما عايزين كده علشان ياكلوا و يشربوا ببلاش ، ثانيا و هذا هو الأهم أن نعود للعمل بأسرع و قت ممكن و ننتج لمصر الحبيبة و نتجاهل هؤلاء المنحرفين علشان التفكير الكثير في هذا الأمر عامل ذي ال بيفكر في العفريت بيطلعلوا و ربنا يستر عليكم و على مصر.

---

مش عارفه ليه حضرتك معتقد انها اشاعات
5 اشخاص اعرفهم معرفه شخصيه اتنين منهم اتثبتوا واتسرقوا واحد في الهرم وواحد في اكتوبر
واخو صديقتي عربيته اتسرقت في الدقي ورجعت
وواحده شنطتها اتخطفت عند نادي الترسانه
وآخر واحد قطع عليه الطريق في حدائق الأهرام وخبطه وجري
ده غير اخبار حوادث سرقة العربيات وقطع الطريق الموجوده في المنتدى
الحرص مش معناه خوف
والله خير حافظاً