موضوع غريب يا ترى حد خج باله ابل كدة

سلامى للعصابه المفتريه اخوكم معاة هوندا سيفك 90 المهم العربيه تمام و بتسلم عليكم بس لحظت حاجه غريبه مش عارف دى طبيعيه ولا لا لما بدور فى السلانسيه و مش واخدة ناقله (اتوماتك ) العربيه مشاء الله ثابته و مش بتتهز (هزة الماتور ) قلت اسيبها تسخن و اطلع امسحها لقيت العجلتين الادام بيتهزوا جامد بس البودى بتاع العربيه كلو ثابت فتحت الكابوت لقيته تكاد بصعوبه تحس ان الماتور بيتهز الى واضح هزة فى الكاوتش الى ادام هل دة طبيعى و انا الى مكنتش واخد بالى ولا كدة فيه مشكله و لو فيه مشكله يا ترى تكون ايه شكرا يا رجاله منتظر ردكم

اهلا بيك ياباشا ويارب تكون بخير

دلوقتى بالنسبة للمشكلة اللى حضرتك قولتها دية طبعا غير طبيعية

وانت بتقول ان العربية ماشاء الله الماتور بتاعها مابيتهزش طيب تمام لحد هنا تمام , مافيش هزة فى البودى كويس ودة طبعا هيبقى ناتج عن ان الماتور مظبوط , لكن لما تلاقى العجلتين الاماميين فقط هما اللى بيتهزوا جامد يبقى كدة حضرتك هتبص على الحاجتين دول

قاعدة الفتيس فية عندك اتنين تبص عليهم , وتربط عفشو كاملة وتكشف عليها وان شاء الله المشكلة دية هتروح

وياريت لو فية اى ملاحظات بتسمعها او بتحس بيها وانت ماشى تقول عليها

تسلم يا باشا بس مال قاعدة الفتيس بالهزة و شكرا

قاعدة الفتيس لو بايظة تعمل هزة فى النقلات

ثانيا ارتباط الفتيس بالعجل , وانت بتقول عندك الماتور مابيتحركش

بس بردة ياريت تقول تفاصيل اكتر وخصوصا والسيارة ماشية

إتأكد من مسامير ربط العجل إنها تكون رابطة لآخر مشوارها ,,, لأنها لو محلوقة ممكن تدقر وتبقى فاكر إنها كدة مربوطة على الآخر إنما في الحقيقة بيكون لسة فيها مشوار ربط ,,, والمقروض لو دي المشكلة تحس برعشة عالية وإنت سايق العربية.

هى دى المشكله فعلا يا باشا الى ربط العجل مكنش ربطه كويس

تأتى المشاكل من أهون سبب