السلام عليكم و رحمة الله و بركاته
طبعا لا يمكن اختزال الاسلام فى جلباب و ذقن, ده يبقى خطأ و تسطيح للأمور, لكن برضه, الراجل أبو دقن ده اللى فى الصورة, هو عند جموع الشعب المصرى, هو نموذج للانسان المسلم, زى ماييجوا و يرسموا الراجل العجوز أبو برنيطة و مناخيره معقوفه ده و بيقى المقصود بيها الانسان الأميركى و زى ماييجوا و يرسموا الراجل اللى لابس تنورة كاروهات و يبقى المقصود بيها الرجل الاسكتلندى, فعشان نكون موضوعيين, الكاريكاتير ده مضمونا و ليس شكلا, مقصود بيه السخرية و التندر من المسلمين الذين يتبعون فئة أو جماعة معينة و بدون أن ترتكب هذه الجماعة أو هذه الفئة لأى خطأ أو ذنب, و هذا لا يجوز.
و بالشكل ده, فهذا ال(مصطفى حسين) انضم الى طابور طويل من الذين أخذوا على عاتقهم تصوير الجماعات الاسلامية على أنها الفزاعة و لتفزيع الشعب المصرى منهم حتى يفشل أى محاولة من الناس دول للوصول الى البرلمان و الى سدة الحكم, و طبعا دى طريقة سااااااااااااااااذجة و خاااااااااااااااااااااااا اااايبة خالص, لأن الجماعات دى لما بتنجح فى انتخابات و لا كده, بيكون لأنهم قربوا أوى من الشعب المصرى البسيط المكافح اللى فعلا بيكافح عشان رغيف العيش المدعم و عشان أنبوبة الغاز و بالتالى هما بيقدروا يكسبوا الناس دول فى صفهم و بيكسبوا أصواتهم, زى ماشفنا فى الاستفتاء.
عالعموم, الانتخابات جاية و هنشوف ايه اللى هيحصل, بس بالشكل ده, أنا متهيألى أن الأمور هتمشى فى الاتجاه الذى لا يرغبه الجماعة اللى بيتريقوا دول, و ربنا ييسر الأمور.