| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 4 1 2 3 4 الأخيرةالأخيرة
النتائج 1 إلى 10 من 35

  1. #1

    الصورة الرمزية amazingahmed

    رقم العضوية : 74001

    تاريخ التسجيل : 27Jun2010

    المشاركات : 271

    النوع : انثى

    الاقامة : https://t.me/pump_upp

    السيارة: 86975276237

    السيارة[2]: ?????? ???? 2011 ?????????

    دراجة بخارية: NO

    الحالة : amazingahmed غير متواجد حالياً

    افتراضي حكايتي مع الساجا (تقرير بعد 1000 كيلو) - Facebook Twitter whatsapp انشر الموضوع فى :

    hasad">

    السلام عليكم
    أخيرا كملت الف كيلو و عملت الصيانة وجربت الكيك داون و حاجات كتير عاوز أحكيلكم عليها....
    لكن نرجع للوراء من أول الحكاية....

    كان يا ما كان، أخوكم كان مهندس كهربا غلبان، و كان عنده دايو ماتيز جابها مستعملة من زمان، و كتر خيرها شالته لحد ما فتحت بقها و جابتله جنان، و رجله وجعته من السواقة المانيوال في زحمة الميدان، فقرر يبيعها و يستلف من فلان، و يكمل عليها و يجيب عربية أوتوماتيك يا مان.


    فضلت سنة أذاكر كل أنواع العربيات اللي في السوق و كان اختياري الأول متسوبيشي لانسر لكنها كانت غالية أوي عليا (حوالي 120000) فاضطريت أنزل و أفكر في الإلنترا لكنها مفرقتش كتير، و بعد كده كنت مقتنع أوي أوي بالنيسان صني خصوصا إمكانياتها و أنها ياباني مع سعرها (حوالي 92000) لكن بعد الثورة الشغل نام و الفلوس مبقتش مضمونة فمكانش عندي غير اختيارين لا ثالث لهما: إما هيونداي فيرنا أو بروتون ساجا. من غير رغي كتير - قول ارغي - الفيرنا منتشرة و قطع غيارها عند كل بتوع الخضار و البقالين بيعرفوا يشتغلوا فيها لكن كلام الناس عنها و خصوصا أصدقائي ممن لهم تجربة قفلني منها تماما فقلت أتوكل على الله و أشتري الساجا. و دي القصة كاملة للي عاوز يستزيد من التاريخ http://www.nilemotors.net/Nile/217441-a.html

    و ده تقرير مبدأي بعد ما استلمتها علطول http://www.nilemotors.net/Nile/218806-a.html

    أما الآن مع التقرير بعد ألف كيلو:

    الشكل الخارجي
    سيارة غير متكلفة. أنيقة بدون بهرجة. خطوطها بسيطة. نظرة الفوانيس ترى فيها التحدي. الشبكة الرياضية و الجنوط الألومنيوم تضفي طابع رياضي عليها لكنها حقيقة سيارة عائلية أكثر منها رياضية. لكنها برضه تنفع رياضية شوية.

    الصالون و الشنطة
    العربية واسعة من جوه. الجلوس على الكرسي الأمامي مريح و عند إرجاع الكرسي للآخر يجلس 3 أشخاص على الكنبة مستريحين جدا بالنسبة للطول لكن العرض ضيق شوية. كرسي السائق بيعلى و يوطى. نور الصالون قوي. مساحات التخزين متوسطة. ارتفاع عجلة القيادة قابل للتغيير. فتحة الكهرباء مكانها ممكن يضايق لو حاطط فيها حاجة و كمان حاطط كانز. التابلوه خاماته جيدة بالنسبة لسعر العربية. العدادات شكلها جميل جدا جدا خصوصا بالليل. فيه عداد سرعة و آر بي إم و عداد رحلات ديجيتال و عداد حرارة ديجيتال و عداد بنزين ديجيتال و عداد حرارة ديجيتال. الكاسيت صوته حلو أوي و أربع سماعات عاملين شغل جامد لكنه بعيد شوية عن يد السائق. فرامل اليد في المتناول و كذلك الفتيس. الشنطة واسعة بس مش أوي لكنها مرضية بالنسبة لي. الأبواب بتفتح حوالي 80 درجة و ده ميزته في سهولة الدخول و الخروج و عيبه لو حد جاي مش واخد باله ممكن يشيلك الباب.

    الرؤية و التحكم
    أبعاد العربية ملمومة و الرؤية ممتازة للأمام و الوراء من خلال المرايات الجانبية التي يمكن التحكم فيها كهربائيا. أما مرآة الصالون مش عاجباني أوي لأن البعد البؤري بتاعها مش مريحني و مش عريضة فمش بتجيب كل حاجة لكن دي حلها سهل. السائق يجلس على كرسي القيادة متحكم تماما بمنتهى السهولة. الhandling من تصميم شركة لوتس و الصراحة ممتاز. الباور تقيل شوية مش أوي و ده مش حلو أوي داخل المدينة و في الركن لكن على سرعة 160كم/س أوعى الثبات الرهيب المهيب العجيب. العربية راسية و تقبلة على الأرض في السرعات متخوفش.

    العفشة و العزل
    أول ما تركب العربية و تمشي بيها تحس أن العفشة ناشفة و أنك حاسس بكل المطبات، لكن العربية ماسكة نفسها جدا. العفشة صحيح ناشفة شوية لكن مع التعود و كمان مع الاستعمال لما العفشة تلين هتحس بتحسن كبير. ده برضه حلو أوي في السرعات لأنها عفشة رياضية و ده بيعمل ثبات عالي. لكن في المدينة و المطبات العفشة اللينة أريح. لكن في النهاية أنا مش تعبان منها بالعكس حاسس أنها عربية مريحة. العزل بتاعها أقل من جيد إلى جيد. الأصوات الخارجية معظمها بيروح لما تقفل الشبابيك و تحس بهدوء مش بطال. لكن العزل من تحت مش عاجبني لأني لما أمشي على تراب بسمع كل ذرة من التراب و هو بيخبط في العربية من تحت.

    التكييف
    التكييف ممتاز و بيسقع بسرعة أوي و هادي. لكن أنا كنت متعود في عربيات تانية على أن الكمبريسور يفضل شغال كتير لحد ما يفصل. لكن ده بيشتغل و يفصل كتير و دي حاجة مضايقاني شوية.

    الموتور و آلات الجر و الفرامل
    الموتور 1300 سي سي 94 حصان كام برو و الفتيس بتاع لانسر كريستالة 99. الموتور لما تشغله هادي جدا و ناعم. لما تسوق سواقة هادية يفضل هادي و حنين و السحب ممتاز. لكن لما تزود عليه شوية زي ما يكون النمر اللي على علامة بروتون صحي و فاق. العربية تحس أنها بقت عربية تانية خالص. بتشد حلو بس أنا مجربتش أشد مع حد. لما كنت ماشي على 30 قلت أجرب الكيك داون، لقيت الآر بي إم على 6.5 و فجأة بقيت ماشي على 80 و طالع بسرعة و صوت الموتور جامد طحن. أنا خفت من سرعة التطور فشلت رجلي علطول و كمان خفت على العربية علشان لسة جديدة. كمان كنت على طريق السخنة قلت أجرب السرعة، جبت 160 بمنتهى السهولة و لسة العربية عاوزة تجري أكتر لكن برضه خفت على العربية و محبيتش أزود. الفتيس نقلاته تحس بيها شوية لكن استخدامه سهل و سلس. الأوتوماتيك لو عرفت تتحكم فيه صح هتعرف تتحكم في النقلات و الانطلاق من الثبات. التكييف بيأثر شوية صغيرة على السحب وده طبيعي لكن ما يضايقش خالص. حوض الموتور واسع و تحسه منظم. الفرامل عادية جدا (ناقصها بس الإيه بي إس) مختبرتهاش جامد لكنها كويسة.

    البنزين
    استهلاك البنزين عالي عن الموجود في الإعلانات. العربية بتعمل 9.5 كيلو في اللتر داخل المدينة و 13 كيلو في اللتر على الطريق و يعتمد على طريقة القيادة و تشغيل التكييف. لكن ده زي استهلاك شاهين 2002 1400 سي سي مانيوال. تنك البنزين 40 لتر و هو صغير شوية و كان أحسن لو بقى 50 لتر. ده هيخليك تدخل البنزينة مرات أكتر. عربيتي الماتيز كانت بتعمل 16 كيلو في اللتر داخل المدينة و 20 كيلو على الطريق علشان كده أنا حاسس بالفرق. لكن القوة اللي بتحس بيها في المحرك بتخليني مش متضايق من حكاية البنزين.

    الكماليات
    أهمهم البارك سنسور بيخليني أركن و أنا مطمن جدا. الجنوط الومنيوم شيك. راديو سي دي أوديو بس. 2 زجاج كهرباء أمامي. فوجات أمامية و خلفية جميلة جدا و دايما بشغلهم علشان النور ميجيش في وش اللي قدامي. فتح الشنطة و التنك من الداخل. تعديل ارتفاع عجلة القيادة. تعديل ارتفاع كرسي السائق. إيرباج للسائق. عدادات رياضية و ديجيتال و ساعة. شبكة أمامية رياضية. مرايات كهربا. نور للصالون و الشنطة. اموبليزر و ده حاجة تطمن الواحد خصوصا في الأيام دي. فانوس فرامل فوق الكنبة. باور. سنتر لوك. ريموت و إنذار. أربع سماعات.

    صيانة الألف
    رحت مركز عصام و صفا و قابلت المهندس عصام (معندوش بروتون، عنده مرسيدس.. ياللا على قده) و هو راجل محترم و طلع جرب العربية بنفسه و كان مستمع جيد. غيروا الزيت و فلتر الزيت و ربطوا العربية و حتى كان عندي ورق لازق على الإزاز من أيام الاستلام شالوه كتر خيرهم و كان عندي صوت صفارة خفيف في المشي عالجوه. و اتكلفت 165 جنيه (أرخص من التوكيل) و العملية كلها أخدت 40 دقيقة و رحت من غير حجز يوم السبت 8:45 الصبح قبل ما يفتح.


    خلاصة الكلام
    العربية سعرها 72500 و إمكانياتها تنافس عربيات ب90000. مريحة في الركوب و آمنة و التحكم عالي أثناء القيادة. سحبها ممتاز و 94 حصان عربي أصيل أبيض. هادية مع الهدوء و شرسة مع العنف. استهلاك بنزين فوق المتوسط. كماليات كثيرة. شكل جذاب. أوتوماتيك مريح. تكييف ممتاز. عالية عن الأرض. تحس أنها بتاعتك من زمان أول ما تركبها. ماندمتش أبدا على أني اخترتها. أنصح بيها اللي عاوز يشتري عربية في الفئة السعرية من 70000 إلى 80000

    و توتة توتة خلصت الحدوتة... حلوة ولا ملتوتة؟؟؟؟

    https://t.me/pump_upp


  2. #2

    الصورة الرمزية sayed911

    رقم العضوية : 69176

    تاريخ التسجيل : 29Apr2010

    المشاركات : 2,145

    النوع : ذكر

    الاقامة : cairo

    السيارة: .Lancer EX 2008 F\O A\T

    السيارة[2]: Proton Saga 2010 A\T

    الحالة : sayed911 غير متواجد حالياً

    افتراضي -

    انا اخاف اتكلم لحسن ابوظ التقرير كل اللي ها اقوله اني قدمت طلب تثبيت للموضوع عشان يفيد الإخوة اللي بيفكروا يشتروا يكون موضوع زي ده هادي وجايب لهم من الآخر كل حاجة من العربية ..
    طيب لو سألتك العربية دي من وجهة نظرك ناقصها ايه !! كنت بسأل السؤا لده لكل شخص حايب العربية دي ورسنا في الآخر لحد اهم حاجتين !!
    مسند للقدم اليسرى عشان هيا اوتو محتاجة مسند !!! + مسند ايد بين السواق والراكب الأيمن وكان يفضل لو كان زي بتاع الفيرنا ملتصق بالكرسي .. غير كده اعتقد العربية بسم الله ما شاء الله مش ناقصها حاجات والحاجات اللي انا قلتها دي نسبية من وجهة نظري :d
    الف مبروكي يا فندم على صيانة الأف وعقبال الـ 100 الف ان شاء الله يا فندم

    [rmade]http://i94.photobucket.com/albums/l108/sayed911/alex-1.jpg[/rmade]
    To Follow me on Twitter "Sayed_K_H


  3. #3

    الصورة الرمزية midosalah

    رقم العضوية : 66957

    تاريخ التسجيل : 04Apr2010

    المشاركات : 604

    النوع : ذكر

    الاقامة : cairo

    السيارة: Brilliance FRV 2012

    السيارة[2]: fiat 124

    دراجة بخارية: no

    الحالة : midosalah غير متواجد حالياً

    افتراضي -

    ربنا يباركلك فى عربيتك اسلوبك جميل فى العرض

    مكنة ماليزى.......


    [img2]http://1.bp.blogspot.com/_SNkWnLsVgus/R6v-l0vcQHI/AAAAAAAAAcY/Q23HsQ9nFEM/s320/Waja_CPS_Preview_1.JPG[/img2]


  4. #4

    الصورة الرمزية amazingahmed

    رقم العضوية : 74001

    تاريخ التسجيل : 27Jun2010

    المشاركات : 271

    النوع : انثى

    الاقامة : https://t.me/pump_upp

    السيارة: 86975276237

    السيارة[2]: ?????? ???? 2011 ?????????

    دراجة بخارية: NO

    الحالة : amazingahmed غير متواجد حالياً

    افتراضي -

    اقتباس المشاركة الأصلية كتبت بواسطة sayed911 مشاهدة المشاركة
    انا اخاف اتكلم لحسن ابوظ التقرير كل اللي ها اقوله اني قدمت طلب تثبيت للموضوع عشان يفيد الإخوة اللي بيفكروا يشتروا يكون موضوع زي ده هادي وجايب لهم من الآخر كل حاجة من العربية ..
    طيب لو سألتك العربية دي من وجهة نظرك ناقصها ايه !! كنت بسأل السؤا لده لكل شخص حايب العربية دي ورسنا في الآخر لحد اهم حاجتين !!
    مسند للقدم اليسرى عشان هيا اوتو محتاجة مسند !!! + مسند ايد بين السواق والراكب الأيمن وكان يفضل لو كان زي بتاع الفيرنا ملتصق بالكرسي .. غير كده اعتقد العربية بسم الله ما شاء الله مش ناقصها حاجات والحاجات اللي انا قلتها دي نسبية من وجهة نظري :d
    الف مبروكي يا فندم على صيانة الأف وعقبال الـ 100 الف ان شاء الله يا فندم
    متشكر على الكلام الجميل ده يا سيد باشا. أنا كتبت التقرير علشان أفيد الناس اللي عاوزة تعرف رأي مجرب. أنا استفدت كتير من رأي الناس قبل ما أشتري العربية و جه الوقت علشان أكون إيجابي و أفيد الناس أنا كمان. أنا من رأيي أنها بسعرها ده مش ممكن يضاف لها قشة، لكن أنا شايف اللي ناقص فرامل إيه بي إس و أنا معاك في مسند القدم و مسند اليد.
    الله يبارك فيك و عقبالك.


    اقتباس المشاركة الأصلية كتبت بواسطة midosalah مشاهدة المشاركة
    ربنا يباركلك فى عربيتك اسلوبك جميل فى العرض
    متشكر على ذوقك يا فندم و ربنا يرزقك بالعربية اللي نفسك فيها

    https://t.me/pump_upp


  5. #5

    الصورة الرمزية mememsaid

    رقم العضوية : 30807

    تاريخ التسجيل : 22Jan2009

    المشاركات : 754

    النوع : ذكر

    الاقامة : Mokatum

    السيارة: SAGA 2010 Auto

    السيارة[2]: Fiat 128

    دراجة بخارية: لا

    الحالة : mememsaid غير متواجد حالياً

    افتراضي -

    احمد
    انت عملت مرجع للعربيه كل الناس اللي بتفكر تشتري العربيه ديه لازم يرجعله
    عشان مش هيبقي فيه سؤال عن العربيه ديه ومش هيلاقي اجابته
    المرجع بتاعك حقيقي لازم يترجم عشان الناس كلها تستفاد بيه جوه مصر وبره المحروسه
    بس عايز اضيف حاجه
    سيد كان بيسال نفسه نفس السوال اللي بساله لنفسي
    العربيه ديه ناقصها ايه
    اقوله ناقصها كمان الزجاج الخلفي يبقي كهربا
    بس انتو عارفين
    لو رجع بي الزمن تاني ماكنتش هلاقي عربيه في حدود المبلغ ده لغايه 90000 كمان احسن من الساجا وكنت بردو هاخترها
    ربنا يباركلك في عربيتك

    محمد سعيد


  6. #6

    الصورة الرمزية amazingahmed

    رقم العضوية : 74001

    تاريخ التسجيل : 27Jun2010

    المشاركات : 271

    النوع : انثى

    الاقامة : https://t.me/pump_upp

    السيارة: 86975276237

    السيارة[2]: ?????? ???? 2011 ?????????

    دراجة بخارية: NO

    الحالة : amazingahmed غير متواجد حالياً

    افتراضي -

    اقتباس المشاركة الأصلية كتبت بواسطة mememsaid مشاهدة المشاركة
    احمد
    انت عملت مرجع للعربيه كل الناس اللي بتفكر تشتري العربيه ديه لازم يرجعله
    عشان مش هيبقي فيه سؤال عن العربيه ديه ومش هيلاقي اجابته
    المرجع بتاعك حقيقي لازم يترجم عشان الناس كلها تستفاد بيه جوه مصر وبره المحروسه
    بس عايز اضيف حاجه
    سيد كان بيسال نفسه نفس السوال اللي بساله لنفسي
    العربيه ديه ناقصها ايه
    اقوله ناقصها كمان الزجاج الخلفي يبقي كهربا
    بس انتو عارفين
    لو رجع بي الزمن تاني ماكنتش هلاقي عربيه في حدود المبلغ ده لغايه 90000 كمان احسن من الساجا وكنت بردو هاخترها
    ربنا يباركلك في عربيتك
    الله يكرمك يا محمد. و الله بتحرجني بذوقك.
    أنت نبهتني لحاجة كمان ممكن تكون ناقصة و هي قفل الزجاج اوتوماتيك مع قفل السنتر لأني كل مره أبطل العربية و الزجاج مفتوح أضطر أدور الكونتاكت تاني علشان أقفل الزجاج.
    فعلا هي عربية محترمة و سعرها معقول. ربنا يحفظلك عربيك من كل شر.

    https://t.me/pump_upp


  7. #7

    الصورة الرمزية alaasaid

    رقم العضوية : 12704

    تاريخ التسجيل : 11Jun2008

    المشاركات : 1,175

    النوع : ذكر

    الاقامة : مدينة الشروق

    السيارة: ربنا يفرجها

    السيارة[2]: دايو لانوس 2008

    دراجة بخارية: لا يوجد

    الحالة : alaasaid غير متواجد حالياً

    افتراضي -

    تسلم ايدك على التقرير و الله انت شجعتنى أغير العربية و ربنا يباركلك فيها و يكفيك شر الطريق

    السلام عليكم و رحمة الله و بركاتة

    علاء سعيد


  8. #8

    الصورة الرمزية AmatoALLAH

    رقم العضوية : 57682

    تاريخ التسجيل : 02Jan2010

    المشاركات : 995

    النوع : انثى

    الاقامة : القاهرة

    السيارة: مافيش تاني :)

    السيارة[2]: Gen 2

    دراجة بخارية: :)

    الحالة : AmatoALLAH غير متواجد حالياً

    افتراضي -

    ما شاء الله تقرير اكثر من رائع

    ربنا يبارك لك فيها


  9. #9

    الصورة الرمزية mememsaid

    رقم العضوية : 30807

    تاريخ التسجيل : 22Jan2009

    المشاركات : 754

    النوع : ذكر

    الاقامة : Mokatum

    السيارة: SAGA 2010 Auto

    السيارة[2]: Fiat 128

    دراجة بخارية: لا

    الحالة : mememsaid غير متواجد حالياً

    افتراضي -

    اقتباس المشاركة الأصلية كتبت بواسطة amazingahmed مشاهدة المشاركة
    الله يكرمك يا محمد. و الله بتحرجني بذوقك.
    أنت نبهتني لحاجة كمان ممكن تكون ناقصة و هي قفل الزجاج اوتوماتيك مع قفل السنتر لأني كل مره أبطل العربية و الزجاج مفتوح أضطر أدور الكونتاكت تاني علشان أقفل الزجاج.
    فعلا هي عربية محترمة و سعرها معقول. ربنا يحفظلك عربيك من كل شر.
    والله عندك حق
    هي عايزه شويه حاجات كدا عشان تبقي زي ال bmw بالظبط
    وبردو الحاجات اللي عايزاها ديه في الاول وفي الاخر كماليات

    محمد سعيد


  10. #10

    الصورة الرمزية Nistelrooy

    رقم العضوية : 8617

    تاريخ التسجيل : 08Apr2008

    المشاركات : 2,841

    النوع : ذكر

    الاقامة : El-Haram

    السيارة: ........

    السيارة[2]: Gen 2 A/T 2010

    دراجة بخارية: yareet

    الحالة : Nistelrooy غير متواجد حالياً

    افتراضي -

    hasad">

    الف مبروك ع الصيانة والف شكر ع التقرير الرائع

    [shr71=http://img230.imageshack.us/img230/7454/gen2mainext02.jpg]Gen Lovely 2[/shr71]

    Gen 2 Astonishingly Stylish



 
صفحة 1 من 4 1 2 3 4 الأخيرةالأخيرة

المواضيع المتشابهه

  1. تقرير صيانة ال 1000 كيلو للنيسان صنى 2013
    بواسطة canner في المنتدى نيـــــــــسان
    مشاركات: 17
    آخر مشاركة: 18-05-2014, 04:32 PM
  2. تقرير عن الساجا 2012 بعد حوالي 3500 كيلو
    بواسطة Eng.Osama.Afifi في المنتدى بــروتـــون
    مشاركات: 3
    آخر مشاركة: 25-02-2012, 12:18 AM
  3. تقرير رائع اكسنت rb خلال 1000 كيلو الأولى
    بواسطة ehshab في المنتدى هيــونــداى
    مشاركات: 15
    آخر مشاركة: 02-12-2011, 05:05 PM
  4. تقرير صيانه ال 1000 كيلو في التوكيل
    بواسطة Typerr في المنتدى كـــــيا
    مشاركات: 8
    آخر مشاركة: 13-07-2011, 03:41 AM
  5. تقرير ال 1000 كيلو - سيفيك 2008
    بواسطة Kamal-1 في المنتدى هـــــــوندا
    مشاركات: 25
    آخر مشاركة: 08-10-2008, 04:19 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2