[youtube]https://www.youtube.com/watch?v=Cnc9ZkmEhqo&feature=player_embedded[/youtube]
[youtube]https://www.youtube.com/watch?v=Cnc9ZkmEhqo&feature=player_embedded[/youtube]
فعلا فيديو شديد و نشكرك عليه
و ارجو من شبابنا الصغير الذي ينخدع بكلماتهم البراقة و قصصهم الفاشلة و اشعارهم الزائفة
ان يعلمو ان هؤلاء الناس علي غلط كبير
لا يملك احد ان يكفر مسلم شهد بالله ربا و بمحمد رسولا
و لكن اتمني اخي الشاب الكريم ان لا تستدرج لتنتهج منهجهم فتبعد عن دينك شيئا فشيئا
فيضرب الله علي قلبك فلا تري الحق و تظل طول عمرك مبتعد عن اهل الدين مثلهم
و شيئا فشيئا يدب الكره داخل قلبك منهم ( فتري الملتحي و تقول لنفسك هوه هيرسم علينا دور الشيخ ) و تري المنتقبة و تقول تلاقي شكلها وحش و لو هيه حلوة اكيد مكنتش دارت وشها
او انها عليها قضية و تلاقيها مدارية علشان كده
و زميلك في الجامعة اللي بيروح يصلي في المسجد ( تقول عنه يعني خلاص حبكت اوي هوه عاوز الناس تقول عليه شيخ هوه هيرسم التت علينا )
و لما حد يقولك بلاش بنات و كده تقول يا عم هوه انتم هتعملو علينا شيوخ ان شاء الله ربنا هيهديني زي ما هداكم
للاسف اخوانا العلمانيين كانو معظمهم كده الاول و ( طبعا مش كل اللي كده هيبقي علماني )
انا اقصد الكثير منهم تربيتهم لم تكن دينية
و الكثير منهم غلبهم شيطانهم و هواهم و وصل بهم الحال لان يجنبو ( الله ) عن حياتهم
هل تتخيل اخي الكريم اي ( مسلم ) يقول ربنا للمسجد بس
هل يعقل اخي الكريم اي ( مسلم ) يقول تشريعات ربنا دي للماضي فقط و احنا دلوقتي
نستورد منهج خارجي
م.حاتم السباعي
ولا بيأمنو بالحريه ولا اى حاجه وعن تجربه معاهم
لا أتخيل بالمرة يا باشمهندس حاتم
ربنا يكفينا جميعا شر زي ده
:)
الله فاضحهم بإذنهِ ولن يجعل لهم سلطان على الإسلام والمسلمين
ومن يحارب الله ورسوله فسوف يذله الله في الدنيا قبل الأخرة
فديو جميل وحقيقي
بارك الله فيك
الحمد لله البلد ماشية في طريق طيب رغم محاولة البعض محاربة السفينة
العلمانيين أخذوا أكبر من وضعهم وحجمهم في عهد مبارك
وكانت كل القنوات والإذاعات والإعلام مفتوح لهم وحدهم
وأما غيرهم فإما معتقل أو مكمم أو صامت مختاراً الصمت
حتى أصيبوا بالغرور وتخيلوا أن إنفرادهم بالإعلام دليل على قاعدتهم الشعبية
لكن بعد الثورة صدموا وإكتشفوا حقيقة أنفسهم
إكتشفوا انهم مفلسون شعبياً
وهم القلة القليلة
والأغلبية هي التي كانت إما صامتة أو مكممة بواسطة رجال المطرود مبارك
وبعد الإستفتاء صدموا أكثر وعلموا حجمهم الحقيق أكثر
حاولوا إستخدام الإعلام بعد الثورة كما فعل صفوت الشريف وتلميذه راقص فرقة رضا أنس الفقي قبل وأثناء الثورة
وفشلوا فشلاً ذرعاً
ولذلك بدأوا في إثارة البلد والمطالبة بثورة ثانية 27 مايو التي فشلت فشلاً ذريعاً
والله لهم بالمرصاد
وكما كان كيد مبارك يرد في نحره أثناء الثورة
سيرد الآن كيدهم في نحورهم
اللهم ول علينا خيارنا
ولا تول علينا شرارنا
-
يُرِيدُونَ لِيُطْفِئُوا نُورَ اللَّهِ بِأَفْوَاهِهِمْ وَاللَّهُ مُتِمُّ نُورِهِ وَلَوْ كَرِهَ الْكَافِرُونَ ) (8) سورة الصف
ابلغ رد على هذه العقول الخربة
جزاكم الله خيرا
عايزين رد علمانين المنتدى
الحمد لله انهم ظهروا على حقيقتهم
العالمنية لا تؤمن بلحرية او تححدث فيها . . . بلعكس احد افرع العالمنية مثل الشيوعية قمة الديكتاتورية . . وحتي اليبرالية لا تؤمن بلحرية المطلقة لان هذا وفقا للعلماء والفلاسفة شئ غير واقعي او منطقي ولا يصح فلسفيا فا الطرح نفسة كذبة من البداية
يا جماعة العلمانية غير الليبرالية غير الديمقراطية غير المهلبية
للكن دى مبادئ انسانية ما فيش حد معاه التوكيل بتاعها فلما يعمل حاجة غلط يقول شوفت العلمانيين
زى لما واحد يدعى انه ينتسب للمنهج السلفى يعمل حاجة غلط اقوله شوفت السلفيين بلاش التعميم
للاسف فى ناس كتير بتردد كلام هى مش مؤمنة بيه زى مقولة
قد أختلف معك فى الرأى ولكنى مستعد أن أدفع حياتى ثمنا لتقول رأيك
ويا ويلك لو اختلفت معاه ولا تقولوا الناس قالت نعم فى الاستفتاء تلاقى هجوم ومبررات لا تستحق عناء الرد عليها
و انا متفق مع حضرتك في انها ( مهلبية )
لانها زي ما انت قلت مبادئ انسانية ( بتتغير من مكان لاخر و من مجتمع لاخر و من زمن لاخر و من بيئة لاخري
انما المنهج كله بيضعه ( بشر ) كي يوائم الحالة التي تلائمه فتنتج هذه المسميات السابقة علي اختلافها
و فعلا ليس معني ان احد اشخاص المنهج ( شرد في فكره ان هذا يعيب المنهج ) طبعا متفقين علي ذلك
و لكن هذا في حالة ان المنهج نفسه لا يكون به ( عوار ) او ( خلل ) يتعارض مع اصل ديانتك
و مثال علي كلامي ( هو ما فعله رسولنا الكريم مع حلف الفضول الجاهلي ) هذا الحلف الذي كان موجودا في بلد الشرك فهو حلف يدعو الي السمو بالنفس البشرية و يدعو و يحض علي فعل الخيرات و اعانة و كفالة المحتاجين )
فهو عمل انساني يتوافق مع شرع الرسول ( فأمتدح الرسول هذا الكيان و اثني عليه و قال انه لو دعي له للبي )
اما ان سنتهج المسلم فكر معين ( لتسيير حياته ) و اساس هذا الفكر يفتقر الي اسس العقيدة و احيانا في نقاط معينة يتعارض مع صحيح الدين فهذا ليس طبيعي و لا نشبهه بأن احد منتهجيه هو الذي شت
و لكن المنهج نفسه هو الذي شت لذا لزم الابتعاد عنه و البحث عن بديل
و لو ان اصل ديني لا يوفر لي منهج رباني يدير حياتي فمن حقي و قتها ان ابحث عن منهج انساني
و لكن لا يتعارض مع ديني اما في حالة و جود المنهج الرباني فلا يحق لنا استحداث شئ
م.حاتم السباعي
اللهم أجعل كيدهم في نحورهم
طب يا باشا ما الواحد بيقول العلمانيون مش العلمانية اهو :grin54:
ثم هاقول لك بصراحة ... انا عن نفسي شايف الغالبية العظمى كده
دكتاتوريين بفظاعة
يمكن يكون العلمانيين برة ناس كويسين .. الله اعلم
لكن عندنا كل اللي بيكره الاسلام تحديدا بيجري على العلمانية على طول فبقت وكر لأعداء الاسلام , ناهيك عن انها اصلا كفكر تم تفنيدها حتة حتة , ناهيك عن انها كمباديء و فكر كل علماء الدين (المحترمين مش امثال جمال البنا اللي مش عالم دين اصلا) بيرفضوها بدرجات متفاوتة لكن كلهم اتفقوا على رفضها التام
الكلام هنا عن منتسبيها , كلهم اسوأ من بعض
يُرِيدُونَ لِيُطْفِئُوا نُورَ اللَّهِ بِأَفْوَاهِهِمْ وَاللَّهُ مُتِمُّ نُورِهِ وَلَوْ كَرِهَ الْكَافِرُونَ ) (8) سورة الصف
يااااااااااااااه
صدق الله العظيم
فيديو ممتاز
شكرا
المزج بين العلمانية ...... و بين الحرية أمر غير صحيح
فيه حالات كتير كانت العلمانية فيها قمة كبت الحريات و الديكتاتورية
ده تعريض مبطن للفكر الليبرالى ...... اللى مختلف فى أوجه كتير عن العلمانية
معلش بس احنا لازم نفهم ان المسلم ..... مش شرط يكون منتمى لأحد الأحزاب أو الجماعات الدينية حتى يكتمل ايمانه
لازم نبدأ .... نفهم يعنى ايه استيعاب و تقبل الخلاف
فينك يا ريس مختفي بقى لك كام يوم
و ايه اللي انت جاي بتقوله ده ؟
جبتها منين دي يا ريس ؟؟؟؟اقتباس:
معلش بس احنا لازم نفهم ان المسلم ..... مش شرط يكون منتمى لأحد الأحزاب أو الجماعات الدينية حتى يكتمل ايمانه
مين جاب سيرتها اصلا ؟
باقول لك ايه
اوعى :grin02:
هما مش نفس الشيء لكنهم قرايب, يعني ممكن نقول ان الليبرالية صورة غير متطرفة من العلمانيةاقتباس:
ده تعريض مبطن للفكر الليبرالى ...... اللى مختلف فى أوجه كتير عن العلمانية
بس الكلام هنا عن العلمانيين عموما , و لو فيه ليبراليين طالعين في الفيديو فده ذنبهم ... فين بقى ؟
انا متفق في دي عموما
بس حاول تقنع الاخوة العلمانيين بكدهاقتباس:
المزج بين العلمانية ...... و بين الحرية أمر غير صحيح
فيه حالات كتير كانت العلمانية فيها قمة كبت الحريات و الديكتاتورية
-
-
-
-
-
هايتهموك انك اخوانجي :grin02:
مو جود يا باشا .... بس مطحون فى الشغل شوية :))))))
بص فى حاجة أنا بعملها مش عارف ان كانت صح ولا غلط
ساعات لما أجى أرد على موضوع أو مشاركة ...... بشوف مين اللى كاتب مشاركات و كاتبين ايه
و من كتر القعدة فى المنتدى ...... خلاص بقيت عارف كل واحد ايه توجهه ايه هى مواقفه ايه هى أراءه
فا برد فى المجمل ..... لأنى ببقى فاهم شوية كده على قدى كل واحد قصده ايه من ورا تعليقه
و لا أذيع سرا لو قلت ان ناس كتير مصنفه الليبرالى المؤمن بالحرية التى لا تتجاوز الدين و لا تتعارض معاه ...... بأنه أقل واجب ..... مخطىء و غير صريح مع نفسه و يدارى بأنتمائه ده أغراض أخرى
ده غير بعض التصنيفات الأخرى ...... و انت فاهمنى طبعا
أخر حاجة أنا مش علمانى و لا أهتم انى اشرح للعلمانيين ...... بس أعتقد انى أقف على مسافة شوية من الأخوان المسلمين صعب حد يتهمنى انى منهم :))))))
ليه بس كده ...... لو مش حنعرف نتسق :)))))) بالحوار ...... حيبقى خلاص مافيش قدامنا غير السيوف و الرماح
حدد الزمان و المكان ..... بس للحوار و حبقى سعيد بالتعرف على أى حد هنا فى المنتدى بشكل شخصى :)))
طب يا راجل و احنا بنتكلم عشان نعرف دماغات بعض ؟
انا كل يوم تقريبا باكتسب من الكلام مع الناس حاجة جديدة
و دي بتخلي الواحد يتطور فكريا بصورة اسرع
ثم احنا مش كنا اتفقنا ان
ده تعريفك انت لليبرالية و ماهواش التعريف الوحيد ؟اقتباس:
الليبرالى المؤمن بالحرية التى لا تتجاوز الدين و لا تتعارض معاه
يابني انت طالما قلت دي
يبقى انت كده اسلامي اصلا مش ليبرالي :grin54::grin54::grin54::grin54:اقتباس:
لا تتجاوز الدين و لا تتعارض معاه
طب ما انا مؤمن بنفس النقطة دي بالظبط
و مش كل اسلامي اخوان و الله العظيم ولا كل اسلامي سلفياقتباس:
الحرية التى لا تتجاوز الدين و لا تتعارض معاه
و خد مثال عندك احمد سمير , سيرش عليه و على مقالاته على البديل , وارد تلاقي افكاره قريبة منك و وارد تختلف معاه
العوا , برده اسلامي لكن لا اخوان ولا سلفي و برده ممكن تتفق او تختلف معاه
فهمي هويدي , نفس الكلام
عصام سلطان , نفس الكلام
هاتلاقي كتير يعني
(ملحوظة عشان ماحدش يفهم غلط كالمعتاد, هذا الكلام لا يعني سباب الاخوة الاخوان او الاخوة السلفيين , و انما فقط توضيح ان الاسلامي مش بالضرورة دول او دول)
و نأخذ من كل رجل قبيلة بقى و بتاع :grin54::grin54:
قشطة بس ما تنسونيش ساعتها
كنت داخل أقول كده بالظبط ...
بالنسبة لليبرالية فأرجو عدم الخلط بينها و بين العلمانية ... كلاهما مختلف عن الآخر و يناسب ظروف معينة و قد تطوع أى من منهم ليناسب أى بلد ... الفكرة إنك هتعدل النظام من جديد.
مثلاً النظام الليبرالى فى الولايات المتحدة بدايته فقط أخدت عهود ثلاث رؤساء كل واحد فيهم قعد فترتين (يعنى 24 سنة) .. يفضلوا يغيروا فى القوانين و الأنظمة عشان يوصل للشكل الليبرالى ... و بعدها التغيرات إستمرت على مدار السنين لحد ما وصل للشكل الحالى ... اللى هتلاقيه مختلف عن الدول الأخرى اللى بتطبق الليبرالية.
فالموضوع مش نظام محطوط و إحنا نطبقه زى ما هو ... و مفيش أى نظام ناجح فى أى دولة ينفع يتطبق زى ما هو فى دولة أخرى دون تعديله ليناسبها .. نحن فقط نأخذ بالمبادىء العامة (و قد نضيف عليها أو نحذف منها) و نبنى عليها النظام الخاص بنا.
و لو عاوزين نتكلم عن الليبرالية نفتحلها موضوع مخصوص.
يا اخي العلمانية دي الفزاعة بتاعة أخوانا البعدا يوصفوا بيها اللي يعارضهم
هو في كام علماني بحق وحقيقي في مصر؟