بنك كريدى اجريكول واغرب موقف

**analyzer** · 25-04-2008 03:45 PM

السلام عليكم جميعا

كنت من مده طويله نشرت لكم صور العربية الانسر الى عملت حادث واننا ماشيين فى اجرات الشيك من الجمعية المصرية للتامين التعاونى
والحمد لله الموضوع خلص على خير واتصرف الشيك لصالح البنك وسوينا المديونيه مع البنك الى هو كريدى اجرى كول مصر

واخدنا المبلغ المتبقى

المهم لا اطيل عليكم

الموقف الغريب اننا طلبنا عربية لانسر تانيه وجيبنا عرض سعر من معرض واتفقنا معاهم وخلصنا كل الاوراق قالو فى اجراء واحد هو الاستعلام .
استعلام ؟ استعلام ايه ياساده دى تانى عربية منكم وبنفس الشروط والاوراق قالو لا بد من الاستعلام قلنا ماشى

المفاجئه : اتصلو بعد يومين قالو انت اخدت رفض

طبعا دى كوميديا : هو الموضوع باسم شريكى فى المكتب

على طول اتصلنا بمعرض بيع بتاع صديق وهو قام متصل بمندوب بنك بركليز ودخل الورق عندهم وتانى يوم اتصل مندوب البنك وتم التعاقد وخلص الموضوع معاهم

الكوميديا بقى اول مرة الاستعلام يوافق وتانى مرة بنفس العرض يرفض

**Casio2000** · 25-04-2008 08:55 PM

هما مابيقولوش سبب الرفض ؟؟

**analyzer** · 26-04-2008 05:58 PM

محمد باشا فى الحقيقه مطولناش معاهم فى الكلام وخلصنا الموضوع مع بنك تانى والحمد لله استلمنا العربية
بس هى الكوميديا ان البنك ده ازاى يرفض فى تانى مرة مع ان فى اول مرة وافق

**Sharky** · 26-04-2008 08:18 PM

يمكن علشان موضوع الحادثة و إن هو ماستفدتش من الفوائد على الأقساط

**Chicco** · 26-04-2008 08:35 PM

تفسير بسيط من واقع الحياه في مصر ...الموظف الأول غير الموظف التاني و كل واحد شغال بدماغه لأن ما فيش قواعد أو بروتوكول موحد ......بتحصل في أي حتة مهما كانت :(

**analyzer** · 26-04-2008 10:57 PM

بصراحه مشغلناش دمغنا كتير بالرفض وسببه لان اليوم الواحد عندنا بخسارة فعلى طول دخلنا الورق بنك تانى وتانى يوم استلمنا والحمد لله
والعروسة الان بتتجهز لعريسها اقصد العربية الان بتتجهز لدخول الخدمة فى المكتب

**YoussefMostafa** · 26-04-2008 11:02 PM

الكوميديا بقى اول مرة الاستعلام يوافق وتانى مرة بنفس العرض يرفض

اينعم هي حاجة غريبة بس ولا يهمك
المهم ان الورق اتوافق علية من بنك تاني
وعروستك معاك

**analyzer** · 27-04-2008 12:12 AM

صح يا يوسف باشا والعروسه على وشك الخروج من الكوافير بتاعها ههههههه
اصلها من الساعة 5 مساء وهى فى التوفيقية بتتزين لعريسها قصدى المكتب بتتظبط من فرش ارضية لكسوة وخلافه انت فاهم بقى تجهيز العرايس بيبقى عامل ازاى

وعقبالك يا باشا لما تتجوز تانى اقصد تجب كمان عروسه لا اقصد تجيب كمان عربية ههههههه

**خالد** · 27-04-2008 07:12 PM

ألف مبروك العربية الجديدة وربنا يديك خيرها ويكفيك شرها
بخصوص بنك كريدى أجريكول ، البنك ده بنك ............جداً
والموظفين كسالى جدا جدا والمعاملة عندهم زى الزفت وتقريبا مفيش أى رقابة عليهم خالص
وزى ما الأخوة قالوا كل واحد هناك شغال بدماغه ( عن تجربة مع أكثر من فرع ليهم)
موضوع الأستعلام أساساً بيتم عن طريق البنك المركزى علشان لو عليك مديونيات أو مشاكل
كل اللى عمله الموظف أنه مابعتش أساسا للمركزى وأداك رفض من عنده وخلاص!!!

**sab3aawy** · 28-04-2008 11:41 AM

انا بنك كريدى اجريزفت ده ليا معاه موقف يفطس من الضحك

واحد مندوب من عندهم فلق دماغ اهلى فى الشغل، سنة يلف ورايا، اعملك كريديت كارد اعمللك كريديت كارد، يا حبيبى عندى تلاتة غيره مفيش فايدة، يابنى مش محتاجه مبيفهمش، اكتر من ستة شهور كاملة ،صدع دماغى، لحد ما زهقت وفى الآخر مليت طلب، خد الطلب وجرى، وغاب مشفتش وشه تانى، النتيجة كانت كوميدية جدا

1-مطلعليش كارت ائتمات
2- بتجينى مراسلات كتير جدا من البنك كلها عبارة عن دعاية لاستخدام كارت الإتمان والمحلات اللى بتدى تخفيض وكأنى من حملة كارت الإئتمان بتاعهم مع انى لم اتسلم منهم اى شئ
3-بالإتصال بقسم الإئتمان بالبنك ميعرفوش عنى اى حاجة ولا يعرفوا ان طللعلى كارت ولا اترفض ولا اى حاجة
4-مبتجيليش مطالبات من اى نوع كانت ممكن تنفع فى انى اقدر اتصل اسأل عن رقم الكارت اللى عليه المطالبات
6- من يوم ما المندوب الرزل ده اختفى وانا بيتصل بيا مندوبين مبيعات لكل الفنادق وكل شركات التأمين وكل اللى عنده حاجة مش عارف يبيعها وواضح انهم خدوا رقم التليفون من كريدى اجريكول

دى حاجة تقرف