شوية اسالة واقتراح

**hpxp** · 21-06-2011 11:27 PM

اه صحيح انا مختش بالي من كلامك بقي دا انتي المفروض استلمت الف الف الف مبروك:-))))))))

**Dr_ahmedrady** · 22-06-2011 02:20 AM

الله يبارك فيك ياريس
وعقبال عربيتك الشخصية بعد كلية الصيدلة

**hpxp** · 22-06-2011 02:04 PM

امين

**Dr_ahmedrady** · 25-06-2011 02:28 PM

نرجع تانى للاستفسارات

هو العربية تمشى عالغيار التانى بطيئة لحد كام
اقصد اقل سرعة للغيار التانى و اللى اقل منه تكركر و تفصل

انا ليه بسال؟؟
عشان ف الاول كنت ببطئ خالص بالعربيى عالغيار التانى و مفيش مشاكل
دلوقتى عند مطبات معينة لو اخدتها عالتانى العربية تكركر
مع انى قبل كدة كنت باخد نفس المطاب و بنفس السرعة من غير ماتكركر

تانى حاجة
هل فعلا الاصح ان اى مطب غلس يتاخد عالاول
انا بصراحة بخاف عالدبرياش من كتر الاستهلاك
لكن لو هو الاصح يبقى انزل عالاول و بلاش كركرة

تالت حاجة
وانا ف مرة باخد المطب الغلس العربية كركرت
و ظهرت لمبة الموتور البرتقالى
دوست دبرياش عشان تبطل كركرة
و اديت الاول راحت برضه مكركرة
ضغط دبرياش تانى و بدات ارفع براحة عشان تطلع عالاول برضه كركرت و مرضيتش
كل ده و لمبة الموتور منورة
ومتحلش الحوار ده غير لما انا فصلت العربية و دورت تانى

طبعا ده كله وانا بتهزء و اتشتم من الناس اللى ورايا

المهم
بالليل روحت هناك و قعدت اتسلى عالمطب ده عشان احفظه و اكتشفت حاجة
لما انا هديتت خالص عالغيار التانى و العربية كركرت
ولمبة الموتور نورت برتقالى
و ضغطت دبرياش
لمبة الموتور فضلت منورة ثانية واحدة و بعدها طفت
و اخدت بقى الاول عادى و محصلش مشاكل

طبعا انا اخدت قرار بعدها ان اى مطب غلس هاخده عالاول و اريح دماغى عشان الكركرة
لكن هل حد عنده تفسير للى حصل؟؟

ليه كنت ف الاول بهدى جامد و متحصلش حاجة و ناو بتكركر
ليه ف اول مرة عالمطب كركرت و اللمبة نورت و مرضتش حتى تاخد الاول
فى حين المرة التانية لما استنيت اقل من ثانية اللمبة طفت و اخدت الاول عادى

لو حد عنده نصايح ليا ف الموضوع ده ياريت مايبخلش؟؟؟

------------------------------------------------------------------------------

اشرحولى ما يحدث بقى للكشافات عند طفى العربية و شيل المفتاح
هل الكشافات هتطفى؟؟
ولا لازم انا اطفيها مالدراع بتاعها؟؟

مع العلم ان الموقف ده بيختلف ازا كنت مشغل نور التابلوه والسهارى بس او كنت مشغل الواطى؟؟

اصل انا امبارح طلعت بالعربية ساعة الصلاة
والناس كلها بتشاور عالكشافات
وفهمت ف الاخر ان قصدهم الكشافات والعة بالنهار ف طفيتها
بس سرحت مع نفسى
هل انا نسيها والعة من الليلة اللى قبلها؟؟
ولا هى طفت لما شيلت المفتاح الليلة اللى قبلها و اول ما شغلتها الصبح نورت تانى بس انا ماخدش بالى عشان الشمس؟؟

حد يشرحلى الموضوع ده بكل احتمالاته:
لو كنت مشغل نور التابلوه و طفيت العربية هيحصل ايه؟
او كنت مشغل النور الواطى و طفيت العربية هيحصل ايه؟
----------------------------------------------------------------------------------
و هل يمكن تشغيل الكاسيت او الراديو والمفتاح مش ف الكونتاكت؟؟
افرضنا واحد مستنى ف العربية و انا نزلت اشترى حاجة
و ف نفس الوقت مش عاوز اسيب المفتاح
ف مفيش طريقة تشغل الكاسيت و المفتاح مش ف الكونتاكت؟؟

معلش طولت عليكم اوى المرادى
بس هى حاجات تافهة لا ترقى لموضوع جديد ف بحطها هنا
ومحدش يتريق بالله عليكو
انا واحد حديث عهد بالسيارات
و خاصة حبيبتى الاوبترا

**hpxp** · 25-06-2011 06:02 PM

لما تشيل المفتاح الكشفات تدنها منورة اول ما تفتح الباب الكشفات تفصل
مينفعش تشغل الكاست ومفيش مفتاح في الكونتاكت
بالنسبه بقي للي فوق مش اقدر افيدك لا ني توماتيكي :-)
بص يقي يا خال:-))))))))) مع احترام حقوق العمده في الكلمه دي
دور العربيه وولع النور سواء عالي -واطي -سهاري
اطفي العربيه هتلاقي العابي طفي والسهاري و الواطي شغالين طبعا مع نور العداد بعد طبعا اما تشيل المفتاح افتح الباب هتلاقي العداد والواطي والسهاري طفي اقفل مفتاح النور وافتحه تاني هدنها منورة لكن في الحاله دي يبقي لازم تشنغل من مفتاح النور واي خدمه

**hpxp** · 25-06-2011 06:08 PM

كركرة العربيه ممكن تكون وساخه بنزين

**hpxp** · 25-06-2011 06:18 PM

صحيح انا عايز اعمل الطاسه كده فقلت اخد رئيك اطبق ولا لا

**ME5EMR** · 25-06-2011 11:25 PM

بص يا باشا هو الطبيعي في الاوبترا ان العربيه لما تكركر لمبه ‏check engineتنور
وموضوع الكركره بيبقي حاجه من ٢
عيب سائق(انا مش بقل منك يا باشا )ان انت مش بتبقي محمل اكسراتير صح
العيب التاني
عيب مكنه:
يا اما البنزين قذر فغير البنزينه
يا اما فلتر الهوا في حاجه غلط
علي فكره العلاج سهل:
لو مفيش غير البنزينه دي حط للعربيه منقي بنزين(حاجه كده بترفع من كفاءه البنزين و هو علبه كده بتحط من فتحه التنك)
و الفلتر تروح للراجل بتاع الكاوتش ينفخه بالكومبريسور

و دعاواتكو معايا اجيب مجموع يدخلني هندسه

يا رب

**Dr_ahmedrady** · 26-06-2011 12:13 AM

المشاركة الأصلية كتبت بواسطة hpxp

صحيح انا عايز اعمل الطاسه كده فقلت اخد رئيك اطبق ولا لا

اولا شكرا للرد
ثانيا مش مسامح ف استخدام لقبى للعمدة يا خال ( استخدمه براحتك بس مش قدامى ههههههه )
ثالثا : انا مشدتنيش اوى الطاسة كدة
حاول تخلى الاسود بدل السماوى ف الخطوط الرفيعة والغى الاسود الجامد ده
و طبقه بالفوتوشوب بس على صورة للعربية كلها مش صورة العجل بس

بص انت ابعتلى الصورة حاف و انا هابدعلك و وتشوف رايى

**Dr_ahmedrady** · 26-06-2011 12:20 AM

المشاركة الأصلية كتبت بواسطة ME5EMR

بص يا باشا هو الطبيعي في الاوبترا ان العربيه لما تكركر لمبه ‏check engineتنور
وموضوع الكركره بيبقي حاجه من ٢
عيب سائق(انا مش بقل منك يا باشا )ان انت مش بتبقي محمل اكسراتير صح

هو انا فعلا حديث عهد بالسواقه
و متستبعدش انه يكون عيب سواق
اشرحلى بقى حكاية الاكسراتير دى ازاى؟
انا متقلقش فاهم الدنيا ماشية ازاى
بس فى لمسات يمتلكها اصحاب الخبرة فقط
احكى و استفيض ف الشرح يمكن تكون فى معلومة غايبة عنى

العيب التاني
عيب مكنه:
يا اما البنزين قذر فغير البنزينه

دى سهلة

يا اما فلتر الهوا في حاجه غلط
علي فكره العلاج سهل:
لو مفيش غير البنزينه دي حط للعربيه منقي بنزين(حاجه كده بترفع من كفاءه البنزين و هو علبه كده بتحط من فتحه التنك)
و الفلتر تروح للراجل بتاع الكاوتش ينفخه بالكومبريسور

فين بقى فلتر الهوا ده؟؟

و دعاواتكو معايا اجيب مجموع يدخلني هندسه

ا ش ا موفق و ربنا معاك

يا رب

الموضوع: شوية اسالة واقتراح

LinkBack

أدوات الموضوع

عرض

-

-

-

-

-

-

-

-

-

المواضيع المتشابهه

شوية اسالة لحبايبنا بتوع الاسكورت

استفسار واقتراح

شوية اسالة ياريت تجاوبوني

شوية اسالة ومحتاج رايكو

الكلمات الدلالية لهذا الموضوع

المفضلات

المفضلات

ضوابط المشاركة