ساجا و مشكلة المساعديين الغريبة

**Baher_Algogary** · 06-06-2011 06:12 AM

السلام عليكم و رحمة الله وبركاته

للاسف الشديد انا كانت عندى اصوات غريبة ناحية المساعديين المهم انا رحت توكيل الصحراوى و قالوا لى ان المساعديين يتغيروا
ملحوظة : العربية عملت ساعتها 5000 كيلو
ماشى الحال يتغيروا قالوا استنى علشان مش موجديين ماشى الحال و بعد معاناة و اتصالات كتير بالتوكيل و بعد شهر قالوا لى افراج تعالى ركب المساعديين جيت و ركبت المساعديين
المفاجأة : بعد اقل من اسبوع رجعت الاصوات
تانى رحت كشفت عليها فى التوكيل قالوا لى
ان المساعديين يتغيروا يا جدعان نفس المساعديين الجداد ايوة نفس المساعديين الجداد قولت لهم ماشى استنى برضو علشان هما مش موجوديين و الحال ده منذ اسبوعين
ملحوظة هامة جدا : فى المرة التانية اللى كشفوا فيها على العربية قبلت هناك 4 عملاء
مشكلتهم نفس المشكلة مش مشكلة المساعديين فقط ولكن انهم بعد ما ركبوا المساعديين باظت و قالوا لهم لازم يتغيروا تانى

فانا عاوز اعرف هى دى مشكلة عامة ولا مشكلة خاصة و لماذا التأخير فى استبدال قطع الغيار رجاء افيدونى!!!!!!!!!!!؟؟؟؟

موديل العربية ساجا
رقم تليفونى
0162007678

شكرا جزيلا على تعاونكم مقدما

**amr1973** · 06-06-2011 09:53 AM

لا يا فندم المشكلة مش مشكلة عامة لانى عندى العربية و لا يوجد اى عيب بالمساعدين و العربية عاملة 20 الف كيلو و لم توجد شكوى من قبل بخصوص المساعدين الا عربية و تم تغير المساعدين و مافيش مشكلة

**mememsaid** · 06-06-2011 03:31 PM

ماعتقدشش
انا ماعنديش اصوات غريبه
بس ارجو من حضرتك توضحلي اكتي شكل الاصوات ديه ايه

**spiderloking** · 07-06-2011 01:39 AM

انا عندي صوت بسيط قدام يمين مع النقر و المطبات الجامده بس اعتقد ده صوت بيروح مع تربيط العفشه مش مساعدين خالص لأن فعلا لما بربط العفشه بيروح و بيظهر بعد فتره كبيره لما امشي كتير في مناطق فيها نقر و مطبات و ده عادي جدا في اي عربيه

**Baher_Algogary** · 07-06-2011 03:31 AM

هو الصوت صوت طقة وبتزيد لما يكون فى مطبات او الشارع مش مستوى
........................................
هما فى التوكيل قالوا مساعديين بس المشكلة ان بعد ما يتغيروا يحصل الصوت و يقولوا مساعديين تانى
و الصوت صعب اوى مش صوت بسيط

**Baher_Algogary** · 07-06-2011 03:32 AM

ارجو المساعدة لانى تعبت

شكرا

**أبومعاذ** · 07-06-2011 01:55 PM

أول مرة أسمع إن الساجا فيها العيب ده....ياريت حضرتك تعرض مشكلتك على المهندس أمر مدير خدمة ما بعد البيع

**Baher_Algogary** · 08-06-2011 06:34 PM

انا اتصلت بالتوكيل بالأمس و الرد كان لسة على اخر الشهر
السؤال المهم الأن لو كانت المشكلة لا قدر الله تخلى العربية ما تتحركش هفضل ركنها اكتر من شهر !!!!؟؟؟

**Mohtofy** · 10-06-2011 05:54 PM

أنا عندى نفس المشكلة خبط جامد لما أمشى فى طريق غير مستوى ولما قولتلهم فى التوكيل فى صيانة الـــ 5000 المهندس قالى دى مشكلة تربيط عفشة وبعد ما ربطولى العفشة طلع معايا واحد من التوكيل عشان نجرب العربية لاقيت الأصوات أختفت خالص قولت الحمد لله وتانى يوم رجعت الأصوات زى ما كانت وأنا دلوقتى عامل حوالى 7500 كيلو وكنت ناوى أن أروح التوكيل تانى لاكن الثورة قامت ولسة مرحتش لحد إنهارده
وكمان ظهرت عندى مشكلة التيل بقى بيصفر لما أدوس فرامل جامد دى غير مشكلة إستهلاك البنزين العالى ... الواحد خلاص أتخنق من العربية

-

الموضوع: ساجا و مشكلة المساعديين الغريبة

LinkBack

أدوات الموضوع

عرض

-

-

-

-

-

المواضيع المتشابهه

عايز اغير المساعديين والسوست للفلوينس

مشكلة مش عارفلها حل فى لمبة الموتور ساجا

مشكلة مش عارفلها سبب فى لمبة موتور البروتون ساجا

مساعدة بخصوص المساعديين

مساعدة بخصوص المساعديين

الكلمات الدلالية لهذا الموضوع

المفضلات

المفضلات

ضوابط المشاركة