الاخلاق و السلوك ... حرام والله

**pendodo2002** · 25-04-2008 02:33 AM

يعني بمنتهى الظرافه لما الاقي واحد رامي لي عقب سيجاره (مولع) جوا عربيتي ونص الكرسي محروق و الشرطه بتتصل بيا علشان عربيتي بتولع ...
ولما الاقي واحد صاحبي برضو اتعرض لنفس الظريف ورش على الصاج بتاع العربيه زيت باكم
ولما الاقي خالي لسا جايب عربيه دفع رباعي مبقلهاش اسبوع ويجي واحد ظريف تاني من مافيه الظرافه راسم بمسمار خط الاستواء بطول العربيه لدرجه انو مش خربش الصبغ ... لأ ... دا حفرها حفر على الصاج نفسو ...
وقمه حرقه الدم في الآخر ...

توقيع ... درش
ان شاء الله هشوف فيك درش محترم يوم القيامه وانتا متعلم عليك زي ما علمت على عربيات الناس

حرام والله اللي بيحصل دا
حرااااااااااااااااااااااا ااااااااااااااام

حسبي الله ونعم الوكيل

**Dr Ahmed** · 25-04-2008 02:41 AM

الشعب بينتقم من بعضه
بس مافيش حاجة هتروح يوم الحساب لا صغيرة ولا كبيرة

**theking2690** · 25-04-2008 02:41 AM

حضرتك الاخلاق فى مصر فى انحدار مستمر يعنى انك تمشى فى الشارع و تسمع البنى ادمين اللى جنبك بيهزروا بألفاظ مينفعش انها تتقال فى اى مكان ده بقى شىء عادى وكمية الولاد اللى بيعكسوا البنات بقت رهيييييييبه جدا و بقت معاكسات بطريقه مستفزه و انا بضايق من الحاجات ديه جدا لأنى عندى اخوات بنات برضه و بخاف انهم يتحطوا فى مواقف زى ديه وحاجات تانيه كتيييييييييييييييير و توقع الاسوأ لأن الجيل بتاع الاطفال دلوقتى بقى بقت اخلاقه اهبب من كده

SS · 25-04-2008 02:50 AM

معلش يا باشا قدر الله ... و الحمد لله على كل شىء بس غريب اوى موضوع السجاير ده انا شفت العجب فى بلدنا لدرجة انى بقيت ما باستغرش حاجة يعنى موضوع المسمار ده بقى الطبيعى انا واحد صاحبى كان جايب بوينتر زيرو و لقيت و احد حافر له العلامة بتاعة فولكس على الشنطة شوفت المفوهومية يعنى عنده نظر و بيفهم محفرش ماركة تانية وشوه العربية....ناهيك عن عربيتى انا اللى عن قريب هتبقى معرض متحرك للعديد من اللوح السريالية قصدى فن النحت الحديث انا نفسى مابقتش احاول ابص عليها عشان لو حاجة جديدة ظهرت ما اتخنقش ...بس بجد موضوع السجارة ده غريب ربنا يعوض عليك ويسترها معاك.

**أبو عبدالله** · 25-04-2008 03:15 AM

لا حول ولا قوة الا بالله
قدر الله وماشاء فعل

ربنا يعطيك من فضله ويعوضك خير ان شاء الله

**Islam_galal** · 25-04-2008 03:17 AM

حسبنا الله و نعم الوكيل

**Abo_Lina** · 25-04-2008 12:19 PM

ان ربك لبالمرصاد

واديك شايف موجات الغلاء ..مش يمكن لو الناس راعت ربنا شوية ربنا هايسر ليهم في حياتهم

**Xpert** · 25-04-2008 09:39 PM

علشان كده تجيب عربيه رخيصه و مستعمله بقالها 200 سنه و تظبط الات الجر و العفشه بتاعتها ....

**محمد المشد** · 26-04-2008 12:57 AM

قل دين وعدم تربية 000 لو كان اهلة علموة بأن ضر الغير حرام ما فعل ذلك ولكن فعلا مقولة ان الشعب بينتقم من بعضة صحيحة 100% ، اجارك الله كل خير وعوضك عما فقدته ، واصلح الله من فعل ذلك وهدى اهلة

**Noha.M** · 26-04-2008 01:42 AM

انا كمان عربيتي اتجرحت نفس الجرح اللى بتقول عليه و تحس اللى حفره مغلووووول

و الله فى حتة مطولهاش عربية اصلا لدرجة ان البوية مش موجودة و الصاج بان !!!

حسبي الله و نعم الوكيل !!

الموضوع: الاخلاق و السلوك ... حرام والله

LinkBack

أدوات الموضوع

عرض

-

-

-

-

-

-

المواضيع المتشابهه

والله حرام

حرام والله

والله حرام

والله حرام عليكم

الكلمات الدلالية لهذا الموضوع

المفضلات

المفضلات

ضوابط المشاركة