تركيب جنط 17 على الصني بالصور

طبعا من الجنوط من اهم اضافات و تعديلات السياره شكلا و اداءاً
و دي تجربه تركيب جنط 17 على نيسان الصني و القائم بها احد اخواننا المجاهدين في ماليزيا و تايلاند
و اليكم الصور بالتفصيل

طبعا دي الجنوط القديمه شكلها اصلا تحفه حاجه فوق الخيال مش عارف ليه مش بتنزل مصر انا شايف انها احسن من جنوط السوبر صالون

http://www.nileup.com//uploads/image...0a36531334.jpg

http://www.nileup.com//uploads/image...e270e890fa.jpg

و دي صور الستورز مجموعه ولا اروع

http://www.nileup.com//uploads/image...2e8672c3e9.jpg

http://www.nileup.com//uploads/image...abe9ac5ce3.jpg

http://www.nileup.com//uploads/image...ec7dadae71.jpg

صاحبنا اختار الجنط ده بجد شكله مش قد كده
بس لما يركب حيكون شكله تحفه انتظروا

http://www.nileup.com//uploads/image...5e367d91d0.jpg

طبعا الناس دي بتعمل الحاجه الصح دايما مش عك زي الي في مصر يعني حتعلي مقاس الجنك يبقى ظبت العفشه و المساعدين

القديمه

http://www.nileup.com//uploads/image...7d100202f8.jpg

الجديده و باين فيها انها اورجينال ماركه نيسمو و دي شركه التعديلات الخاصه ب نيسان
حعمل موضوع على الشركه في القريب باذن الله

http://www.nileup.com//uploads/image...e4511f0204.jpg

نبتدي نخش في الجد

http://www.nileup.com//uploads/image...f3fbce0a66.jpg

http://www.nileup.com//uploads/image...32b8215dc5.jpg

الواد بلييييييه

http://www.nileup.com//uploads/image...3487b91dd9.jpg

القديم و الجديد

http://www.nileup.com//uploads/image...aa367a7617.jpg

حيبدا يبان

http://www.nileup.com//uploads/image...3ac430900f.jpg

الشكل النهائي ولا اروع ولا احلى

http://www.nileup.com//uploads/image...a04ca3d860.jpg

http://www.nileup.com//uploads/image...4e101f3016.jpg

http://www.nileup.com//uploads/image...b00f8dc202.jpg

http://www.nileup.com//uploads/image...459fe1f5a9.jpg

http://www.nileup.com//uploads/image...ca894f5add.jpg

منتظر الاراء

و باذن الله جميع النيسانويه يركبو جنوط التيداويه و على رأسهم الصقر احمد مصطفى و الصنياويه و على رأسهم الصقرين بيشوي و حسين الغالي


تحياتي

ما شاء الله شكله رائع جدا و لايق على العربية

شكرا على الموضوع

جميل اوى
يارب يبقى عندنا فى مصر متاجر خاصه بأكسسورارات السيارات وجنوطها زى بلاد بره وكمان يبقى عندنا ورش متخصصه بتكنولوجيا عاليه

اقتباس:

---

المشاركة الأصلية كتبت بواسطة blackverna

ما شاء الله شكله رائع جدا و لايق على العربية

شكرا على الموضوع

---

العفو

شكرا لمرورك الكريم

اقتباس:

---

المشاركة الأصلية كتبت بواسطة fady_anis

جميل اوى
يارب يبقى عندنا فى مصر متاجر خاصه بأكسسورارات السيارات وجنوطها زى بلاد بره وكمان يبقى عندنا ورش متخصصه بتكنولوجيا عاليه

---

دي اهم حاجه عجبتني في الموضوع التخصص
مش كل واحد عارف حاجه يفتي فيها
النظام نظام

شكرا على مرورك الجميل

موضوع جميل ومرتب ومنسق ومجهود تشكر عليه
ويا ريت نشوف الحاجات دى عندنا بالدقة والجمال ده

اقتباس:

---

المشاركة الأصلية كتبت بواسطة zizzo_me

موضوع جميل ومرتب ومنسق ومجهود تشكر عليه
ويا ريت نشوف الحاجات دى عندنا بالدقة والجمال ده

---

الف شكر
ده من زوق حضرتك و تكريما لي لتشريفك موضوعي
و اضم صوتي لصوتك ياريت بجد يبقى في شغل عالى كده في مصر

بس الجمارك تتشال و حتشوف العربيات حتكون عامله ازاي

موضوع ممتاز بس هو ينفع يبقي 17 انا شايفه راكب بس هل لازم نغير حاجه

موضوع جميل جدااا و منظم
تسلم ايدك
و ياريت فعلا يكون عندنا ناس متخصصة و يراعو ربنا

اقتباس:

---

المشاركة الأصلية كتبت بواسطة samsong

موضوع ممتاز بس هو ينفع يبقي 17 انا شايفه راكب بس هل لازم نغير حاجه

---

المساعدين لازم يكونوا رياضي علشان ماتحسش بفرق كبير و العربيه ما تدبدبش

شكرا على مرورك الكريم

جنط جامد و العتب لايق عليها جدا

موضوع هايل يا محمد .. بس انت عارف اقول ما قرأت عنوان الموضوع من بره القسم بقيت بجري علشان ادخل علي الموضوع بسرعة كنت فاكر حد من الاعضاء هو اللي ركب
هو بس أسئلة كتيرة عايزيين نسألها هل اللي ركب الجنط 17 ده عدل حاجه في العفشة مثلا و باور الدركسيون ما مدي تاثيره .. علي العموم نقول يا محمد مبروك برده علي ما تركب انت قريب ان شاء الله و تقول لنا الاخبار ايه :)))
شكرا يا جميل علي الموضوع الممتع ده

اقتباس:

---

المشاركة الأصلية كتبت بواسطة peaceman

موضوع هايل يا محمد .. بس انت عارف اقول ما قرأت عنوان الموضوع من بره القسم بقيت بجري علشان ادخل علي الموضوع بسرعة كنت فاكر حد من الاعضاء هو اللي ركب
هو بس أسئلة كتيرة عايزيين نسألها هل اللي ركب الجنط 17 ده عدل حاجه في العفشة مثلا و باور الدركسيون ما مدي تاثيره .. علي العموم نقول يا محمد مبروك برده علي ما تركب انت قريب ان شاء الله و تقول لنا الاخبار ايه :)))
شكرا يا جميل علي الموضوع الممتع ده

---

بيشوي اخويا الغالي عامل ايه
يارب دايما تكون بخير
الموضوع نور بيك

الي اعرفه بقى يا سيدي و متأكد منه انه غير المساعدين
اما الباور الله اعلم بس انا اعرف واحد مركب جنط 17 في الصني و الباور تقيل فعلا

تحياتي و شكر على مرورك الكريم

اقتباس:

---

المشاركة الأصلية كتبت بواسطة yyy

جنط جامد و العتب لايق عليها جدا

---

شكرا على مرورك الكريم

شغل و لا اروع و الله .... تسلم ايدك يا ابو حميد ... على طول بتفاجئنا باضافاتك المميزة ....

بجد .. علشان تدلع عربيتك ... عندك عنوان واحد ( Sedyrohy )

اقتباس:

---

المشاركة الأصلية كتبت بواسطة mohamednagib

شغل و لا اروع و الله .... تسلم ايدك يا ابو حميد ... على طول بتفاجئنا باضافاتك المميزة ....

بجد .. علشان تدلع عربيتك ... عندك عنوان واحد ( sedyrohy )

---

أخجلتم تواضعنا و أتهتم عنا الكلمات

نورت الموضوع بزيارتك


تحياتي الشديده

اوعدنا يا رب
وعقبال عربيتك باذن الله

يا معقدناااااااااااااااااااا ااااااااااااااااااااااااا ااااااااا
حرام عليككككككككككككك يا محمد
بتعذبنا ليه كدا .. ايه يا ابنى الحلاوة دى , بسم الله ماشاء الله
انت كدا حتجيبلنا شلل من الجمالللللللللللللل

فعلا بره لما بيغيروا وبيركب جنوط , بيعدلوا معاها العفشة
بس اكيد الباور تقيل موت , وبردوا متهيالى عملوا فيه حاجة والله اعلم

بس روعة .. ياريت يكون فى 16 بالجمال ده فى مصر

اهدى علينا يا محمد , انت خالتنى احلم بالموضوع ده والجنوط دى من روعتها بسم الله ماشاء الله

تسلم ايدك على الموضوع يا فناننننننننننننننن

اقتباس:

---

المشاركة الأصلية كتبت بواسطة ahmed.tv

يا معقدناااااااااااااااااااا ااااااااااااااااااااااااا ااااااااا
حرام عليككككككككككككك يا محمد
بتعذبنا ليه كدا .. ايه يا ابنى الحلاوة دى , بسم الله ماشاء الله
انت كدا حتجيبلنا شلل من الجمالللللللللللللل

فعلا بره لما بيغيروا وبيركب جنوط , بيعدلوا معاها العفشة
بس اكيد الباور تقيل موت , وبردوا متهيالى عملوا فيه حاجة والله اعلم

بس روعة .. ياريت يكون فى 16 بالجمال ده فى مصر

اهدى علينا يا محمد , انت خالتنى احلم بالموضوع ده والجنوط دى من روعتها بسم الله ماشاء الله

تسلم ايدك على الموضوع يا فناننننننننننننننن

---

تلاميذك يا صقر نيسان
احنا نيجي حاجه جنب تقاريرك و ابداعك
انت الي بتدينا الحماس لبذل المجهود ده
خد مجموعه 16 ولا اروع
http://www.nileup.com//uploads/image...f54062a762.jpg
http://www.nileup.com//uploads/image...736e40a4f0.jpg
http://www.nileup.com//uploads/image...5999112c7d.jpg
http://www.nileup.com//uploads/image...50d6a31b6a.jpg
و ده اكتر واحد شكله قريب من ال 17

http://www.nileup.com//uploads/image...6876b2ef44.jpg
خلي بالك التيدا و اكسسوارتها جايه باذن الله عامل حسابك
شكرا على مرورك الكريم

اقتباس:

---

المشاركة الأصلية كتبت بواسطة sedyrohy

المساعدين لازم يكونوا رياضي علشان ماتحسش بفرق كبير و العربيه ما تدبدبش

شكرا على مرورك الكريم

---

شكرا علي المعلومه دي لاني اول مره اعرفها والفكره جميله لانها هترفع العربيه بس المهم الثبات
واكرر شكري لردك

حبيبي يازيزوووووووووو
سامحني علي تأخر الرد ....... والله بقالي يومين مدخلتش
انا لو اعرف كده ...... كنت ركبت الجنوط وجيت طيرااااااااان :d
يعني جزاك الله عني خيرا يابني
انت كل شويه بتحسسني بقيمة الغاااااااالية ديه هههههههههه توتي
منتحرمش من تقاريرك الجميلة ديه
بس قولي ....... انا اكتر جنط مع اكتر مفاس كاوتش اركبه بس من غير ما اغير في العفشة ايه ... واخاصة ان الكاوتش لسه بدري عليه بفضل الله
واقعد بالف عافية ياحبيبي :BYE2:

جنطك 15 يا حسين ومقاسك الصح 185 ولو عايز تكبر من غير تغير جنط بعد ما الكاوتش يتبهدل و ابقا جيب 195

محمد يالا همتك بقا فى اكسسورات وتقارير التيدا , عاوزين نشوف ممكن نزود ايه هنا فى مصر على التيدا من اكسسورات ونقتبس من الافكار

اقتباس:

---

المشاركة الأصلية كتبت بواسطة ahmed.tv

جنطك 15 يا حسين ومقاسك الصح 185 ولو عايز تكبر من غير تغير جنط بعد ما الكاوتش يتبهدل و ابقا جيب 195

محمد يالا همتك بقا فى اكسسورات وتقارير التيدا , عاوزين نشوف ممكن نزود ايه هنا فى مصر على التيدا من اكسسورات ونقتبس من الافكار

---

منتحرمش ياعمده ............. تسلم الايادي

اقتباس:

---

المشاركة الأصلية كتبت بواسطة sonasteel

حبيبي يازيزوووووووووو
سامحني علي تأخر الرد ....... والله بقالي يومين مدخلتش
انا لو اعرف كده ...... كنت ركبت الجنوط وجيت طيرااااااااان :d
يعني جزاك الله عني خيرا يابني
انت كل شويه بتحسسني بقيمة الغاااااااالية ديه هههههههههه توتي
منتحرمش من تقاريرك الجميلة ديه
بس قولي ....... انا اكتر جنط مع اكتر مفاس كاوتش اركبه بس من غير ما اغير في العفشة ايه ... واخاصة ان الكاوتش لسه بدري عليه بفضل الله
واقعد بالف عافية ياحبيبي :bye2:

---

اقتباس:

---

المشاركة الأصلية كتبت بواسطة ahmed.tv

جنطك 15 يا حسين ومقاسك الصح 185 ولو عايز تكبر من غير تغير جنط بعد ما الكاوتش يتبهدل و ابقا جيب 195

محمد يالا همتك بقا فى اكسسورات وتقارير التيدا , عاوزين نشوف ممكن نزود ايه هنا فى مصر على التيدا من اكسسورات ونقتبس من الافكار

---

ما فيش كلام يتقل بعد صقرنا الغالي احمد مصطفى -- التيدا جايه ماتقلقش --
و اقرا الكلام ده مفيد جدا

يفضل البعض شراء سيارات ذات أطارات وجنوط ” أسبور” رغم أنها أغلى فى السعر بكثير من السيارات ذات الأطارات والجنوط العادية لتص إلى 12 ألف جنية فأكثر فى بعض الماراكات ,وهنا نتساءل ماهو الفرق بين السيارات العادية والسيارات ذات الأطار والجنط “الأسبور”؟!!
سؤال يطرح نفسه : ماهى فائدة الجنوط أسبور ؟!هل هو مفيد فى القيادة وعلى الطرق ؟أم هو شكل ومظهر فقط؟هل يمكننا تركيب هذة الجنوط فى سياراتنا العادية ؟هل يوجد مواصفات خاصة لتركيب الجنوط ؟هل توجد أخطار عند تركيب أو تغير الجنوط من الجنط الأصلى الى اخرى مختلفة ؟! و الاجابه هي


تعتبر جنوط السيارات والكاوتش من المكونات المهمة جدا للسياراة فهناك أنواع وأشكال وأحجام كثيرة لهذة الجنوط.
ومن المعروف أن بعض السيارات يتم أنتاج لها كاوتش متخصص وبمواصفات خاصة وخصيصا السيارات الرياضية أو المعروف ب” الأسبور” المضافة بتعديلات كثيرة مثل السعة اللترية للمحرك وبعض الأضافات على الهيكل الخارجى والواضحة أمام الجميع وبعض الأضافات الداخلية وفى مقصورة القيادة وكذلك مواصفات خاصة بالأضاءة مثل الأنوار الزينون وخلافه ونوع التعليق ( العفشة ) والذى غالبا ما يصاحبه تغيير فى نوع الجنط المعدنى وهو الموضوع المراد توضيحه.
ويختلف الجنط الأسبور عن الجنط العادى من حيث خامة التصنيع الذى غالبا ما يكون من خليط عدة معادن سميكة أهم عناصرها الألمونيوم والنيكل ويكون مختلفا فى أغلب الأحيان من حيث مقاساته عن الجنط العادى فى العرض والأرتفاع وأحيانا القطر وبالتالى الوزن مما يزيد الثبات والأتزان على الطرق وخصوصا فى السرعات العالية والمنحنيات ولهذه الجنوط مقاسات وأوزان و أشكال كما ذكرنا يجب مراعتها عند تعديل السيارة أثناء التصميم .
ويوصى بأستخدام دائما الجنوط الأصلية المنتجة من جهة شركات السيارات والألتزام بهذة المقاسات, حيث أن التعديل العشوائى الغير مدروس قد تحدث أضرارا فائقة بالسيارة وراكبيها على الطريق.
سبب أرتفاع أسعارالسبور ليس فقط تكلفة التركيب , ولكن ايضا تكلفة التغيرات الداخلية والخارجية بالسيارة ولذلك ليس الجنط فقط الذى يرفع من سعر السيارة .
أما بالنسبة لتغير الجنوط والأطارت للموديلات القديمة فأن هناك معايير قياسية موجودة فى كتالوج كل سيارة خاصة الحديثة تحدد مقاسات هذة الجنوط والأطارات التى يمكن تركيبها بدلا من الاصلى , وفى حالة تركيب قياسات خاطئة فسوف ينتج أضرار جسيمة يحذر منها المتخصصين سواء أضرار على بعض الأجزاء الميكانيكية بالسيارة مثل العفشة ونظام التعليق ورمان بلى العجل مما يشكل خطورة داهمة على قائدها فقد يحدث أنقلاب للسيارة نتيجة انفصال احدى الأطارات فجأة عن السياراة أثناء السير بسرعة , كما أن مصنعى السيارات راعوا إبعاد قياسية من حيث القاعدة الشاسية فكل المقاسات مدروسة بدقة وعناية بحيث لا يجب العبث بهذه المقاسات مطلقا حتى لا يؤدى إلى الخلط فى مركز ثقل توازنها .
ومن هنا يمكن تغيير الأطاروالجنط حسب المقاسات المصرح بها فى الكتالوج الخاص بالسيارة.

تسلم ايدك

شكله وهمي ما شاء الله

رايق

بالتوفيق

اقتباس:

---

المشاركة الأصلية كتبت بواسطة boamengo

تسلم ايدك

شكله وهمي ما شاء الله

رايق

بالتوفيق

---

ربنا يخليك ده من ذوقك

شكرا على مرورك الكريم

انا مش من هواة التغيير فى مقاسات الجنوط
ولو هاغير يبقى على اساس علمى وحسابات مش كلام صنايعية وفتاوى مجربين وخلاص
المقاس الاستوك 185/65 R15
والبدايل هاتكون 195/55 R16
او 205/45 R17
وده بيكون على حساب اللو بروفايل بتاع جوانب الاطارات وطبعا هاتنعكس بنشوفية فى دخول المطبات والطرق الغير ممهدة جيدا
وده موقع لكل اللى مهتمين بتعديل مقاسات الجنوط ياريت يدخلوه ويشوفوا ايه الفروقات اللى ممكن تحصل لقراية عداد السرعة كأبسط مثال لا الحصر
Visual Tyre Size Calculator | Kouki Tech

طب ال 4 جنوط القدام دول انا عاوزهم انا ما دام هو مش عاوزهم عاجبني يا عم حد يكلمه يقوله بس و الشحن عليا