نداء من صديق في قسم الرينو ,,,, ارجو الرد من رجالة القسم ( بخصوص الصني )

السلام عليكم ياشباب
اخوكم من قسم رينو لوجان , وعندي اسئلة بخصوص الصني التقفيل مصري

ارجو انكم تساعدو ضيف عندكم

والدي عايز يشتري عربية اوتوماتيك في حدود ال85000 الى 90000

وانا رشحتله الصني لأن للأسف اللوجان مفيش منها اوتوماتيك

بس في ناس كتير مخوفاني منها وبتقول ان الصني ذي البطيخة انت وحظك فيها , ولو طلعت قرعة
يبقى عمرها ما هتحلى , ( والله العظيم الكلام ده اتقالي من واحد شغال في الكول سنتر بتاعهم )

وكلامه نابع عن المكالمات الي بتجيله من اصحاب الصني وشكاويهم ,,,,, وخصوصا ان سمعت ان في عيب
كبير في علبة الدركسيون , والتوكيل مش بيعترف بيه هل الكلام ده صحيييح ؟؟؟؟

وايه اخبار الموتور ,,,,,,,والتوكيل,,,,,,,, والعفشة

يعني من الاخر والدي راجل كبير فوق ال60 سنة وعايز عربية اوتوماتيك عشان تريحه مش تطلع عينه

انا قلتلة مفيش غير رجالة النيل موتورز هما الى هيجيبو قرارها ,,, ارجوكو متكسيفونيش ورودو عليا

ايه رأيكم في العربية بصفه عامة ولو حد عنده اي اقراح تاني لعربية تانية في نفس الفئة السعرية يقولي ؟؟؟؟؟؟؟؟؟؟؟؟؟؟؟؟؟


وشكرا واسف على الاطالة

اهلا بيك في بيتك التاني .....

مبدئيا ... بحكم اني شغال في شركة محمول .. احب اقولك : ان محدش بيتصل بخدمة العملاء الا اللي بيواجهه مشكلة معينة ... سواء المشكلة دي في عيب في الخدمة او المنتج .. او عدم معرفة بطريقة استخدامه او الاحاطة بكل مزاياه او خصائصه ...

بناء عليه ... محدش في الدنيا هيتصل بخدمة العملاء علشان يقولهم .... خدمتكم ممتازة و الله ... او ماشاء الله عليكم ....

و من الاخر : الصني .. جميلة دا .. مقارنة بالسيارات في الفئة السعرية دي ...

و مواصفاتها و مزاياها ز عيوبها كمان .. هتلاقي كله في المواضيع المثبتة في قسم النيسان .... خد لك لفة ... و هتكتشف قد ايه المشاكل في الصني تكاد لا تذكر ... و اللي يقولك التقفيل ... اركب اي عربية صني .. و قولي ايه ملاحظاتك ...

و ارجوك تسال لي صاحبك ... لو الصني الياباني بطيخة ... امال سبت ايه للصيني ؟؟؟؟؟؟؟

اقتباس:

---

المشاركة الأصلية كتبت بواسطة kojyad

السلام عليكم ياشباب
اخوكم من قسم رينو لوجان , وعندي اسئلة بخصوص الصني التقفيل مصري

ارجو انكم تساعدو ضيف عندكم

والدي عايز يشتري عربية اوتوماتيك في حدود ال85000 الى 90000

وانا رشحتله الصني لأن للأسف اللوجان مفيش منها اوتوماتيك

بس في ناس كتير مخوفاني منها وبتقول ان الصني ذي البطيخة انت وحظك فيها , ولو طلعت قرعة
يبقى عمرها ما هتحلى , ( والله العظيم الكلام ده اتقالي من واحد شغال في الكول سنتر بتاعهم )

وكلامه نابع عن المكالمات الي بتجيله من اصحاب الصني وشكاويهم ,,,,, وخصوصا ان سمعت ان في عيب
كبير في علبة الدركسيون , والتوكيل مش بيعترف بيه هل الكلام ده صحيييح ؟؟؟؟

وايه اخبار الموتور ,,,,,,,والتوكيل,,,,,,,, والعفشة

يعني من الاخر والدي راجل كبير فوق ال60 سنة وعايز عربية اوتوماتيك عشان تريحه مش تطلع عينه

انا قلتلة مفيش غير رجالة النيل موتورز هما الى هيجيبو قرارها ,,, ارجوكو متكسيفونيش ورودو عليا

ايه رأيكم في العربية بصفه عامة ولو حد عنده اي اقراح تاني لعربية تانية في نفس الفئة السعرية يقولي ؟؟؟؟؟؟؟؟؟؟؟؟؟؟؟؟؟


وشكرا واسف على الاطالة

---

الصنى ده موجود فى مصر من 2003 تقريبا الى الان 2011 = 9 سنوات

البطيخة القرعة و الحمرا ده ممكن تكون فى عربيات الاسبرانزا فقط انما فى الصنى مافتكرش ده من نضافة التوكيل و احترامه للعملاء مرداش يخش بالعربية فى مشروع التاكسى

عشان يحافظ على زبونه

توكل على الله

اقتباس:

---

المشاركة الأصلية كتبت بواسطة mohamednagib

و ارجوك تسال لي صاحبك ... لو الصني الياباني بطيخة ... امال سبت ايه للصيني ؟؟؟؟؟؟؟

---

طبعا الاستاذ محمد قالك المفيد بس انا هاعلق علي الجمله الاخيره بتاعته دي

ياباشا اسأل اي حد مجرب العربيه و ماتسألش اللي عارف لانه ممكن اللي قاله دا بيهول المواضيع عايز يثبت اي حاجه لعربيته ماتعرفش ايه اللي في النفوس يعني
و عموما خد لفه في القسم كله بعد الاطلاع علي المواضيع المثبته هتلاقي المشاكل اللي ظهرت و هتلاقي انها اتحلت في الاخر توكيل نيسان محترم جدا عن توكيلات كتيره و بيخاف علي سمعته
ياراجل دانتا هتلاقي موضوع واحد عامل 85 الف بعربيه صني و كان بيشتكي من العفشه غيروا المساعدين في الضمان بعد الكشف عليها
دا بس مثال و غيره و غيره و غيره
بالنسبه لعلبة الدركسيون مافيش اي مشكله ظهرت في علبة دركسيون الصني مش عارف اللي قالك الكلام ده بناءأ علي ايه ممكن التيدا و مش علبة الدركسيون لأ قطمة الدركسيون و اصلا هيا بتتصلح عن طريق بنطة لحام في مكان معين ولما لاقوا ان العملاء مش عاجبهم التصليح بيغيروها كلها في الضمان
بالنسبه للتقفيل انا معاك انها لازم تكون واخده سمعه وحشه و هاتسمع كلام من هنا لبكره الصبح و دا علشان حتة التقفيل المصري دي و دا بردوا كلام مالوش اي علاقه بالواقع العربيه تقفيلها كويس والعربيه دي رابع سنه اهي و مافيش اي شكوه باستثناء طبعا الكراسي بتاعتها عايزه جركن جاز و تولع فيهم اصلا ناشفين بس لما بتركب فرش بتزود قطن في الضهر و القاعده المشكله بتنتهي يعني مافيهاش مشاكل خالص

المهم اقري المواضيع المثبته و عدي علي كل المواضيع علشان تقيم انت العربيه بعيدا عن كلام الناس
العربيه دي في 2008 كنت بدور علي واحد ماشيه في الشراع علشان افرجها لابويا لانه مكنش عارف شكلها راجل كبير بقي منتش بلاقيها بسهوله دلوقتي شوف انتشارها بقي عامل ازاي في البلد

والله يارجالة انا شاكر جدا ليكم فعلا القسم فيه رجالة

انا فعلا هتفرج على الواضيع كلها في القسم واشوف
وربنا يقدم الى فيه الخير يارب

وانشاء الله لو والدي رسي عليها هبقى صديق دائم في القسم الياباني

النيسان صنى زى البطيخه !!!
مين اللى قال الكلام ده ده معلش يعنى راجل مش كويس على فكره
ازاى يقول على عربيه يابانيه موتور يابانى عفشه يابانى مكونات يابانيه بنسبة 60% تقفيلها جيد جداً عربيه لها سمعتها ومشاء الله عربيه تستاهل فتيس اوتوماتيك محترم عفشه قويه وتستحمل وامكانيات كتيير بسعر قليل توكل على الله واشترى

افضل عربيه في الفئه السعريه ما بين ال 80 الف الي 100 الف

سيارتان

نيسان صني
بروتون بيرسونا

و لولا اختلاف الاذواق لبارت السلع

لا تقلق يا باشا .. و لو العربية فيها عفريت تأكد ان الوكيل المحترم لنيسان في مصر بيحط العربية جوا عنيه و احنا الحمدلله بنعرف نتعامل معاه كويس علي اد ما بنقدر و هما نفسهم بيقدوا و بيهتموا بالعميل

باشا من الآخر اللى قالك أن النيسان زى البطيخة ده بنى آدم

مالوش فى الفاكهة ................. ولا فى العربيات كمان.

انا شخصيا معايا الصنى بقالى حوالى 6 شهور وهى عربيه فوق الممتازه بامانه ثبات جبار وتكييف ممتاز وموتور قوى جداااااااااااا وانا حاليا بعمل تقرير عن استهلاك البنزين بالنسبه لاستخدامى واحب اوصح انها عامله معايا فى التوفيله ال فاتت مباشره عامله 12 كيلو فى اللتر يعنى ممتاز



عيوبها :- الكنبه الخلفيه مش مريحه اوى لو قاعد ورا 3 افراد

الشكل الخالجى مش حديث اوى ذى الموديلات الاخرى بس على ما اعتقد انها تناسب والدك

غير كدا انا مش شايف اى عيوب خالص واكيد انت هتجيب اتوماتيك ومش هتغلط وتجيب مانيوال



والف مبروك مقدما