اهداء للسيد وزير الداخلية..............

**X_MM_X** · 07-06-2011 06:02 PM

المشاركة الأصلية كتبت بواسطة wassof

ياعم حرام عليك والله العيب مش فيه العيب في الكبير الراجل دة مرتبة بتاع 300 جنية تخيل انك ممكن تحطة كبش الفداء لو عايز تحل الموضوع حلة حل جذري يعني علي مرتبات الشرطة وكمان خالي عربيات الاتاري تنزل مرور بليل في الشوارع ويكون في انضباط انا مش بشجع طبعآ الي عاملة العسكري بس برضة لزم يراعي ربنا حتا في النص جنية الي بيخدو بس لزم نجيب لي الناس دي حقوقها علشان لما نعقبها نعقبها بجد

طيب منا دكتور ومرتبي كده اروح انام بقه انا كمان :)

**heshamzaky** · 07-06-2011 06:21 PM

من لبسة الميرى و من شكل الصورة واضح أنة فى محافظة او قرية مش فى القاهرة و فية يافطة بتاعت كوافير كدة خلف الكشك و ممكن يكون بتاع مرور و الله أعلم

**alynubira** · 07-06-2011 06:51 PM

المشاركة الأصلية كتبت بواسطة M.Mosaad

الراجل دة و غيرة من اللي بيقعدوا امن علي البنوك و المصالح اخرة 300 جنيه في الشهر دة لو قبضهم يعني قدامه حل من اتنين ياما يقف يركن عربيات و ياخد اللي فيه النصيب ياما يشتغل شغلانه تانيه و ينامله كل يوم 3 او اربع ساعات بالكتير دة لو طالهم يعني من الاخر و بالبلدي كدة خرماااااااااااااااان نوم زيه زي ناس كتير اوي غلابه من الشعب دة بتشتغل مش اقل من 16 ساعه في اليوم علشان تاكل عيش حاف و كلها امل في ربنا ان الحكومه الجديدة و النظام الجديد يردلها كرامتها

سيبوة نايم لان حتي لو صاحي هو معهوش سلاح يدافع بيه عن حاجة الشعب بقي مسلح اكتر منه

ربنا يفتح عليك

**Ahmed Sharaf** · 07-06-2011 07:42 PM

لازم ينام طبعاً عارفين لية.
انا بشتغل في بنك ومن كام يوم لاحظت ان العسكري المكلف بتأمين البنك كان نايم علي الساعة 7 مساء على الكرسي ( لان الكشك بتاعة إتاخد من أيام الثورة تحديداً يوم 28 يناير وعلى فكرة لقيتة في لقطة على اليوتيوب ايام الثورة على كوبري قصر النيل ) المهم لما صحيتة إكتشفت انهم جالهم تعليمات تكون الوردية الوااااحدة 24 ساعة.
يبقى اكيد لة حق ينام .. وعارفين لما قلتلة يبقى يدخل يريح في البنك شوية .. رفض وقال ان لاقدر الله لو حصل اي حاجة ممكن يتصرف بسرعة وأأمن من لو كان داخل البنك.
الناس دي غلابة جداً جداً ومرتباتهم في حدود 200 جنية!!!
دة غير ان أغلبهم بيخدم في مكان بعيد عن سكنة.. يعني عندي المكان في الدقي عارفين بييجوا منين - 3 افراد - المنوفية وبني سويف!!!
يبقى ينام ولا لا ,, وتجوز علية الصدقة ولا لأ.

**ahmedfoud** · 07-06-2011 07:47 PM

المشاركة الأصلية كتبت بواسطة mazagangee

الأعضاء اللي صعبان عليهم العسكري
اوعوا تنسوا ان ده و زمايله همه اللي كانوا بيضربوا في المصريين في ميادين التحرير في كل مكان في مصر .
دي حاجة و كمان , الناس دي مش بتاخد 300 جنيه خالص , الناس دي طول عمرها عايشة على الاتاوات و الفردة و البلطجة على المصريين ...........
وزارة الداخلية لازم يتعملها اعادة هيكلة لأن الناس دي مفيش فايدة فيهم و العيسوي بيحرت في البحر المالح ...

دا و زميله الي كانوا بيضربوا في المصريين ...... لا اله الا الله ...
بصراحه بعد مليون تعديل في تعليقي افضل انه لا تعليق عشان حضرتك يا مزجانجي بيه متزعلش
بس راجع نفسك و اتق الله

**ahmedfoud** · 07-06-2011 07:49 PM

المشاركة الأصلية كتبت بواسطة Ahmed Sharaf

لازم ينام طبعاً عارفين لية.
انا بشتغل في بنك ومن كام يوم لاحظت ان العسكري المكلف بتأمين البنك كان نايم علي الساعة 7 مساء على الكرسي ( لان الكشك بتاعة إتاخد من أيام الثورة تحديداً يوم 28 يناير وعلى فكرة لقيتة في لقطة على اليوتيوب ايام الثورة على كوبري قصر النيل ) المهم لما صحيتة إكتشفت انهم جالهم تعليمات تكون الوردية الوااااحدة 24 ساعة.
يبقى اكيد لة حق ينام .. وعارفين لما قلتلة يبقى يدخل يريح في البنك شوية .. رفض وقال ان لاقدر الله لو حصل اي حاجة ممكن يتصرف بسرعة وأأمن من لو كان داخل البنك.
الناس دي غلابة جداً جداً ومرتباتهم في حدود 200 جنية!!!
دة غير ان أغلبهم بيخدم في مكان بعيد عن سكنة.. يعني عندي المكان في الدقي عارفين بييجوا منين - 3 افراد - المنوفية وبني سويف!!!
يبقى ينام ولا لا ,, وتجوز علية الصدقة ولا لأ.

+++++++++1

**ahmedfoud** · 07-06-2011 07:57 PM

المشاركة الأصلية كتبت بواسطة x_mm_x

طيب منا دكتور ومرتبي كده اروح انام بقه انا كمان :)

طبعا يا دكتور نام و شخر كمان عارف ليه
لان اولا مش مقتنع ان مرتبك 300 جنيه
ثانيا لو مرتبك فعلا كده يبقي هتبقي طبعا بالك مشغول بمصروفك و الديون الي عليك و الميكروباص الي هتستناه و بلاوي كتير هتشغلك عن تأديه عملك السامي فتنام احسن
و لو منمتش هيبقي هتعامل الناس و حش طبعا لانك مش طايق نفسك فاذاي هتطيق الناس و هتعد تاخد في زنوب يبقي برده الاحسن تنااااااااام
تعرف ....... و لما تناااااام ابقي احلم ان انت مش انت و البلد دي مش مصر و حتي التعليق الي طبعا هيدايقك دا محصلش .
انا مش قاصد اديئك بس مش عاجبني حااااااال البلد

**dr.hany** · 07-06-2011 09:24 PM

المشاركة الأصلية كتبت بواسطة axel

بس سؤال عايز اسأله بقي ده فين المكان ده لأن المكان لا ينم عن وجود بنك هناك اساسا

صدقنى بنك ...وبنك محترم كمان بس ليس فى العاصمة وانما فى بلد فى محافظة اقليميه .ولعدم الاضرار بالعسكرى مقدرش طبعا اقول فيين لانى لم اقصد االتشهير بهذا المسكين وانما مجرد تنويه للحاله العامه للشرطه .