الموضوع: هــــوا فيه ايــــه !!!!

المشاركة الأصلية كتبت بواسطة modo88

ياباشا سلوكيات الشعب مش هاتتغير محتاجين اقل حاجه 10 سنين عشان نبدا نقول هانتغير
وللاسف لازم العصايه عشان الشعب يمشي كويس
لان الشعب المصري بطبيعه الحال (بيتجمع بكلمه ويتفرق بعصايا)

وياعم اكسنت اصدي (اكسل):d مصر كانت بلد الامن والامان بعصاية العادلي وللاسف نفسي نتغير من غير العصايا ونبقا شعب متحضر زي باقي ماخلق ربنا

مش بقولك حاسس و الله اعلم ع ما اعتقد تقريبا ان في ريحة تريقة ههههههههه و كمان ماله يا ريس اهو كله من فصيلة الهيونداي هههههه
و صدقني الموضوع مش موضوع كانت امن و امان بسبب العادلي او غيره البلد ديه طول عمرها بلد الامن و الامان فعلا
اكيد كل مكان فيه و فيه يعني زي ما في حلو اكيد فيه وحش
و ع فكرة ع مر التاريخ عمر ما حصل انفلات امني في مصر بالشكل ده

ده يوم حادثة الامن المركزي بتاعت تقريبا سنة 86 ايام احمد رشدي اللي كانت السبب في تقديم استقالته
و الامن المركزي في كل ثكناته خرج بالسلاح و المدرعات و بهدل الدنيا و دمر الشوارع في كل المحافظات
نزل الجيش حظر تجول و الموضوع اتحكم لدرجة ان طيارة هليكوبتر ضربت صواريخ عليهم في مكان كانوا معسكرين فيه
و كانوا بيحاولوا يوصلوا لمصر الجديدة لكن كان الجيش قاضي عليهم و مسكهم كلهم عالطول ديه كانت اسوء حاجة تحصل و الموضوع اتلم في ساعتها عالطول و ملحقش يحصل انفلات امني حتي
اما اللي بيحصل دلوقتي فهو اسوء شئ حصل ع مر التاريخ

و فعلا شعب ميمشيش غير بالعصاية و مفيش امل انك تخليه يمشي من غيرها في ناس كويسة و محترمة كتيير لكن مش بنفس عدد السئ
و بالتالي احنا محتاجين حملة توعية و شد جامد لمد 10 سنين ع الاقل عشان نقدر نقول ان البلد بقي فيها 70 في المية ناس كويسة لكن برده مهما عملت لازم هيكون في جزء سئ ديه حاجة طبيعية دول بقي اللي لازم العصاية و الكورباج :)

والله الكلام جميل فى كل مشاركه
بس مش شايف غير كم من الاحباط والاستسلام

فاكرين فيلم 1000 مبروك
لما كان بيصحى كل يوم يلاقى كل حاجه هيا هيا ومفيش تغيير والدنيا ماشيه تحت منوال واحد
كان بيتفرج زينا على فكره وبرضوا مكنش فى فايده

لحد مجه فى مره ابتدى يغير اى حاجه يشوفها بالفعل مش مجرد كلام

الغريبه اننا عملنا خطوه وهيا الثوره بس فى ناس قاعده فى بيوتها يقولك خبرتوا بتنا الله يخرب بيتكم
كل واحد بيبص لنفسه بمجرد انو بينزل شغله وياخد اخر الشهر المرتب ويبيقى ماشى فى الدنيا كانوا مخير ومش مسير
لازم يستحمل كل حاجه
انا لحد دلوقتى بلاقى ناس مش عارفه يعنى ايه ثوره المهم عندنا انا تاكل وتشرب وتروح شغلها
بس ارجع واقول اخدنا ايه من الثوره
بلطجيه
سرقه
قله ادب
كل حاجه بترجع زى الاول
وليه وما خفى كان اعظم