عرض للطباعة
السلام عليكم
عاوز اشترى ايس بوكس صغير ياخد ازازة ميه و5 علب كانز مثلا ويكون صغير يعنى علشان احطه فى دواسة العربيه عند الكنبه الخلفيه وبرده ترمس صغير للميه السخنه حوالى واحد لتر او اقل
الاقيهم فين والاسعارايه والانواع ايه لانى حتى لماكنت فى كارفور اسكندريه ماخدتشى بالى منهم خالص
فيه موضوع عن تلاجة بالكهربا تتوصل على الولاعة وتتحط فى شنطة العربية
وممكن تلاقى الابس بوكس فى فرع مولينكس اللى فى وسط البلد
هو قرب وزارة الاوقاف - باب اللوق
الترمس
شوف هناك بس بيكون غالى شوية
او شوف التوحيد والنور
الف شكر ياريس
موضوع التلاجه مش حينفع معايا لانه غالى وانا مشاويرى صغيره مش سفر طويل يعنى فمش مستاهل غير حاجه تحتفظ بالبروده
معندكش فكره عن الانواع اللى موجوده لانى مش حانزل القاهره مخصوص علشان اشتريه
اعتقد حيكون فى محلات الادوات المنزليه بس عاوز اعرف اسال على اى نوع فى الايس بوكس بالذات لانه الاهم ليا
اللى فى توكيل مولينكس نوع اسمه colmanمش فاكر الحروف بالظبط
ولو لقيت ترمس يكون استانلس برة وجوة هيكون كويس ولو نزلت اليكس شوف زهران مول
شكرا ياباشا ان شاء الله حاشوف فى زهران
كولمان غالى بس اعلاهم جودة
يليه تانك بتاع اولمبيك جروب وجودته ممتازة برضه وسعره معقول
وتلاقيه فى كارفور او الموزع الرئيسى بى تك
على فكره انا شوفت موضوعك بتاع تلاجة العربيه وهو ده اللى طلع فكرة الايس بوكس فى دماغىاقتباس:
المشاركة الأصلية كتبت بواسطة ahmed_su
طيب انت شايف اجيب مقاس كام وسعره كام لانى معرفشى عنهم حاجه
اقتباس:
المشاركة الأصلية كتبت بواسطة moustafa_saad
تلاجة العربية دى مجرد fun وغالية وغير عملية واللى بتشيله قليل
وعلشان تجيب حاجة بحجم مناسب هتدفع كتير ...
الايس بوكس عملى جدا انا شوفت واحد تانك 10 لتر كان ب 80 جنيه
واعتقد اللى انت عاوزه هيكون 12 لتر فى حدود 100 جنيه من ماركة تانك
وممكن يوصل 220 فى كولمان او اكتر شوية
انا مجرب التانك عموما ومنتجاتهم عليها ضمان سنة ضد عيوب الصناعة
http://www.nefsak.com/images/W/Icebox5Blue.jpg
شكرا يا بشمهندس
انا حاشوف مقاس ينفع يتحط فى الدواسات بتاعة الكنبه الخلفيه
وياسلام لو الاقى حاجه مسطحه زى الدرج ادخلها تحت الكرسى
بس ماعتقدشى