عندى مشكله مش عارف احلها - لو ممكن حد يتكرم ويفدنى
بسم الله الرحمن الرحيم
من اخوكم المهندس شريف - دى اول بصمة ليه فى المنتدى
قريت كتير فى المنتدى لقيت ناس الله اكبر عليها عشان كده قولت اعرض مشكلتى
اولا : عدة الصوت اللى عندى كاسيت كينوود 333 و 4 سماعات صينى بس شغالين كوايس جدا لأنهم جداد وجى ام سيمفونى 250 وات وصب 1000 وات .
ثانيا الجى ام انا شاريه مستعمل وشغال كوايس والصب جربته برضه مستعمل وشغال حلو لأنى جربته عند واحد زميلى فى الشغل
اللى ادانى الجى ام وصلهولى كالاتى :
1- سلك 2 ملى من البطاريه على مفتاح واحد شده ثم على الجى ام - وعمل بريدج او قنطره على فردة الموجب التانيه اللى فى الجى ام
2- سلك 2 ملى للارضى وربطه فى الكالون بتاع شنطة العربيه
3- سلك سماعات من الجى ام للصب
4- وصلة الار سى من الكاسيت لل جى ام
5- وصل سماعه واحده على الكاسيت بناءً على طلبى عشان اسمع صوت الصب لوحده واشوف
الباشا ركبلى الكلام ده كله واتصل بيا قالى تمام وبعت واحد عندى من الشغل ياخد العربيه
المشكله : انا لما سمعت الصوت على الهادى لاقيته كوايس ولما اعلى الصوت الصب مبيعلاش - يعنى بيجيب لحد مستوى معين والدبه (البيز) مبتعلاش عن كده
الحلول اللى سمعتها :
1- البريدج هى اللى عامله كده - ولازم اعمل كابل تانى كهرباء يدى فردة الموجب التانيه فى الجى ام بدل البريدج لان كده الجى ام مش قايم بكل قوته
2- السلك ال 2 ملى ماينفعش
3- الارضى مش شغال كوايس
4- الغى كل السلوك دى وهات حاجه اسمها كيت هشتغل زى الفل
عايز حد من الاساتذه اللى هنا يفيدنى الصح ايه قبل ما اروح لاى حد او اجيب اى حاجه
