بطارية لادا 2107 كام امبير
عرض للطباعة
بطارية لادا 2107 كام امبير
70 أمبير كويسة
-
لأ هيه 55 أمبير .... و أكثر من كده مالهوش لازمة إلى حد ما .... ممكن بس يفيدك لو بتسيب العربية أيام كثيرة بدون تشغيل ... يعني أنا لما غيرت البطارية جيبت 70 أمبير علشان أحيانا بيجيلي أوقات أسيب العربية أسبوع كامل بدون ما أشغلها فباحتاج أكون ضامن ان الشحنة ما فضتش و المارش يشتغل فوراُُ بدون وجع دماغ ..
انشاء الله اجيب 70 امبير بس عايز اعرف نوع كويس فى السائلة و الجافة وبكام
أفضل نوع أنا إستعملته هو ال AC Delco وهو صناعة سعودية
وكله جاف طبعاً
حاول تشتري واحدة تاريخ إنتاجها حديث
التاريخ بيكون مكتوب على وش البطارية
-
السعر كام انشاء الله وتارخ يكون 2009 افضل
تاريخ الإنتاج يفضل يكون معداش عليه أكثر من 6 شهور
والسعر الصيف الماضي كان 280 جنيه وبياخد القديمة
*-
افضل بطاريه فارتا لكن غاليه انا جبتها من 7 شهور ب520جم و56 امبير كمان
اتطمن وريح بالك هات فارتا الألماني هتلاقيها غالية شوية بس بتعيش أكثر و اأمن هات 55 امبير عادي خالص مش شرط الــ 70 أمبير إلا لو بتقعد فالعربية كتير وهيه مش شغالة وتشغل الكاسيت عالآخر وبتسيب النور شغال ... او بتسيب عربيتك فالشارع/الجاراج كذا يوم ورا بدون تشغيل يعني 5 أيام واكثر كده تجيب 70 أمبير علشان انته في حاجة ليه غير كده مش هيفرق خالص معاك الفرق ده و بالفرق أساسا تجيب بدل الــ 70 أمبير الحاجات التركي المصري لفارتا الألماني المضمونة ده رأيي الشخصي
وكمان لااااااااازم تاخد بالك من تاريخ الإنتاج السوق ملياااان بطاريات قديمة و مضروبة يستحسن يكون 6 شهور وأقل والله الموفق
شكرا على الاجابة
طيب الى م / أحمد : فى ناس قالوا لو البطارية ممكن احطها على التنجر لمدة ساعة ممكن تشحن واشغالها من شهر الى 4 شهور وهى فيها ربع ضارب عقبال ما اشترى واحدة جديدة الكلام دة صحيح
الشحن على التونجر بينفع أحياناً قليلة جداً
يعني تعتبره تجربة يا تنجح يا لا تنجح
لو الدينامو عندك كويس المفروض يقوم بعمل التونجر لو خدت مشوار كويس بالنهار
يعني مشوار في حدود 30 إلى 50 كيلومتر بالنهار
لو البطارية فيها أمل
المفروض بعد المشوار ده تكون شحنت تمام
لو مشحنتش يبقى مفيهاش أمل والمحاولة فيها تعب على الفاضي
-
انت لو بتسوق العربية بانتظام يعني مش بتسيبها بالأيام تفضى فأكيد هيه أساسا باظت لإنك كل ما بتمشي المفروض العربية بتشحن البطارية عن طريق الدينامو .. وهيه بتفضي نفسها في ساعات او يوم بالكتير ... و التوينجر ما اعتقدش هيصلحها ... انا لما بطاريتي باظت حطيتها مرة على التوينجر ومرة جيبتلها مية بطارية و حطيتها على التوينجر ولا حياة لمن تنادي :) .... مش هيضر لو جربت بس أنا باقولك فالغالب خلاص باظت والله أعلم ..و هاتلك واحدة جديدة وما تنساش الفحص الشهري ليها والله الموفق
شكرا على الاجابة