وانا مع الحجب نجرب
وانا مع الحجب نجرب
شوف يا باشا الكلام على المواقع الإباحية التي تحتوي على pornoصريح وهذا غير موجود في يوتيوب وسياسة الموقع عدم وضع هذه المواد من الإساس ولو حصل و حط حاجه كده واي حد بلغ عنها بتتشال دي سياسة موقع اليوتيوب انه بيشيل المواد الاباحيه ليه ما اعتبروهاش حجب حريه لا بالعكس اللي عايز الحاجات دي موجوده على مواقع فيديو تانية كتيره ما بتتبعش السياسة دي
والكلام هنا على المواقع الإباحية الجنسيه فياريت ما نخلطش الأوراق وبعدين على الأقل لو مش هاتتمنع خالص تتصعب على الناس والناس مش محتاجه اصلا انها تمنع عشان يقبلوا عليها لأنها بالفعل منتشره جدا
وبعدين معلش بالنسبه لحل حملات التوعية ما الحملات موجوده من زمان والمشايخ الأفاضل بيخطبوا في المساجد وينصحوا من زمان والناس زي ما هي دي ثقافة مجتمع مش ها تتغير في يوم ولا ليله وبرده بالنسبه لموضوع العنوسه انا شايف انه مالهوش اي علاقه بموضوعنا الرئيسي وهو حجب المواقع الإباحية
معلش راجع ال you tube تانى ...... فيه حاجات كتير مش بتتمسح خارجة جدا لا تقل فى حرمانيتها و فجرها و بذاءاتها عن المواقع الأباحية
و راجع ال face book فيه حاجات كتير خارجة تماما بقى مش زى ال you tube حتى
حتعمل ايه فى دول ؟؟؟؟ و مين حيقول الموقع ده يستنى و الموقع ده يتحجب ؟؟؟
صدقنى انا معاك مش ضدك ..... بس احنا فى زمن المنع فيه انتهى مهما عملت
ما هو يا باشا احنا ما ينفعش نفكر كده دي عامله زي اطلاق اللحيه كده كمثل الناس بيقولوا يعني هو عمل كل حاجه في الدين مش فاضل غير اطلاق اللحية
لا طبعا نص العمى ولا العمى كله
لأ طبعا
ماهي دايما تبتدي بهدف نبيل وواحدة واحدة يبقى أي حاجة مش على هواء الرقيب
تبقى بعد كده سياسية أو غيرها بمزاجهم
تبقى قضيت على أمن الدولة في كبت الحريات وخلقت هيئة امر بالمعروف
ضد الحجب
يعنى انا عايز افهم هو ليه دايما بنفترض سوء الظن ... الكلام كله على المواقع الاباحية لم يتكلم احد على شيئ غير ذلك
نفضل بقى احنا نخمن ونتوقع مالم يتم طرحه ونحكم على الموضوع بالرفض طبعا لازم يحصل حجب واللى عايز يتفرج على المواقع الخبيثة دى هيعرف يتصرف لكن الأطفال والمراهقين اكيد هيساهم بقدر كبير جدا فى تجنب تلك المواقع
ان شاء الله يتم حجبها
الاخوة الكرام
تعالو نفكر بهدوء شوية
النت الان متوفر للكل و ارجو ان يتسع صدر الرافضون للحجب لما سأقول
و نضرب مثال صغير ( واحد اقلع عن التدخين لانه شاف واحد صاحبه جتله زبحة من التدخين فبطل و بعد فترة عاوز يدعو الناس المحيطين به للاقلاع عن التدخين فلو انه ظل يحكي له عن تجربته فقط لن يستجيب له الا جزء بسيط من المستمعين اما لو انه عدد لهم مخاطر التدخين و ذكر لهم انه ثبتت حرمانيته و انه يدمر العلاقة الزوجية و انه يصيب الجسم بالارهاق و انه مكلف و يستنزف فلوسه و هكذا فأكيد سيستجيب له عدد اكبر من المستمعين )
و ما قصدته اني اوجه بعض الاخوة المعترضين علي الحجب ( انكم يجوز عندكم القدرة علي منع انفسكم علي الدخول لهذه المواقع السهلة جدا ) اما لقوة ايمانكم او للزهد فيها لانكم لا تحبون هذه الاشياء او لان البعض يملك اجهزة رسيفر و اشتراكات للقمر الاوروبي و غيرها
اي اني اقصد انه ليس بالضرورة ان يكون الشعب كله عنده ما تملكون لاسباب الحجب
فلو اننا سنحجب هذه المواقع لحماية الناس اللي لا يستطيعون التحكم في غرائزهم فأننا بذلك قد ساهمنا في امر عظيم بأنهم لم يرتكبو المعاصي و لو ان احدهم غاوي بقي و مصمم علي المعصية هيعرف يتعب لحد ما يحصل عليها و هو حسابه علي ربه انما ان نترك الخمر مثلا امام ابنائنا طول العمر و نقول اصل احنا هنربيهم ان ده حرام فهما هيتركوه
او اننا نخاف من الحجب انه هيوصلنا لحجب اخر سياسي فهذا ليس بصحيح علي الاطلاق
احذرو اخواني من الانحلال الخلقي فلقد هلك اقوام قبلنا بسبب الاباحية
و لنا في قوم لوط العظة و ربنا ضرب لنا الامثلة لكي نعقل و ندرك و نقيس
كيف نترك الموضوع لشبابنا و بناتنا لضمائرهم و تدينهم فقط الا تعلمو اخواني ان هناك اسر لم تدخل النت من هذا الخوف ( الاباحية ) نفسي اجد كل بيت في مصر به نت بدون خوف او ذعر و كل هذا مع الاستمرار في التوعية و الدعوة للحذر من عقاب الله
م.حاتم السباعي
ضد الحجب لأن بمنتهى البساطة هتتحول مع الوقت وبالتدريج لحجب مواقع اخرى لا علاقة لها بالأباحية و لكن لها علاقة بالسياسة مثلا