أولا يا باشا..الأوكتافيا a5 كان يوجد بها مشكلة في التكييف في موديلات 2006 فقططططططططط لا غييييييير وبيتم معالجتها بتغيير الكمبريسور.ولكن العربية تكييفها تلاجة بمعني الكلمة.أنا عندي في الفانتازيا بسم الله ما شاء الله في عز الحر مش بعليها عن شرطتين..أساسا ما عليك غير إنك تدوس علي زرار AUTO وتظبط الحرارة علي 18 أو العلامة الزرقاء وهتلاقي العربية في غضون 15 دقيقة بقيت ديب فريزر....ده فيما يتعلق بالتكييف.
ثانيا..فتيس الأوكتافيا مش بيبوظ والكلام ده.الفتيس بيبوظ نتيجة إهمال المستخدم.لأن المفروض الفتيس ده بتغير الزيت بتاعه كل 60000 كم.في ناس تفضل راكبة العربية لحد ما تكسر الـ 60000 كم وتكبر دماغها وبتزعل بعد كده من الفتيس...لكن أنا أعرف إتنين معاهم العربية من 2006 وعاملين أكتر من 120000 كم بدون أي مشاكل.نتيجة إلتزامهم بتغيير الزيت بعد كل 60000 كم.
ثالثا..بالنسبة للكماليات المختلفة اللي حضرتك ذكرتها.ممكن أوضح لحضرتك الموضوع ده ببساطة..
العربية دي كذا فئة.
أول فئة في 2006 كانت بتنزل بالكاسيت الصغير اللي من غير شاشة عريضة.اللي هو بيكون تحتيه درج صغير كده.وبتكون طاسات مش جنوط.وتقريبا من غير فوانيس شبورة.ومن غير شاشة عربضة في العدادات وطارة عادية
ثاني فئة بتكون فيها الكاسيت العريض بشاشة كبيرة وتعمل بمثابة شاشة عرض وظائف الكاسيت والتكييف ودرجة الحرارة.وبتكون بجنوط مقاس 16.وفوانيس شبورة.ولكن بدون شاشة عريضة في العدادات.وطارة عادية.
ثالث فئة وهي ما يطلق عليها الهاي لاين..فيها كل ما تتخيله.حساسات ركن و سخانات كراسي وفتحة سقف و كمبيوتر كامل لوظائف العربية كلها و زينون وجنط 17 وفرش جلد وطارة مالتي.
أرجو إني أكون أفادتك .تقبل تحياتي.
المفضلات