الموضوع: تقيم شيفورلية

انا واحد من المتابعين للقسم :-)
مش عارف تعرفونى ولا لأ
خلينا فى المهم الى هو سبب فتح الموضوع دة
لاحظت فى الفترة الاخيرة فى قسمنا الجميل الى ادين لة بالكثير ان كثير من الاعضاء بيتكلموا عن تقيم موديلات مختلفة لشيفورلية الى هى بتنزل مصر
و كانت المشاكل واحدة
و حبيت انقل متابعتى للقسم كمشاركة منى لتلخيص الموقف
لان هناك مشاكل تم حلها ومشاكل لم تحل و مشاكل وهمية من اعضاء منعرفهاش
و الى عايز اوصلة من الموضوع ان القسم بطبعة وكل عضو فى الاسرة بتاعتة تعرف بعضها جيدا و بنا عيش وملح يعنى ليس اصدقاء فى مجتمع افتراضى لكن انقلب الموضوع الى اصدقاء فى الحياة الحقيقية
و بالتالى اي مشاركة من حد مايعرفش طبيعة القسم بعلاقاتة بين اعضائة ( الاكثر احتراما الى شفتهم فى حياتى ) بيكون هناك رفض لعدم جدية الموضوع او المغالاة فى عرض المشكلة .
علشان كدة قلت اقول شهادة حق من خلال متابعاتى لكل موضوعات القسم من ساعة تاريخ اشتركى فى المنتدى فما سوف اكتبة من خلال مواضيع و تجارب الاعضاء

سبارك( الشكل القديم ) : لم الاحظ مشاكل فى هذة السيارة فهى سيارة ممتازة فى الفئة بتاعتها
سبارك ( الشكل الجديد) : لا استطيع تقيم العربية لقلة مالكيها
لانوس : لا استطيع تقيم العربية لان مالكيها بيكتبوا فى قسم اخر
الافيو : كل الموديلات الكورى الصنع مشاكلها كانت فردية و بسيطة ولكن المشكلة كانت فى بداية التصنيع المحلى و الشكوى العامة نختصرها فى زياة ال rpm وعيب فى الباب الخلفى بيدخل هواء
ومن متابعة الاعضاء تم حل مشكلة ال rpm من خلال التوكيل اما الباب الخلفى مشكلة سمكرة لم ننصح بعمل سمكرة و بالتالى قائمة طيب المشكلة اختفت ؟ ملاك السيارة من النصف الثانى من 2010 ليس عندهم اي مشاكل مع السيارة و لو فية بتكون فردية
اوبترا : مشاكل فردية وبسيطة وكان هناك مشكلة فى الموديلات القديمة فى علبة الدركسيون و كان يتم تغيرها من خلال الوكيل و لم اسمع بالمشكلة اعتبارا من موديل 2010
كروز : مشكلة التبطيل و ظهرت عند عدد محدود من اعضاء المنتدى ولا استطيع القول انها لازالت موجودة من عدمة لانها كانت محدودة ولكن الملاك الحالين لموديلات من 2010 لا يوجد بها اي عيوب
ظاهرة او متكررة

ما اطلبة من اعضاء المنتدى الحالين و الزوار مراعاة الدقة فى الموضوعات و تحديد سنة الصنع لعدم تعميم مشكلة و امكانية حصرها
يعنى ما ينفعش نجيب مشاكل من 2006 و نقول العربية فيها مشاكل لكن نقدر نقول ظهر حالات فى موديل 2006
و هذا للامانة فى العرض و الغرض ان القسم يكون متجدد وبة معلومات للى عايز العربية موديل السنة و الى بيشترى مستعمل موديل قديم و ماينفعش ننقل مشكلة حد من على موقع اخر تاريخعا 2009 و نعملها فى موضوع جديد دلوقتى لان الكل هايظن ان دة موضوع جديد و هايحصل خلط
طبعا كلكم عارفين انى ليس لى علاقة عمل بمنصور و بالتالى انا ليس صاحب مصلحة
و بالتالى ما يهمنى هو مصلحة اضاء المنتدى و زوارة
لو فية اي معلومة انا كتبنها بطريق الخطاء برجاء تصليحها فى المشاركات ( معلش انتم عارفين الزهايمر مع السن )
فتقبلوا تحياتى

و يجعلة عامر

كلام كتير اتقال على الكروز لحد ما قفلت منها و بيصعب عليا جدا أي واحد بشوفه في الشارع معاه العربية
لكن عمري ما قلت لحد ان العربية وحشة .... بالعكس انا معجب جدا بيها لكن خفت منها ............