العربية اتخبطت ، قدر الله وما شاء فعل ، محتاج نصيحتكوا

السلام عليكم ورحمة الله

عربيتي الكارينز اتخبطت يا رجالة ، تنصحوني أعمل ايه؟

أنا كلمت مهندس من قسم السمكرة اسمه م/محمد مجدي وقالي إن المركز الوحيد اللي شغال سمكرة هوا أبو رواش

وقالي إن في Waitng list عشر أيام على الأقل قبل ما العربية تدخل السمكرة

فهل فعلا الكلام ده صحيح ولا في مراكز تانية معتمدة للسمكرة؟


طيب العربية دايرة وشغالة ، طيب لو عاوز أروح هناك أبو رواش بالعربية وأسبها، في هناك مواصلات؟

أنا من اسماعيلية وهأحتاج أنزل رمسيس عشان أركب من الموقف.

أفيدوني الله يكرمكم


هيا العربية في كابوت ورفرفين أماميين وازاز أمامي

عربية مقطورة فكت منها المقطورة ورجعت على العربية في طريق السويس

أنا عاوز أسأل بس ، هوا العربية ممكن ترجع جديدة تاني؟


قدر الله وما شاء فعل ، إنا لله وإنا إليه راجعون

اللهم أجرني في مصيبتي وأخلفني خيرا منها


دعواتكم يا شباب الله يكرمكم

ربنا يصبرك ويكفينا شر النقل كله انا بكهرهم كلهم بصراحه بقي مصر مافيش فيها طريق عدل يتمشي فيه
نقل وميكروباص زباله وتكاتك وحاجه قرف
العربيه متخافش هترجه زي الاول انشاء الله مدام الشاسيه سليم وقاعده الموتور سليمه همها هيعملوا ايه فك وركب وبس اكنها زيرو

ربنا معاك ومتقلقش هاترجع زى الأول إن شاء الله

شكرا ليكوا كتير يا شباب طمنتوني

بس لو فيه حد يقدر يجاوب على أسئلتي يبقى ربنا يجزيه خير

المركز قريب من الطريق بالقرب من كارفور علي الطريق الصحراوي مصر الأسكندرية قبل الكارتة في مواصلات متقلقش أتوكل علي الله وروح وهترجع كويسة وزي الأول

اقتباس:

---

المشاركة الأصلية كتبت بواسطة NiceGoodFair

السلام عليكم ورحمة الله

عربيتي الكارينز اتخبطت يا رجالة ، تنصحوني أعمل ايه؟
قدر الله وماشاء فعل والحمد والشكر لله انك كويس
أنا كلمت مهندس من قسم السمكرة اسمه م/محمد مجدي وقالي إن المركز الوحيد اللي شغال سمكرة هوا أبو رواش

وقالي إن في Waitng list عشر أيام على الأقل قبل ما العربية تدخل السمكرة

فهل فعلا الكلام ده صحيح ولا في مراكز تانية معتمدة للسمكرة؟

فعلا الكلام ده صحيح وخصوصا لما الموضوع بيكون فى قسم السمكرة وممكن تاخد وقت اطول من كده كمان
الفكرة انت مأمن على العربية ولا هتعملها على حسابك ؟ لو مأمن على العربية يبقى طبعا التامين يغطى
الموضوع وتعملها فى التوكيل وهتضمن ان العربية هترجع لحالتها كأنها زيرو ....لو مش مأمن يبقى تشوف مركز تانى اكيد التكلفة هتكون اقل ولكن اكيد العربية مش هترجع زيرو .
طيب العربية دايرة وشغالة ، طيب لو عاوز أروح هناك أبو رواش بالعربية وأسبها، في هناك مواصلات؟

يستحسن انك ترفع العربية على ونش وتجيبها ابورواش متجيش بيها من عندك لانك مش ضامن ممكن يكون فيها ايه ولسه مظهرش فى المشاوير الطويلة .............ويستحسن يكون معاك حد تانى معه عربية او حتى تأجر عربية وتمشى وره عربيتك .....( كلامى بناء على ان عربيتك مأمن عليها )
اى مكان فيه مواصلات من هناك هتنزل ميدان الرماية وتأخد اى عربية راحه على موقف السلام وهناك هتلاقى عربيات كتير بتروح الاسماعلية .


أنا من اسماعيلية وهأحتاج أنزل رمسيس عشان أركب من الموقف.

أفيدوني الله يكرمكم


هيا العربية في كابوت ورفرفين أماميين وازاز أمامي

عربية مقطورة فكت منها المقطورة ورجعت على العربية في طريق السويس

أنا عاوز أسأل بس ، هوا العربية ممكن ترجع جديدة تاني؟

التوكيل مش بيصلح حاجه التوكيل بيغير وبس وكل اللى انت كتبها ده هيغيره واكيد باذن الله تكون حاجتك متوفرة
وتتغير بسرعه ( اعتقد ان الموضوع ممكن يخش فى حدود شهر ) لسه فى معاينة من شركة التامين ومندوب يروح ويجيى وهكذا


قدر الله وما شاء فعل ، إنا لله وإنا إليه راجعون

اللهم أجرني في مصيبتي وأخلفني خيرا منها


دعواتكم يا شباب الله يكرمكم

---