سير الدينامو اشده جامد ولا نص نص؟. لو شديته جامد هيبوظ الدينامو ولا لا؟ز
عرض للطباعة
سير الدينامو اشده جامد ولا نص نص؟. لو شديته جامد هيبوظ الدينامو ولا لا؟ز
انا مجربتش ادا اشده بنفسي
لكنى بشوفه يشده وسط يعنى بعد ما بيشده بيدوس دوسه خفيفه عليه كانه بيختبر عزم الشد
عموما لما بيكون مش مشدود كويس بيعمل صوت عند التحميل على العربيه
لما تدوس عليه بصباعك في النص مينزلش أكتر من 1 سم - يعني لا مشدود عالاخر ولا مرخخي
سير الدينامو لازم يكون مشدود كويس جدا وفية حوالى 5 ملم تقدر تضغط علية , لكن لو ماتشدش كدة ممكن يتقطع وهيعمل معاك صوت اثناء الدوراة ولمبة البطارية مش هتطفى الا بعد مدة
و الله المسألة دى لو عايز الصح بتاعها
فيه حاجة اسمهاtension meter او tensiometer
و ده بيقيس الشد اللى ف السير بتاع الدينامو او اى سير متركب
و طريقة استخدامه: انه متركب به سينسور او led بيخرَّج شعاع اشعة تحت حمراء Infra Red و دى بتوجهها على السير المراد قياس الشد فيه ثم تقوم بمقارنة هذا الشد بما هو موجود معاك فى مانوال السيارة (Service manual)
الطريقة البلدي:
بعد تركيب السير قم بالضغط على السير لاسفل من منتصف المسافة بين الطنبورتين المتركب عليهم السير
- اذا كانت المسافة بين مركَزَىّ الطنبورتين اقل من 11 بوصة ( 30 سم ) تقريبا, اذن المسافة التى يهبطها السير يجب الا تزيد على رُبْع بوصة ( 6 مم)
- اذا كانت المسافة بين مركَزَىّ الطنبورتين اكبر من 11 بوصة , اذن المسافة التى يهبطها السير يجب الا تزيد على نِصْف بوصة ( 12 مم)
و ده قريب من مشاركات الاعضاء الفُضلاء