نداء من صديق في قسم الرينو ,,,, ارجو الرد من رجالة القسم ( بخصوص الصني )

**mema75** · 07-06-2011 11:27 AM

انا معايا صني 2008 عامله 110 الف كيلو بعمل الصيانات العاديه واكتر حاجه غيرتها هي قاعدة الموتور مرتين لكن قاعدتين مختلفتييين وكمان التوكيل غيرولي مقصات ومساعدين امامي بعد ال 80 الف كيلو علي حساب الضمان مع ان زوجني كانت طالعه بيهم الجزيرة اللي في نص الشارع وعديتها وطلعت بيهم الرصيف التاني ( ومن ساعتها ماركبتش العربيه تاني )
وكمان انا عندي في الشغل عربيه 2007 عامله 230 الف كيلو اخر كشف عليها في التوكيل من كام يوم وقالوا ان علبة الدركسيون والدبرياش خفاف يعني ممكن يتغيروا يعد فتره ودي عربية شركه يعني وانتي فاهم يعني ايه عربيه شركه
علي فكره انا حبيت اقولك تجارب شخصيه مش سمعت وواحد صحبي قالي واصلي الميكانيكي الفلاني اللي شغال في التوكيل بيقول خالي بالك محدش يقدر يحكم علي العربيه الا اللي بيركبها فقط وكل عربيه مختلفه عن التانيه حتي لو كانو تفس الموديل لان كل واحد فينا معاملته للعربيه بتختلف عي التاني يعني مثلا
انا لما بركب العربيه اللي عندنا في الشغل بحس انها مختلفه تماما عن عربيتي في السحب لان العربيه دي بتسافر وواخد علي الجري ( 180 ال 200 ك ) مع ان العربيه اقدم من عربيتي سنه وقاطعه مسافه ضعف عربيتي ومتهانه اكتر من عربيتي
خلاصه الكلام حاول تركب العربيه وتحكم عليها وياريت تسائل اللي معاهم العربيه افضل
اخوك مصطفي

**kojyad** · 07-06-2011 11:58 AM

انا متشكر جدا يا شباب , والله ريحتم بالي جدا وربنا يقدم الى فيه الخير

والدي مقتنع جدا بالعربية على حسب سمعتها طبعا ,,,,,,,,

انا امبارح كنت في معرض السبع الى جنب الكوبري عند الرقابة الادارية , مدينة نصر

وكنت بتفرج على الريو والصني ,,, وهما تقريبا نفس السعر وتعمدت اني اسأل الراجل بدون اي تحيز
وقالي ان الريو افضل ( والله الكلام ده حصل امبارح ) قلتلة من ناحية ايه ؟
قالي ان العربية كوري كوري , أفضل من الياباني المصري لأن التقفل المصري يختلف عن التقفيل الياباني
حتى مع الموتور , يعني العربية الصني من ساعه مابقت بتتقفل مصري اصبحت اسؤ من الياباني القديم

وقالي ان الريو اريح للوالد بكتير ,,,,,,,,,

ايه رأيكم في الكلام ده , ؟ خلاني خارج من المعرض دماغي بتلف تاني

**fady_anis** · 07-06-2011 02:28 PM

المشاركة الأصلية كتبت بواسطة kojyad

التقفل المصري يختلف عن التقفيل الياباني
حتى مع الموتور , يعني العربية الصني من ساعه مابقت بتتقفل مصري اصبحت اسؤ من الياباني القديم

الكلام ده مش صح
هو طبعاً مستوى جودة التقفيل المصرى لسه موصلش لمستوى جودة التقفيل اليابانى بس ده مش معناه ان التقفيل المصرى مش كويس بالعكس احنا اشترينا السوبر صالون من 3 سنين ونص موديل 2008 وكانت بتتقفل فى مصر بقالها سنتين بس والتقفيل كان جيد جداً ما بال حضرتك احنا دلوقتى فى 2011 يعنى بعد كده كمان 3 سنين واكتر شويه اكيد طبعاً مستوى التقفيل ارتفع وبقى احسن وده انا شوفته فى اكتر من عربيه موديل 2011 بصراحه تقفيل العربيه قريب اوى من التقفيل اليابانى وبالنسبه للموتور موتور محترم جداً جداً كالمعتاد من النيسان.
اتمنى اكون قدرت افيدك
تحياتى

**BassamHafez** · 07-06-2011 05:29 PM

احنا لو هانعتبر ان الصني بطيخه يبقى لازن نعترف ان نيسان هي احسن تاجر بطيخ لان بطيخه كله معسل

اتوكل على الله ها تنبسط من البطيخه وكمان ها تحمص اللب بتاعها وتأذأذه وهاتروح تشتري تاني

بس اوعى بدل ما تركن تحت البيت تحطها في التلاجه

:)))))))))))))))))))

**BassamHafez** · 07-06-2011 05:44 PM

المشاركة الأصلية كتبت بواسطة kojyad

انا متشكر جدا يا شباب , والله ريحتم بالي جدا وربنا يقدم الى فيه الخير

والدي مقتنع جدا بالعربية على حسب سمعتها طبعا ,,,,,,,,

انا امبارح كنت في معرض السبع الى جنب الكوبري عند الرقابة الادارية , مدينة نصر

وكنت بتفرج على الريو والصني ,,, وهما تقريبا نفس السعر وتعمدت اني اسأل الراجل بدون اي تحيز
وقالي ان الريو افضل ( والله الكلام ده حصل امبارح ) قلتلة من ناحية ايه ؟
قالي ان العربية كوري كوري , أفضل من الياباني المصري لأن التقفل المصري يختلف عن التقفيل الياباني
حتى مع الموتور , يعني العربية الصني من ساعه مابقت بتتقفل مصري اصبحت اسؤ من الياباني القديم

وقالي ان الريو اريح للوالد بكتير ,,,,,,,,,

ايه رأيكم في الكلام ده , ؟ خلاني خارج من المعرض دماغي بتلف تاني

جرب تروح لواحد عنه صني بس لو قالك نفس الكلام يبقى ما تشتريهاش لكن لو قالك فيها شعر اعتقد كده ها تفهم انه كلام بتاع السبع وكمان كلام التاني كلام بياعيين وخلاص

وعلى فكرة انا هاحكيلك موقف حصل معايا ايام ماكنت عايز اغير العربيه وقبا ما اجيب التيدا

كنت محتار بين السيراتو الهاي لاين والالنترا الهاي لاين ولما البياع شاف اني محتار ومستني نصيحته وهاخد بيها قالي خد الالنترا واقعد يقولي كلام لدرجه اني كرهت اسم السراتو اصلا

عارف ده تفسيرة ايه : ان ساعات بيبقى في ماركات زي السيراتو كده بتتباع زي الرز ماثرة على مبيعات الالنترا مثلا فا مش مشكله لما يجيله واحد محتار يديله حاجه من اللي واقف عنده وخصوصا انه مش ها يديك حاجه وحشه برضو

يعني بمعني اصح الصني دلوقتي في ناس بتطلبها بالاسم ومش محتاجه نصايح من حد وده ممكن ياثر على حاجه تانيه كويسه برضو مش بتبيع معاه فا مش مشكله لما يروحله واحد زي حضرتك كده محتار انه يديله حاجه من اللي واقفه عنده وخصوصا انها مش وحشه برضو

ارجو تكون فهمت كلامي وحاول تروح تتفرج بتمعن اكتر واحكم بنفسك

انا مش بدافع عن الصني ولا بهاجم الريو

انا بس مش عايزك تمشي ورا كلام كل البياعين وحاول تسمع وحكم عقلك