-
plzzzz help - astra 2005
اجمل صباح علي احلي قسم في المنتدي.......
ابتذة الحكايه بتاعتي لما اشتديت كورسا ٢٠٠٥ وكانت تحفه وكانت اول مره في حياتي اجرب الالماني (اصل انا علي طول بركب ياباني) بس عرفت ان الالماني تحفه بجد........
بعدها تعبني المانيوال فبعت العربيه وربنا رزقني ب استرا ٢٠٠٥ والحمدلله بس للاسف جبت العربيه من هنا ولبست عين جميله خلت عداد الحراره ماااااااات (مش شغال فصل لوحده) ناس في التوكيل يقولو الكمبيوتر باظ :angry06: وناس تانيه في التوكيل برده يقولو الكنترول يونت بتاع الحراره باظ !!!!!
ناس تقول غير الكمبيوتر كلو :oops1: وناس تقول صلح الكنترول ارخص !!!!!!!!
والعربيه بعد الحاجه دي مابطلت تشتغل وهيا متبرجله تحس ان ركبها عفريت صغير :monkey1: بقت ولا كاني قاعد في الملاهي ( العزم بقي وحش - العربيه متبرجله - بتاكل بنزين - بيدخلي سخونية الموتور جوه - التكييف بقي بطيخ ) حاسس والله اعلم اني بقيت راكب عربيه كارو........
وربنا كرم وفي اخر القصه اتخبطت امبارح تحت البيت :untitled 1:
بالتالي هبقي محتاج فانوسين قدام وفجين وشبكه
ممكن حد يعرفني احل المشكله بتاعت الحراره ذي ازاي واعمل ايه ولو الموضوع غالي اوصفولي بالمره باب جامع اروح عندو علشان ابدا في رحلة اصلاح الكارو وابدا احوش من هناك..........
معلش هتعبكو معايا
اخوكو شربيني.....
-
بص اولا لازم تكشف بالجهاز هو يقلك فى اة وجرب وشوف روح عبداللة اوبل فى المريوطية يجربلك القصة وربنا معاك
الونيس والحجات دية هتهاء جديدة تيوانى مش غلية من وسط البلد انزل التوفقية عن الشيما مثلا
-
اكشف كمبيوتر
لو عربيتك برازيلى زى بتاعتى يبقى ادعى ربنا انك تلاقى الفوانيس جداد وعلى فكرة مفيش منهم استراد
الفوجات موجوده جديدة
على فكرة العربية ده فعلا لو سليمة مش هتقدر تفرط فيها مهما حصل عربية جميلة بمعنا الكلمة بس معلش هتتعب فى الاول
رقم تلفونى 0111152309 لو عايز اى حاجة
والحمد لله جت على اد كدة
-
السلام عليكم انا اخوك عماد معاه نفس العربيه وبالنسبه لمشكلة الحراره دي اكشف عليها كمبيوتر زي مالناس قالولك
وايه اعراض عطل التكييف يعني بيحصل ايه لما بتيجي تشغله ؟ بالنسبه للفوانيس فيها ندره نسبيه بس موجوده في مقار والفوجات عليك وعالديبو وعلى فكره عبد الله اوبل معندوش كمبيوتر كشف اعطال وهوا فاهم جدا بس لولقاك مش فاهم هيشتغلك احسنلك متجبش قطع غيار من عنده بس ممكن تخليه يشتغل فيها ومصنعيته مش غاليه قوي يعني معقول عنده عفشه وميكانيكا وكهربا صنايعي مش جامد قوي يعني بس عفشه وميكانيكا ممتاز والتكييف مجربتش كان مقار بيقولي السربتينه عايزه تتغير روحت شحنت وغيرت بلف والحياه بقت فل في النعل موضوع السخونيه اللي داخله من الموتور خليه يبصلك على الفتحات اللي داخله على الصالون او لو العازل متقطع يبقى فكك منه احسن مش مؤثر قوي او بمعنى اصح انا مش عارف؟وده رقمي لو احتاجتله 0121068879
-
-
انا مش عارف اشكركو ازاى والله يا رجاله و انا اخدت ارقامكوا و هاكلمكم ان شاء الله
شكراً جزيلاً ليكم كلكم
ممنوع استعمال الفرانكو اراب حيث انه مخالف لقوانين المنتدى
تم التعديل بواسطتى مشرف القسم
مع التنبيه على العضو
21ب
Content Relevant URLs by
vBSEO 3.6.0 PL2