عرض للطباعة
انا لسه مسقط متور 1800 20v على جولف 4 حطيط زيت موتور شل الاصفر 5000 بعد العربية مامشيت 500 كيلو لقيت الزيت نقص شوية صغره دلوقتى عملت 1300 كيلو نقص حبة برضه مع العلم انى مبيجبش زيت من الكرتيره ورحت قيشت كبس الموتور لقيته 72% مش عارف بقا الموتور خفيف ولا لا ارجو المساعده
ايه ياجماعه مفيش حد عايز يساعد
الماتور شكله خفيف وبياكل زيت ادام النقص مش تسريب
انا بحط ال 5000 وبزوده بعد 3500 حاجه بسيطه جدا نما عندك ينقص بعد 500 كيلو ده مشكله
شكرا للرد بس انا لما رحط قيست الكبس طلع 72% يعنى كويس وسحبها معايا كويس اوى انا مش عارف اعمل ايه وانا لسه مسقط الماكنه
الكبس 72 ممتاز طبعا
طيب في دحنه من الشكمان لما بتقرص عليها؟
لا مفيش دخنة طيب هو ممكن تبقى بتاكل زيت كده ومكنة خفيفة وكبس 72%
اللى انا اعرفة ان لما الموتور يكون خفيفالعربية بتسحب حلو جدا
ممكن الموتور راكب فيه حاجة غلط
روح لميكانيكى فولكس شاطر احسن
على فكرة أنا واحد صاحبي عنده نفس الحوار بالظبط في نفس المكنة و العربية .. راح لهاني اللي في شارع الاربعين بتاع جولف قالله كل المواتير العالية بتاكل زيت .. ده الطبيعي بتاعها .. و الله أعلم
اخى الكريم علاقة الكبس باكل الزيت نوجزها فى الاتى
حجتين ممكن يخلو العربية تاكل الزيت
اما ان الشنابر ضعيفة ومش محكمة تاكل زيت ودة دليلة انك تلاقى بخار زيتخارج من خرطوم الفايز والموضوع دة مش عندك وكمان انت قست كبس المحرك لقيتة تمام
الحاجة التانية ان جلد الصباب من ركنة المحرك نشف وشقق ومش حاكم على الصباب كويس ودة يخلى الصباب يسرب زيت على وش البستم وبالتالى ياكل زيت ودليلة انك ممكن تفتح غطا التاكيهات والعربية سخنة ولسة مبطلها بثوانى وشوف لو فى بخار زيت خارج من غطا التاكيهات يبقى زى ما قلنا وعلاج الموضوع دة انك تعمل جلد صباب عند الخراط بس فى الحالة دى هاتضطر تفك وش السلندر