YouTube - ‪Impactante Niأ±o en brazos Crash test‬‏
MMamdouh
عرض للطباعة
تسلم علي الفيديو بس المشكلة ان ابني مش بيرضي يقعد ويقولي اسوق اسوق ولما اجيبه علي رجلي يمسك هو الدركسيون ولو لمح ايدي بتتحكم في العربية يصرخ ويقول اسوق اسوق
ولو حطيته جنبي بيلعب في الفتيس وسهل اوي تحريك عصا الفتيس لانه اوتوماتيك
انا كنت عايز كرسي للاطفال بس قلت سنتين وحيعقل باذن الله
الاطفال مينفعش يقعدوا غير في الكرسي اللي ورا و لازم كرسي اطفال يتناسب مع سنهم
بالضبط كدة
الطفل بطبيعتة بيحب يلعب و يستكشف و دة امر خطير داخل سيارة سواء واقفة او ماشية بالتالى مينفعش يقعد على كرسى لوحدة مع نفسة
كمان قعدتة على حجر حد تانى مش صح و دة واضح فى الفيديو...
الصح انة يقعد فى كرسى مخصص للاطفال عشان يحمية من الحوادث لا قدر الله و فى نفس الوقت يمنعة من العبث باى حاجة داخل العربية
YouTube - ‪Rأ¶mer Duo Plus | Crash Test Frontal | Vista lateral | SillaCocheBebe.com‬‏
MMamdouh
كلام جميل
ربنا يهدى اهالى الاطفال دول للصواب
جزاك الله خيرا , انا فعلا اشتريت كرسى اطفال بعد ما شفت الفديو دة و ربنا يستر من شر الحوادث
الكارثة الاكبر لو السائق حاطط طفل على حجره والسائق نفسه مش رابط الحزام
في هذه الحالة اذا حدثت فرامل مفاجأة او اصطدام لا قدر الله
الطفل سيكون بمثابة اير باج للسائق والنتائج ح تكون كارثة انسانية لا اجرؤ على مجرد التفكير بها
ربنا يهدي الجميع
المشكلة و حلها يبدأ عندنا كأباء أو أمهات، لإأعتقد أنه يجب علينا من ضمن دورنا التربوى أن نعلم أبناءنا أن هناك قواعد لاستخدام السيارة و الجلوس فيها و أننا يجب أن نكون قدوة لهم.
يجب أن نعلمهم كيف يجلسون فى السيارة و أن يتعودوا على ربط حزام الأمان فى الكنبة الخلفية مثلما يفعل أبائهم.
و يجب ألا نمتثل لهم عند الزن مثلما ينفعلون و يبكون حتى نشترى لهم لعبة يريدونها.
يجب أن نعلمهم
انا فاكر وانا صغير كان خلانى بيقعدونى على حجرهم اسوق
وفاكر مرة بهزر يعنى روحت شادد الدركسيون علشان اخبط عربية جنبى كنوع من اللعب
وخالى كان :) اعصابه باظت واتخض علشان متوقعش انى هعمل كدا
الموضوع دا فعلا خطر جدا
طب انا والله شفت واحدة ست مرة سايقة و حاطة ببنتها على حجرها و ايد على الدركسيون و ايد على الموبايل .... يعني دي لو قلتلها " بخ " بس حيحصل مصيبة ..
بالنسبة لاهالي محبين الطيران .. برده الموضوع غير محبب ! :)
http://kareemkamel.com/123smile/images/631flykid.jpg
بصراحة انا بيتحرق دمي من الناس اللي بتاخد اطفالها على رجلها وهما سايقين
باعتبر دة دلع بايخ .. ما يقدرش يقول له لأ ونندم بعد كدة
يا شيخ سيبه يعيط ولا يتفلق ماهو مش عارف مصلحته شوية وهيسكت
فعلا الموضوع خطر جدا
طبعا كرسى الأطفال مهم جدا كأمان .. بجانب انه مريح جدا لأم الطفل عشان تقعد مستريحه فى كرسيها .. و مريح للطفل نفسه و ممكن تحط له ألعاب يلعب بيها ورا و انت سايق .. أو تشغل له حاجه يتفرج عليها.
ربنا يهدى الناس لان الموضوع دة انتشر
معلومه مهمه جدا
بس لو الام حاطه ابنها على حجرها و رابطه الحزام عليها وعلى الولد كمان هل ده خطر ؟؟؟
طبعا... اندفاع جسم الام عند الصدمة حيفعص جسم الطفل فى الحزام
MMamdouh
اللي يضايق اني لما بتكلم كدة قدام حد و اتكلم على الايرباجز و الامان و الكلام ده الناس بتقعد تقلي يابني بطل تفقير و نصيبك هيصيبك و كلام من ده
لازم ناخد بالاسباب يا جماعة ارجوكم