ملئ الاسطوانة

**LinuxMan** · 06-06-2011 03:39 PM

السلام عليكم
انا عربيتي فورد اسكورت موديل 1999
دي اول مشاركة ليا خارج قسم الفورد لاني حابب اسمع من ناس مختلفة .. المهم
سحب العربيه ضعف جدا لدرجة انها مبقتش تطلع الكوبري غير لو جاي بسرعه من بعيد سالت فعرفت انه عيب اسطوانه .. والديسك والبليه تمام لان مفيش تخبيط ولا رعشه في العربيه.
روحت لميكانيكي متخصص فورد قالي الطقم كله يتغير ويتجاب الماني مش اي حاجة تاني .. سالت عليه طلع ب 1150 جنيه.
في واحد تاني بس مش فورداوي قالي املا الاسطوانه لان الجديد مضروب والاسطوانه الفبريكة طالما زورها سليم لما بتتملئ بترجع زي الاول.

افيدوني افادكم الله

كمان لو حد جرب موضوع الملي ده عند واحد متخصص وبيفهم ياريت يدلني عليه ويفضل يكون جنبه ميكانيكي فورد

**mrghost** · 07-06-2011 10:29 PM

انا اعرف واحد بيملى اسطوانات فى غمره بس مجربتش املى الاسطوانه قبل كده بصراحه

**mrastra** · 08-06-2011 02:01 PM

سبحان الله انا رديت امبارح والله على السؤال بس مش عارف اية حصل الرد مش موجود لية
عموما لو ان الاسطوانة بتعك اصلى وحالتها كويسة يعنى السوست تمام والزور تمام
يبقى انصحك تملاها لان الحاجة الاصلى عمرك ما هتلاقى زيها ابدا كولة مضروبببببببببببب
انا كنت شارى موتور استيراد وفكيت الاسطوانة طبعا اصلى وممتازة رحت ملتها عند واحد اسمة فراملكو فى مساكن عين شمس متفرع من شارع 6 اكتوبر وملتها بخامة اسبانى واتكلفت 35 جنية وشغالة كويس معايا الحمد لله

**LinuxMan** · 08-06-2011 02:23 PM

المشاركة الأصلية كتبت بواسطة mrastra

سبحان الله انا رديت امبارح والله على السؤال بس مش عارف اية حصل الرد مش موجود لية
عموما لو ان الاسطوانة بتعك اصلى وحالتها كويسة يعنى السوست تمام والزور تمام
يبقى انصحك تملاها لان الحاجة الاصلى عمرك ما هتلاقى زيها ابدا كولة مضروبببببببببببب
انا كنت شارى موتور استيراد وفكيت الاسطوانة طبعا اصلى وممتازة رحت ملتها عند واحد اسمة فراملكو فى مساكن عين شمس متفرع من شارع 6 اكتوبر وملتها بخامة اسبانى واتكلفت 35 جنية وشغالة كويس معايا الحمد لله

شكرا علي ردك يا باشمهندس .. انا دخلت امبارح وملقتش ولا رد مع ان كان في 10 مشاهدات
المهم انت كده فدتني الف شكر لاني قريب من مساكن عين شمس بس لو سمحت تبعتلي رقم موبيل الراجل ده لو مش معاك اوصفلي ورشته
كمان نوع العربية مازدا ولا لادا

**wael6** · 08-06-2011 09:56 PM

السلام عليكم
عربيتي اكسيل 95 مانيوال 5 غيار
على اوقات متباعده بشم رائحة شياط لكن مش باستمرار خصوصا لو فى الزحمه ومحمل ع الدبرياج
مع العلم انى كاشف ع الديسك والاسطوانه لقيتهم بحاله جيده
والسحب كويس الحمد لله
والمطالع كويسه
يا ترى ده من ايه ؟
ولاحظت شئ
انى لما بدوس دبرياج للارض خالص الفتيس بيكون ناعم جدا زى الفيرنا
مع انى بشتكي من دقرة فى عصاية النقلات
وكمان الاغرب من كده ان نقطة الفصل فى الدبرياج فى النص
متابع معاكم
وشكرا جزيلا

**mrastra** · 11-06-2011 01:46 PM

المشاركة الأصلية كتبت بواسطة linuxman

شكرا علي ردك يا باشمهندس .. انا دخلت امبارح وملقتش ولا رد مع ان كان في 10 مشاهدات
المهم انت كده فدتني الف شكر لاني قريب من مساكن عين شمس بس لو سمحت تبعتلي رقم موبيل الراجل ده لو مش معاك اوصفلي ورشته
كمان نوع العربية مازدا ولا لادا

للاسف والله مش معايا رقم موبايلة لكن هو سهل جدا
من شارع 6 اكتوبر ادخل مساكن الجمهورية فى منطقة الورش هناك هتلاقى محل اسمة فراملكو اللى بيشتغل هناك اسمة اشرف
عندة عربية على طول بيصلحها ههههههههههههههههه
وانا اسف فى التاخير للرد ونوع العربية لادا 2107
ربنا يوفقك