الموضوع: لعشاق التظبيط فقط للأسبرانزاويه ( مصور )

المشاركة الأصلية كتبت بواسطة king516

بص ياكبير الطاره الماتى تبحث عنها فى جوجل بس تكتب اسم عربيتك بأسم بلدها
يعنى مثلا ال516 عندنا انا بكتب لو بدورلها على طاره مالتى فى النت ـــــــــــــــــــــــــ ــــــ> steering whell for chery a5

وانت نفس الكلام هتكتبوا بالظبط بس تشيل اسبرانزا 620 وتحط مكان شيرى a5 اسم عربيتك فى الصين فى شركه شيرى
وتدخل وتدور فى موقع على بابا للتجاره عن منوبين البيع وتتواصل معاهم وعيش حياتك

بالنسبه للأزاز انت ممكن تعمله اوتو داون من ضغطه واحده زى ال516 صح

افترض انك عايز كده ده ممكن يتعمل فى مصر بس هتجيب 3 ماكينات ازاز 516 ووصلات وفيلم هيتكلف

بس نصيحه من اخ لحضرتك بلاش صدقنى بلاش خليك فى الطاره فى الدى فى دى فى اوبشنات كتييييييييييييير حلوه ومتعقدش نفسك لأنه اوبشن الأزاز ملوش 300 لازمه ودى نصيحه من اخ اصغر لحضرتك
واى استفسار انا تحت الأمر
واعذرنى انى بختصر لأنى بتكلم من الشغل عندى فالأمور صعبه شويه لكن لو فى استفسار اجاوب حضرتك عليه بليل وانا تحت امرك

كنج باشا.... اشكرك جدا
خلاص يا سيدي ان شاء الله مش حدخل نفسي فى قصص..... بس لو جبت الطاره الملتي مهي برضه حتوصل بالكاسيت علشان تقلب وكام وصلة كهربا, مش كده برضه ولا ايه ؟!

انا عيز الطاره و ال DVD بس ياريت تبعت ال site بالظبت علشان ماعرفتش أدخل عليه

نصيحة لكل الشراء من الموقع غالي جدا الدي في دي ب 250 دولار تقريبا والشحن ب100 دولار غير الجمرك والتخليص الجمركي انا راسلت الشركة ودا الرد عليا
الاحسن اشتري الدي في دي من هنا وبضمان ودا نصيحة للكل وعلى فكرة وبعد اذن صاحب الموضوع لسة الى الان لم يفرج عن الدي في دي بتاع كينج 516 صاحب الموضوع من اكتر من 20 يوم واصل الى مصر ولم يفرج عنه الى الان

يبقى انت اكيد في مصر

ههههههههههههههههه يامحاسن الصدف ده انا لسه مركب ال DVD عند المركز اليابانى فى ميدان الحجاز بمصر الجديده النهارده الساعه 11 الصبح ولسه راجع حالا بجد مهما اوصفلك الروعه والجمال والأوبشن اللى فيه مش هتصدق انا مكنتش متخيل كده لكن عندك حق اشتريه من هنا احسن ولا جمارك ولا وجع قلب ياراجل بس لو اشتريتوا لعربيتك بأقل من 3500 ( بتاع الفبريقه لو لقيتو اصلا ) تبقى قولى ممكن تلاقى موتيفو سألت عليه لقيتوا ب 4100 ج النهارده من المركز اليابانى
وعلى فكره انا غيرت اللى كنت هجيبه بدل ماهو بتاع A5 جبت بتاع شيرى A3 اللى هى الM11 هو صحيح ضايقنى فى تركيبه شويه بس انا غيرته فى اخر لحظه فى اوردر الشحن عشان امكانياته احسن بناء على نصيحه اصدقاء ليا قالولى هات الLCD احسن من الزراير وفعلا الحمدلله ركبته واليكم صوره ( من على النت ) وليست عربيتى

وامكانياته بقى متعدش :

- dvd . Vcd
- تاتش سكرين
- كاميرا خلفيه
- usp
- ipod
-tv ( مشغلتوش عشان عايز اريال )
- gps وشغاله 10 على 10
- اوكلايزر واستريو عالى جدا فرق فى الصوت
- راديوا طبعا
- كار كيت وجربتها ( بلوتوث ) اقدر استقبل واتكلم المكالمات من سماعات العربيه واتكلم من مايك فى الجهاز

عيبه الوحيد :

- انه بتاع الأم 11 عشان كده كان كبير ب حوالى 6 ميلى وكان مفيش حل غير انى اخرجه عن الفريم بتاع العربيه شويه ونجحت الفكره ومش باينه لكه مأثرش ف حاجه خاااااااااااااااااااااااا اااااااااااااالص

بصراحه اماكنيات فوق فوق الروعه ومكنتش متوقعها