محتاج مساعدتكم فى اختيار العربيه المناسبه
السلام عليكم ورحمة الله وبركاته
ازيكوا ياشباب
انا عايز اشترى عربيه
دى اول عربيه ليا وهاتعلم عليها السواقه بامر الله
الفلوس اللى معايا كلها 22000 جنيه
دورت كتير وسالت لحد ماتعبت
لقيت سيات ابيزا موديل 1993 عامله متوسط اسعار بداية من 21000 لحد 28000
وقدامى اختيار تانى الريحاتا موديل من 85 لحد 89 ومتوسط اسعارها بداية من 17000 لحد 21000
انا كنت عايز ابعد عن الموديلات القديمه زى ال 131 او المازدا 323
عشان كدة اختياراتى محصورة فى العربيات دى وبالترتيب
1 - سيات ابيزا موديل من 91 لحد 93
2 - فيات ريجاتا موديل من 85 لحد 98
3 - ستروين AX موديل من 91 لحد 95
4 - دايهاتسو شاريد موديل من 90 لحد 92
5 - فورد فيستا موديل 90
ومش عايز 128 بصراحه لانى مش برتاحلها فمش هابقى مبسوط لو جيبتها
انا ماعنديش اى خبرة فى العربيات ولا قطع الغيار
بس انا كل اللى عايزه من العربيه ماتعطلش كل شوية ولا اصرف عليها كتير وتستحمل مشوار شغلى من شبرا للمعادى كل يوم
مش مهم الشكل اوى ومش مهم الكماليات (بس لو موجودة عربيه حالتها كويسه وفيها كماليات تبقى اوبشن كويس طبعا)
كل عربيه من دول الاقى ناس تقول حلوة وناس تقول وحشه وابعد عنها لحد ماتوهت مش عارف اعمل ايه :angry06:
معلش دوشتكم انا عارف بس بجد محتاج رايكم اوى
وبجد شكرا يا احلى منتدى فى الدنيا