نوكيا n8 ولا سامسونج جلاكسي

**ramy01011** · 07-06-2011 01:37 PM

السلام عليكم اخوكم عايز يشتري موبيل جديد علشان موبيلي خلاص بقي يكح تراب و انا دلوقت محتار بين النوكيا ان 8 و بين الجلاكسي انا استخدماتي في الجهاز هي الملتيمديا اغاني تصوير العاب و انترنت طبعا يا ريت تساعدوني و خصوصا ان الجهازين تمنهم غالي و لكم الاجر و الثواب

**medododo** · 07-06-2011 02:04 PM

n8 أحسا
أنا شايف ان عيوب سامسونج حجمه كبير جدا ده مش موبيل
عفوا انا حاسس ان احنا بنقارن موبيل بلاب توب

**itsonlyme** · 07-06-2011 02:10 PM

في فرق في نظام التشغيل.

النوكيا N8 عليه نظام Symbian اللي موجود في كل موبايلات نوكيا بس النسخة دي معدلة للشاشات اللمس.
السامسونج جالاكسي عليه نظام Android، نظام تشغيل لا يعلى عليه (إلا ربما نظام iOS الموجود في الـ iPhone).

أنا شخصياً ارجح الـ Samsung. مع العلم اني لا عندي لا ده ولا ده :)

**AhMeD EzZ** · 07-06-2011 02:10 PM

تصوير يبقي N8
العاب و مالتي ميديا و سوفت وير يبقي جالاكسي بدزن تفكير
ممكن برضة تبص علي Sony Ericsson xperia x10 يعتبر جامع بين الاتنين

**M_Marwan** · 07-06-2011 02:48 PM

سامسونج أحلى بكتييييير

أنا معايا واحد زى الفل عامل زى I Phone

**MASERATI** · 07-06-2011 03:06 PM

السلام عليكم و رحمة الله و بركاته

أنا من رأيى أنك تجيب الSamsung galaxy S2 , بس هتلالقيه عامل بتاع 5000 جنيه و لا حاجة, لأنه موجود على موقع www.ebay.com بحوالى ال800 دولار أميركى, ممكن لو عاوز أرخص, أنك تجيب الSamsung I9000 Galaxy S , هتلاقيه فى حدود ال2700-3000 جنيه.

أنا عن نفسى بدور على الSamsung I997 infuse 4G لأن خصائصه قريبة من الSamsung Galaxy S2 بس أرخص شوية, ممكن 3000 جنيه, بس للأسف مش لاقيه فى مصر, بعت أسأل عليه فى الامارات و ماحدش رد عليا .

http://www.gsmarena.com/compare.php3...&idPhone2=3621

http://www.gsmarena.com/compare.php3...&idPhone2=3252

**adel1414** · 07-06-2011 03:37 PM

وجهة نظرى انك تستلقط سونى اريكسون ساتيو حيعمل فى حدود1600لو كسر زيرو وتستفيد بفرق السعر وان فى جديد كل شوية فبدل ماتشترى وشهرين تلاته تلاقى الاحسن فتعوز تبيع...بالنسبة للخيارين دول انا ارجح الان8

**JapRuleZ** · 07-06-2011 05:22 PM

هجبلك من الاخر
symbian OS ده نظام تشغيل عقيم و عانيت منه لمده 3 سنين

ANdroid OS قصة تانية خالص افضل من ال windows و Iphone OS اللى جاى الاصدار الخامس حيحاول يقلد الاندرويد

وزارة الدفاع الامريكية حملت الandroid خلاص على اجهزة الاتصلات الاسلكية بتاعتها
برمجة و سرعة و امان و لكن يحتاج تعود يومين على الاستخدام
لأنه نظام متطور

نوكيا هتوقف دعم الsymbian سنة 2016
و حتعمل تحالف مع ويندوز ضد جوجل (الاندرويد)
نوكيا نزلت ال MAEMO OS و لكنه فشل ايضا......

يعنى كده ال software مفروض تكون فهمت هتجيب ايه :)
معظم الhardware بقى واحد دلوقتى مع فروقات بسيطة زى ال computer كده لما بنجمعه
اهتم بال software و الدعم الفنى للبرامج

اما كاجهزة عليها الandrioid اعمل مقارنة بين screen resolution و لازم تبقى capacitive طبعا
تكونوجيا ال iphone للpixels اسمها retina شاشة فائة الوضوح و زيها super amoled من سامسونج
و LG للعلم هى اللى بتصنع شاشات ال iphone

حط ال HTC فى الاعتبار

عمر البطارية و كبر حجم الشاشة و سرعة ال processor و الram قارن و شوف الاسعار
الاقرب للمقارنة سامسونج بفارق ملحوظ

تحياتى

**mohamedgamall** · 07-06-2011 06:18 PM

انا راى انك تستنى لما ينزل ال جالكسى اس 2 ساعتها يا تجيبة او لو لقيتة غالى فاكيد السامسونح الاس هيرخص و بين الا n8 و ال s ال n 8 يتفوق فى الكمبيرا علية كاميرا جبارة 12 ميجا غير كدة الاجالسكى s افضل

**MASERATI** · 07-06-2011 07:01 PM

السلام عليكم و رحمة الله و بركاته

أنتوا قولتوا كلام جامد أوى على موبايلات كتير , بس ماحدش جاب سيرة الSamsung I997 infuse 4G , هو مش أد كده و لا ايه؟؟؟

لو فيه عيب و لا حاجة, قولوا عشان أنا بخطط جديا أنى أجيبه اليومين دول, يا من حد فى الامارات -لو كان نزل هناك- يا اما أخلى أختى تبعتهولى من كندا.

الموضوع: نوكيا n8 ولا سامسونج جلاكسي

LinkBack

أدوات الموضوع

عرض

-

-

-

-

-

-

المواضيع المتشابهه

للبيع بطنطا وللجادين وهواه التميز سامسونج جلاكسي نوت 16 جيجا n7000

سؤال لاصحاب ال جلاكسي s2 , s3 و جلاكسي note

سامسونج جلاكسي نوت بسعر محصلش

سامسونج جلاكسي نوت الجديد Samsung Galaxy Note I717

موبيل نوكيا او سامسونج بشريحتين؟؟

الكلمات الدلالية لهذا الموضوع

المفضلات

المفضلات

ضوابط المشاركة