السلام عليكم و رحمة الله و بركاته
أنا عمال أتفرج على برنامج القاهرة اليوم دلوقتى على الفقرة بتاع ( عمرو أديب - محمد شردى - حازم أبو اسماعيل اللى مرشح نفسه للرئاسة ).
أنا كنت عاوز أعرف ايه رأيكم فى الحوار و الكلام اللى بيتقال فيه.
أنا شايف أن:
كلام حازم أبو اسماعيل, كلام محترم و منطقى و هذا لا يعنى أنى هنتخبه للرياسة.
و شايف كمان أن حازم أبو اسماعيل, مثبت عمرو أديب و محمد شردى تثبيتة ناااااااااااااااار و عمال رايح جاى عليهم بالمكوة الله ينور :16::16::16: .
انا شايف انه ممتاز لحد دلوقتى واسلوبه معقول (فى الاجزاء اللى شفتها)
انا مش متابع البرنامج كويس بس بكره هنزل الحلقه واقول رايى ان شاء الله
[youtube]http://www.youtube.com/watch?v=rJHvZTZts9E&feature=player_embedded[/youtube]
رجل محترم جدا و فاهم الدنيا ماشية ازاى
و أفحم عمرو اديب بصراحة
هيعمل سياحه اسلاميه للعتبات المقدسه و الاضرحه :)))
اقتباس:
المشاركة الأصلية كتبت بواسطة calipha3
السلام عليكم و رحمة الله و بركاته
أنا تابعت الحوار بس أحيانا, كنت بنشغل عنه, هو قال حكاية السياحة الدينية بتاع الأضرحة دى صحيح؟؟؟؟
] فى الدقيقة 46
د حازم بيتكلم عن أفكار و مشاريع تنمويه ....يقوم الاستاذ محمد شردى يسأل الاسئلة اللى لا تقدم و لا تؤخر شيىء
شكلى هانتخبه فعلا كلامه محترم جدااااااا
وثبت عمرو اديب
الأستاذ صاحب رد الأضرحة بيتريقاقتباس:
المشاركة الأصلية كتبت بواسطة maserati
هدانا الله جميعا
أفحم عمرو أديب .. عمرو أديب عمال يشوف أسأله توقعه مدلوش فرصه ما شاء الله .
أرفض رجل دين يبقى رئيس ... خلاصة الكلام ...
قولنا مش عايزين دولة دينية .... و لو أصبحت دينية هنلجأ للسلاح و للمقاومة .. مخلصناش من إضطهاد سياسى عشان ندخل فى إضطهاد دينى
و الإخوان قالوا مش هنرشح حد من عندنا ... أديهم بقوا 2 ....
بعيد عن باقي الساطرين . . يعني هتبقي ارهابي وهتشيل السلاح وتقتل في المصرين لو اختاروا في الانتخابات واحد بلحية وشغال داعية اسلامي !!! ؟ ؟ ؟اقتباس:
أرفض رجل دين يبقى رئيس ... خلاصة الكلام ...
قولنا مش عايزين دولة دينية .... و لو أصبحت دينية هنلجأ للسلاح و للمقاومة .. مخلصناش من إضطهاد سياسى عشان ندخل فى إضطهاد دينى
و الإخوان قالوا مش هنرشح حد من عندنا ... أديهم بقوا 2 ....
طب ما هو الإخزان لم يرشحوا أحد إلى الإنتخابات الرئاسيةاقتباس:
المشاركة الأصلية كتبت بواسطة seiffoz
و سواء د.عبد المنعم أبو الفتوح أو د.حازم صلاح أبو إسماعيل
مترشحين مستقلين عن جماعة الإخوان
اقتباس:
المشاركة الأصلية كتبت بواسطة ahmedbatoos
دينية بعنى النموذج الإيرانى و الأفغانى ... و العراقى بينضم أهو ...اقتباس:
المشاركة الأصلية كتبت بواسطة moh.abdelbaset
لو مصر بقت نموذج من دول ... هو مش أنا لوحدى .. ناس كتير جدا ... و مش هنقتل متقلقش يا باشا ... مش هنبقى إرهابيين ..
لكن هندافع عن حريتنا .. إللى هتضهط و هيستخدموا ضدنا القوة ... وقتها هو ده الوقت إللى هنستخدم فيه السلاح ..
و خطورة الموضوع إن رجل دين يوصل لسلطة ... قد تجعله يفرض كل أرائه على المجتمع بالقوة ...
أنا شايف إنه صعب فى الفترة إللى إحنا لسه أ ب ديموقراطية ... ننتخب رجل دين ...
ممكن قدام شوية لما يبقى مبدأ الدولة واحد ... زى ألمانيا كده .. حزب شرودر كان عمال ...
حزب ميركل إسمه الحزب المسيحى ...
و لك منى وافر التقدير و الإحترام .. على فكرة أنا بتكلم بحرية هنا عشان عارف إنى وسط إخواتى مش ناس أغراب ..
مش شايف بصراحه انه اتغلب عليهم فى الكلام زى منتم بتقولو
وبعدين انا شايف انه معندوش برنامج او اى حاجه تشد انى انتخبه
لكن لو اى حد عاوز ينتخبه عشان هو بدقن فدى نقطه تانيه وكل واحد ليه رأيه
وإن كان ليَّ تحفظات صغيرة لكن أنا أعجبت بيه وباسلوبه - مع إني مابهضمش الإخوان دول نهائي
ومع إني من معجبين ومحبين شخص اخر ولكن أنا شايف إن برنامج الاخ ده ماشي معايا أكتر - وإن كان ملحقش يشرحه بالكامل
لكن لسة لما باقي البرامج تظهر ونشوف باقي المرشحين الليبراليين منهم والدينيين
for now..علامة الجودة
http://i.imgur.com/ZdmAK.gif
انضم للستة
1- كلام حضرتك دليل علي عدم معرفتك العلمية او الثقافية بلامر ابدا فكيف تناقش بين نظام شيعي ايراني !! وسني لطالبان اثناء حكمها !!! والشيعي الطائفي العراقي بصناعة امريكا !!اقتباس:
دينية بعنى النموذج الإيرانى و الأفغانى ... و العراقى بينضم أهو ...
2- افغانستان . . ليس دولة دينية . . بلمفهوم بتاع اوربا او الشيعي الايراني . . الافغان اهل سنة وجماعة ولا بيقدسوا بشر ولا عندهم حد بيتحكم في البلد كلها منفردا . . اما تطبيقهم للشريعة فا دة شئ الغالبية الساحقة من المصرين عايزينة وانا نفسي عايزة . . وملهوش اي علاقة بما يسمي بلدولة الدينية عند الشيعة او في الكنيسة ابدا
3- كلنا مليون مرة ازاي انت بتجبلي امثلة لدول اساسا انا بعتبرها نظام كفر وتقلي انت عايز مصر كدة يعني انا مسلم وعايز الكفر !! ولا هو تلزيق تهم !! لان مفيش شئ يتهاجم اساسا !! يعني انا عايز نظام شركي بتاع الكنيسة والكاهن الي بيتكلم باسم الله علي الارض ولا الايات الشيعية المقدسة الي بتعلم الغيب !!!
1- ياريت مصر تطبق الشريعة الاسلامية زي دول اسلامية كتير افغانستان . . السعودية . . . المالديف . . . ماليزيا . . ولايات باكستانية الخ الخ . . . طبعا بتكلم بلعام مش بلتفاصيلاقتباس:
لو مصر بقت نموذج من دول ... هو مش أنا لوحدى .. ناس كتير جدا ... و مش هنقتل متقلقش يا باشا ... مش هنبقى إرهابيين ..
لكن هندافع عن حريتنا .. إللى هتضهط و هيستخدموا ضدنا القوة ... وقتها هو ده الوقت إللى هنستخدم فيه السلاح ..
2- لو المجتمع كلة اختار اسلوب حياة وثقافة وحضارة معينة لازم تحترم المجتمع الي انت عايش فية . .
ويا تري لو المسلمين خرجوا مسكوا السلاح في سويسرا بعد منع المأذن بسبب الحفاظ علي هوية سويسرا المسيحية !! كنت هتقول حقهم !!!! ولا هتقول ارهابين ويسؤوا صورة الاسلام الخ الخ وزية في دول غربية كتير !! خرج وزير داخلية المانيا وقال المانيا دولة مسيحية غربية الحضارة وعلي المسلمين التعايش مع هذا لو خرج المسلمين ومسكوا السلاح هتقول عندهم حق ولا ارهابين وجخة ووحشين وبيسؤوا صورة الاسلام !!! المسلمين الي ممنوعين من تطبيق شريعتهم حتي علي نفسهم فقط في القضايا الاجتماعية في دول كتير جدا غربية ممسكوش السلاح وقالوا يلة محدش يجبرنا علي حاجة يا تري كنت هتسقف ليهم وتقلهم برااااااااااافو ولا هتقول لازم يتتقتلوا ونتبري منهم دول بيسؤا صورتنا
لا حول ولا قوة الا بلله
سواء انت او الي بتقول معاك اي حد اي كان سواء بقة شكلة او بيدعي انة اسلامي زي التكفير والهجرة في التسعينات و انت وجماعتك اي كان خلفيتكم اي حد يخطأ ويستخدم العنف او الي بتقولة مصيرة يا المعتقل يا الاعدام علي جرايمة بحق بلدة والمجتمع
1- اتكلمنا مليون مرة وقلنا هو لية حضرتك وناس كتير في دماغها ان المسلمين مسيحين !!! وبيؤمنوا بقدسية الكاهن والكلام دة !! كلامك لا منطقي ولا من الواقع بلعكس دة عند كل المسلمين المصرين شررررررررك لو هو هيجي يمشي رئية بلعافية ويتكلم باسم ربنا والكلام بتاع الايمان المسيحي دةاقتباس:
و خطورة الموضوع إن رجل دين يوصل لسلطة ... قد تجعله يفرض كل أرائه على المجتمع بالقوة ...
2- اي كان المرشح لية الحق يترشح ولية الحق ينجح زي ما احنا لينا الحق نشيلة او نعزلة في وقت بمزاجنا . . . واظن ان مبارك مكنش شيخ مثلا !! ولا عبد الناصر ياريت تكون وصلت الفكرة
1- وهي اب ديموقراطية ان جورج بوش يقول انا رسول الرب و بعمل حرب مقدسة وتوني بلير يقول انا قريت كلام في الانجيل بيؤيد احتلال العراق !!!! الديموقراطية الي البعض بيدعيها وواضح انة ابعد ما يكون عن الحرية و الديموقراطية الخ الخ . . هي ان كل شعب يختار ويتحمل اختيارة لو صح او خطأ مع امكانية انة يغير خيارة دة اختاروا اي حد شيخ بقة مش شيخ وطلع وحش يغيروة بعد كدة براحتهم وبلعموم اساسا مصر هتكون شبة رئاسية يعني حتي قانونيا في وضعنا الحالي السيناريو الي بتتكلم علية خيالي جدا جدا لان دة سيناريوا يننفع لدولة مسيحية ينفع لدولة شيعية مش دولة مسلمة سنية !! ولا في قوانينا ولا النظام الدستوري الجديد الي داخلين علية ولا ولا ولا !!اقتباس:
أنا شايف إنه صعب فى الفترة إللى إحنا لسه أ ب ديموقراطية ... ننتخب رجل دين ...
واخيرا انا مش هختار الشيخ حازم ابو اسماعيل برغم ان مش هختارة لانة بلحية مثلا او متدين مع ان دة شئ هيكون في الي هختارة عموما . . ومش رأي اني لن اختارة بسبب انة ملهوش في السياسة مثلا او عشان شيخ لان الراجل اولا خريج حقوق ثانيا والدة برلماني مشهور . . واظن لية ثقافة سياسية . . لكن الشيخ حازم مش حلمي لمصر . . ولو ملقتش غيرة او حسيت انة افضل واحد بعد ما الكل يبان ارائهم و الكل يرشح نفسة رسميا وحسيت انة الافضل بنسبة للي موجود هختارة . . . . . . بس صدمني جدا كلامك يا شريف لو مغلطتش في الاسم
اقتباس:
المشاركة الأصلية كتبت بواسطة calipha3
الراجل مقلش كده خالص
الراجل قال بدل العري يبقي في شواطئ خاصه للعائلات
الراجل قال ننظر لشرق اسيا وفي مسلمين كتير
الرجل قال ان اي فتوي بالاثار ستؤل الي مختصيها ثم الازهر
الراجل قال ان لازم تبقي دولة مؤسسات
بمعني كل شي يؤول الي جهته اهل الاختصاص
الراجل قال ان اؤمن باليبراليه علي شرط ان تحذف منها كل ما حرم الله
المشكله ان عمر اديب غبي---- لان كل الاعلام غبي عايزين يشوهوا كل شئ يعود للدين
طول الحلقه يقول يعني انت عايز دوله حلال والا حرام غبي غبي
الراجل كان ازكي بكتير واثبتلي انهم اغبيه
اقتباس:
المشاركة الأصلية كتبت بواسطة د.أحمد السعيد
انا قلت الناس دي كارهه الدين
واثبتولي في الحلقه دي انهم اغبيه
اقتباس:
المشاركة الأصلية كتبت بواسطة misoalex
هما ادواه وقت وبعدين -- يعني الراجل لو حلق هاتنتخبه؟
فى كلمات
المحاورين عندهم جهل كبييييير فى طريقة ادارة الحوار
الشيخ: حازم راجل على دراية فعلا بالثقافات و التاريخ و افكاره كويسة ... ودا المعهود عنه للى متابعه على قناة اقرا
فعلا ضاعت الحلقة ... عشان يشوهوا صورة الدين فى شخص الشيخ.. ومقدموش حاجة عن برنامجه للترشح اللى المفروض و ادعى انه يتناقش
اقتباس:
المشاركة الأصلية كتبت بواسطة SeiffoZ
أســــد
اقتباس:
المشاركة الأصلية كتبت بواسطة الصيداح
السلام عليكم و رحمة الله و بركاته
أنا اتخضيت يا راجل, أنا قلت الراجل حازم أبو اسماعيل كان ماشى كويس, ايه اللى جراله؟؟!!! :untitled 1:
اقتباس:
المشاركة الأصلية كتبت بواسطة ahmedbatoos
كلام من الأخر الصراحه
اقتباس:
المشاركة الأصلية كتبت بواسطة aminibrahim
يعنى تفتكر لو هو حلق دقنه وشال لقب الشيخ فلان من اسمه نسبه المؤيدين ليه حتفضل 100% هى هى ههههههههههههههههههههه استحاله يا باشا احنا فى مصر ينى الناس بتدور على المظهر وبتنسى الجوهر
الراجل شكله محترم فعلا بس انا من رأيى مينفعش الفتره دى خالص مصر عاوزه تستفيد من كل مليم من كل الموارد
هو بيقول غير كده انه مينفعش يبقى موارد مصر من السياحه و قناه السويس
طيب كلام جميل بس ليه اقطع رزق الناس دى دلوقتى انا اسيب الكلام ده زى مهو وابنى انا مصر الاول واوفر فرص عمل وموارد بديله وبعد كده اقول لا للسياحه الا بشروطى واللى عاجبه عاجبه واللى مش عاجبه بالسلامه
مش قادر تفهمنى بردوا ..اقتباس:
المشاركة الأصلية كتبت بواسطة ahmedbatoos
أنا محدد الدولة الدينية هتقوم معارك و قتال ... لأن ناس كتير جدا مش هتستحمل إن يتم قهرها سياسيا و إجتماعيا تحت إسم الدين ... أفغانستان كانت محرمه التلفزيون ... و مفيش محطات إذاعة تماما .... و أفغانستان صنفت أكتر دولة متخلفة فى العالم ...... فى حالة الإضطهاد الدينى و السياسى ..
يعنى مش مجرد حد ليه توجه إسلامى ... دى غير دى .... حازم أبو إسماعيل رجل دين عايز يدخل سياسة ليه دلوقتى ؟؟
أبسط مثال .. اللحية ... أكترية التيار السلفى شايفها فرض ... قد يجبرك عليها بدعوى تطبيق الشريعة إعتقال كل إللى مش مربيها ...
ز إيران .. فى حاجة هناك إسمها قوات تطبيق الحجاب .. أه يا ويلها إللى خصلة من شعرها باينة .. بيتنضرب و بتتسجن يومين ...
ده إللى بتكلم عليه مش الإسلام بصفة عامة ركزوا وحياة أبوكوا بلاش تخوين من الأول !
اقتباس:
المشاركة الأصلية كتبت بواسطة misoalex
كلامك 100 100 الراجل قصده مايبقاش اتمدنا كله علي حاجه واحده وانا مأيدك
مع احترامى لسعادتك هو مقالش انه ماينفعش يبقى فيه موارد لمصر من القناة السويس و لا السيحه خالص يا افندماقتباس:
المشاركة الأصلية كتبت بواسطة misoalex
اللى فهمته من كلامه ان الموارد اللى من النوع ده تخضع لمتغيرات عديده ليست بأيدينا يعنى ممكن يحصل تفجيرات مش عندنا خالص تقلل تماما من الايرادات (انصح حضرتك انك ترجع للموضوع مره تانيه و تأكد اذا كان الفهم ده صحيح و لا لا) فلا يصح ان يعتمد دخلنا القومى على مثل هذه الايرادات انما نوجد دخول بالصناعه مثلا فلا تتأثر كثيرا بمثل هذه المتغيرات.
بالمناسبه انا شايفه ان رأيه زى رأى حضرتك الى حد كبير جدا بمعنى انه عايز يبنى اقتصاد مصر و يوفر بدائل على الارض انما ما هو محرم شرعا هو مش ناوى يسمح بوجوده على ارض مصر.
اقتباس:
المشاركة الأصلية كتبت بواسطة rosebox
طيب لما هو مش عاوز يلغى السياحه او مقالش كده زى محضرتك بتقول يبقى راجع حضرتك الحلقه وركز على كلامه وهو بيتكلم عن سياحه العراه والشواطى اللى هو مش عاوز فيها الكلام ده طبعا كلام جميل بس متقدرش تقول لسائح او سائحه متقلعش على الشاطئ او متلبس مايوه يبقى ده اسمه ايه ؟؟؟؟؟؟؟؟؟؟؟؟؟؟؟؟؟؟؟ وتفتكر لو اتعمل كده حيبقى فيه سياحه فى مصر غير سياحه ابو الهول ؟؟؟؟؟؟
اقتباس:
المشاركة الأصلية كتبت بواسطة misoalex
طيب بصرف النظ عن حازم ابو اسماعيل
هل سياحة الشواطئ بالشكل اللى عليه انهارده اصلا حلال و لا لا؟
طبعا لو لقينا انها حلال يبقى خلاص مفيش مشكله
انما يا باشا لو حرام مش تبقى ملزم شرعا انك تتحرى الحلال فى البلد اللى انت رئيسها؟
ممكن تدور على افكار ابداعيه و ربنا حيعينك هو قال فكرة ان الشركات السياحيه تأجر الشاطئ (انا مش موافقه) انما اهو فيه حلول مختلفه بيها من نبعد عن غضب ربنا
انا مثلا واحده من الناس اللى عمرى ما نزلت بحر من سنيييييييييييييين طويله الا الصبح بدرى لما يمنعوا الرجال انهم يدخلوا الشاطئ و ده زمان برضه لإن الموضوع ده مش فى كل الاماكن يا إما حمام السباحه (طبعا بيبقى فيه التزام كامل)انما شتان بينه و بين البحر. يعنى احنا شعبنا ليه تقاليده و محتاجين اننا نتعامل معاه هو بشكل خاص مش ناخد العلاج الجاهز من شعوب مش زيينا اصلا و نطبقها عندنا. احنا لازم نفكر فى حلول تناسبنا احنا و ايه المانع اننا نغير شويه يعنى؟
هو كمان اتكلم عن انواع اخرى من السياحه و مصر فعلا تتمتع ببيئه جميله ممكن الناس تجيلها من اخر الدنيا زى الواحات و السياحه العلاجيه و التزحلق على الرمال و حاجات كده كتير
ممكن نعمل مسابقات كبيره
انا اقصد اقول ان كل تحدى و ليه حلوله و اوعى تقول اننا محتاجين فلوس و خلاص لإن لو عايزين فلوس يبقى ننتنج اكتر
هو ده الشيخ لما المذيع بس يديلله فرصه.اقتباس:
المشاركة الأصلية كتبت بواسطة ahmedbatoos
مقطع جميل جدا شكرا لك
الـ.. هــــــلالا
بقلم إسعاد يونس ١٠/ ٦/ ٢٠١١
■ منك لله يا عمرو يا أديب.. كشفت راسى ودعيتلك فى السيدة ربنا يهديك وينور بصيرتك وتخف إيدك علينا فى الضيوف اللى بتتحفنا بيهم كل شويه دول.. فكلما أعلنت أنك ستستضيف مرشحا جديدا للرئاسة.. أتوسم خيرا وأجلس كالتلميذة النجيبة منتظرة أن يعلن هذا المرشح عن برنامج مدملك كده وحلو يطمنّى على مستقبل العيال.. ولكن.. كثيرا وليس دائما ما أقوم من القعدة النجيبة دى وأنا أشكو من العته الهسهيسى، وهرهرة لا إرادية فى جميع المسالك والعضلات.. لدرجة أننى اشتريت كسرولة بإيد طويلة عشان ألبسها ف نافوخى وأكمل الديكور بالحول منشدة النشيد القومى.. تدونى الشايب ليه؟؟.. أنا عفشة ولا إيه؟؟..
■ وغالبا ما يكون مثل هذا المرشح النابه اللوذعى واثق من نفسه قوى ومحضر خطة ما تخرش الميه.. وشوية عبارات من عينة الشعب المؤدب، المتدين، المحترم، المتزمت، اللامؤاخذة الجاهل، أكيد سيتبعنى بما إنى سأتحدث بلغة الحلال والحرام فقط ولا لغة غيرها..
وأنى بما سأقر من قوانين وما سأصدر من قرارات وما سأتبع من سياسات حاخده من إيده أدخله الجنة حدف حيث إنى حاعلمه الأدب وحافرض عليه عقيدتى وطريقة تدينى وأسلوب فهمى للأشياء وحازنقه كله على بعضه كده داخل زاوية تفكيرى الضيقة، واثقا إنه شعب أهطل ولم يبلغ السن القانونية بعد ليتخذ أى قرار.. وكمان أضبش ولا يرى أى معالم للحياة أو التقدم والرقى الحضارى والعلمى والثقافى خارج حدود الكفر أو النجع أو الحارة.. والبعيد ماعندوش تطلعات وراضى بطلتى السمحة ومظهرى الملتزم.. وأنى سأشهر سبابتى فى ننى عينه، مهددا بجهنم وبئس المصير لو فكر.. شوف مجرد فكر.. إنه يرتكب معصية التجربة أو الاختيار من أول العقيدة لحد ما يسلك سنانه بالخيط الطبى ولا السواك..
■ أخينا الضيف الآخرانى ده ظل يفتينا إنه درس برنامجه الاقتصادى على مدى ربع قرن.. إيه هو بقى البرنامج؟؟.. بدأ يقول أفكار تشى بأنه لو حكم البلاد لا قدر الله حايخدنا كلنا ف إيده ويدور يشحت بينا على أبواب الجوامع أو يقدم لنا فى منظمة التسول الدولية .. اللى ما قال فكرة واحدة واقفة على جوز رجلين.. وكل ما يتزنق يقولك دى مجرد فكرة لكن لما أحكم بقى حاحيل كل هذه الأفكار إلى مؤسسات الدولة.. ما هو أنا بقى الصدمة اللى محضرهالكوا أننى سوف أعترف وأحترم مؤسسات الدولة.. يعنى مشروع متعلق بالزراعة..
لازمن ولابد حايدرسوه علماء وخبراء الزراعة.. على أساس إن القاعدة كانت إن المشروعات الزراعية بيبت فيها سمكرية مثلا.. قالك سياحة الشواطئ حرام وضد الشرف المصرى.. إحنا نلغيها طالما السياح اللى بيجولنا دول قللات الأدب وبيلبسوا مايوه وساعات بيمشوا بلابيص.. عايزين ييجوا بأدبهم واحترامهم أهلا وسهلا.. ولو زنقت قوى تيجى هيئات أجنبية تأجر شواطئ خاصة ويبقوا يقلعوا فيها براحتهم!!!!!..
وإنه ينوى استبدال هذه السياحة الخليعة بالسياحة العلاجية.. ننشئ مستشفيات ونظم علاجية تجلب السواح المرضى من آسيا.. يعنى نقفل السياحة القائمة الآن ونستنى عشرين سنة على بال ما نصلح الطب عندنا والتأمين الصحى وفوضى العلاج وأخطاء الأطباء وإضراباتهم ونقضى على الكبدى، والوبائى، والبلهارسيا، والفشل الكلوى، والوجه السينمائى الجديد اللى اسمه الإنتاميبا كولاى.. ونبنى سمعة عالمية تنافس كل الدول المتقدمة ونجذب السواح بقى.. أنا حسيت إن كل المشكلة دى سببها إنه مابيعرفش يعوم..
■ أما سياحة الآثار بقى.. فادينى عمر وارمينى البحر.. مراوغة عشر ساعات.. نلف وندور عشان نرسى على بر.. وبرضه مارسيناش.. وفى الآخر فهمنا بالويم كده إنها برضك حرام.. يعنى المخفى اللى اسمه تمثال رمسيس ده حرام.. وإنه سيستشير الأزهر فى شأنه لأنه صنم.. قلت ف عقل بالى يمكن عشان قالع ولا عشان اسمه رمسيس.. بس الشهادة لله وعد إنه مش حايكسره.. يعنى حايسيب السياسة الخارجية والديون والتقدم العلمى المفتقد وكل الهلالا اللى إحنا فيها ويحط نقره من نقر رمسيس.. ده كده حتشبسوت حاتشوف أيام سودة..
■ وإنه لن يتقدم خطوة واحدة دون استشارة الأزهر ومجمع البحوث الإسلامية.. كل مشروع أو قرار حايرجع فيه للأزهر الشريف.. حرام ولا حلال.. على رأى واحدة صاحبتى قالت: طب ما يجيب الأزهر اللى يحكم بقى..
■ ومن ضمن المشروعات الجبارة إنه افترض إن المصريين يستوردون عشرين مليون سيارة.. فى الشهر أو السنة أو القرن؟ ماقالش.. وبالتالى علينا أن نمنع استيراد جميع السيارات ونجبر جميع الماركات العالمية أن تحضر لتقيم مصانع هنا.. هذا بالإضافة إلى أننا يجب أن نصنع سياراتنا المصرية.. فكرنى بزمان أيام ما أنتجنا السيارة العملاقة اللى كان اسمها والعياذ بالله رمسيس..
■ أيام الأشفرة والضنك كنا تلات بنات إذاعيات.. أنا وزميلتى التى هى حاليا إعلامية كبيرة ومشهورة وجامدة جدا وزميلتنا الثالثة مسؤولة فى قسم الأخبار.. ما حيلتناش اللضا.. وكنا بنستهبل على الزميلة الثالثة لأنها كانت تملك سيارة رمسيس اشترتها بخمسة وثمانون جنيها مصريا لا غير.. رايحين جايين معاها وهى بتبتزنا بتمن الركوبة.. كل يوم واحدة فينا تجيب معاها شلت من بيتها حتى نستطيع الجلوس فى السيارة اللى ماكانش فيها كنب ولا كراسى.. كنا بنقعد عالحديد.. أصل الشلت وقعت من أول يوم.. وكانت تنزلنا من السيارة نشتريلها سجاير وهى ماشية.. اللى عليها الدور تنزل وتروح الكشك ويمكن تضربلها واحد قازوزة وترجع تركب جنبها.. عادى جدا وهى ماشية.. أصلها ماكانتش بتقف.. وساعات كانت تكركر بوقاحة كده فى وسط الإشارة.. فواحد يخبط عالقزاز ويقوللنا.. يا ستات.. الموتور وقع منكوا.. عايزينه ولا انتوا تمام كده؟؟..
ورغم إننا كنا كلنا بنعرف نسوق إنما كانت صاحبة السيارة هى اللى مستفردة بالسواقة.. لأنها الوحيدة اللى كانت بتعرف ترجع الفيتيس مكانه لما ينط ف وشنا معلنا رفضه للمعاملة السيئة ويقوم خارج زى الزمبرك كده وموأوأ.. فكانت شايلة فردة شبشب حقيرة مخصوص عشان تضربه على أم رأسه يقوم داخل مكانه وناقل.. وبما إننا كنا بنقضى طول اليوم فى الشغل.. فكنا نتسلل ساعة الظهيرة عشان ناكل.. سميطتين وكام بيضة أو ساندويتشين جبنة.. ومعاهم شوية طرشى وترموس حاجة ساقعة أو شاى.. فكنا نعمل قرعة.. اللى حاتقعد ورا مننا هى اللى حاتفرش الأكل فى الأرض وتحضر المشروب وتطلع الطرشى م القرطاس.. شغلانة يعنى.. وتشتغل بوفيه الرحلة.. وبعد ما نخلص عليها تمسح الأرض وتلم الزبالة وتنشر المشايات م الشباك..
■ لا أدرى لماذا سرحت هذه السرحة الطويلة بره الموضوع.. الظاهر إن حديث الرجل صرفنى تماما عن المتابعة.. يمكن بفعل اليأس أو بفعل الغيظ من عمرو أديب، ومحمد شردى، اللى فشلوا فى محاورته.. فتحول اللقاء إلى كم لا نهائى من الهلالا.
اقتباس:
المشاركة الأصلية كتبت بواسطة angeliccore
شكرا جزيلا على المشاركة الفعالة
لا تبخل علينا بنقل تلك الكتابات و المقالات المميزة
:16:اقتباس:
المشاركة الأصلية كتبت بواسطة abd_el_7amid
ربنا يشفيها اسعاد يونس دي
111111111اقتباس:
المشاركة الأصلية كتبت بواسطة dojuar
شوفت الثقافه من قلب مليان خير بتطلع أيه هههه ( الاناء نضح مقدرش يمسك نفسه )
معلش أصلهم أصحاب مصالح واحده على سبيل المثال لا الحصر جود نيوز للأنتاج السينمائى
تصدق أنا مش عارف إنت بتتهكم ولا بتتكلم جد؟ :angry06:اقتباس:
المشاركة الأصلية كتبت بواسطة Dojuar
مشاركتك فعالة جدا لأنها بتبين مدى صحة الطريق اللي الواحد فينا ماشي فيه
طريق فيه اسعاد يونس ...و طريق اخر فيه حازم صلاح أبو اسماعيل
العته الهسهيسى، وهرهرة لا إرادية فى جميع المسالك والعضلات