عايز اركب انذار وخايف من الولاد الصغيرين!!

عايز اركب انذار وخايف من الولاد الصغيرين اصلهم اشقيا اوى,
خايف يفضلوا يلعبوا فى العربية و يفضل الانذار شغال والبطارية تموت:eek:

اية رايكم فى الموضوع وهل فى طريقة لضبط الانذار علشان موضوع الاولاد دة ؟؟؟

فيه طبعا طريقة و هي انك تقلل الحساسية بتاعت السينسور...و ديه موجوده في السينسور نفسه...هتلاقي حاجة زي البكرة صغيرة تلفها يمين تزود الحساسية و شمال تقللها.....اظبطها علي انسب مقاس ليك....بس كده:)

اقتباس:

---

المشاركة الأصلية كتبت بواسطة NaderNabil

فيه طبعا طريقة و هي انك تقلل الحساسية بتاعت السينسور...و ديه موجوده في السينسور نفسه...هتلاقي حاجة زي البكرة صغيرة تلفها يمين تزود الحساسية و شمال تقللها.....اظبطها علي انسب مقاس ليك....بس كده:)

---

طيب واقل درجة فى الحساسية بتكون لما حد يلمس العربية فقط.

أقل درجة دي ممكن متشغلش الانزار لو حد كسر الازاز او شالها من مكانها....المظبوط انك تعملها علي التلت أو قبل النص بشوية....كده لو حد رزعها جامد من بره هاتزمر....بس مش شوية عيال يعني.....

أكتر درجة للحساسية ممكن تخليها تزمر لو فيه عربية تانية معدية جمبها...أو كلب بيهاوهو....أو واحد بينده علي صاحبة......ده بجد مش تهريج:)

اقتباس:

---

المشاركة الأصلية كتبت بواسطة NaderNabil

أقل درجة دي ممكن متشغلش الانزار لو حد كسر الازاز او شالها من مكانها....المظبوط انك تعملها علي التلت أو قبل النص بشوية....كده لو حد رزعها جامد من بره هاتزمر....بس مش شوية عيال يعني.....

أكتر درجة للحساسية ممكن تخليها تزمر لو فيه عربية تانية معدية جمبها...أو كلب بيهاوهو....أو واحد بينده علي صاحبة......ده بجد مش تهريج:)

---

اشكرك يا نادر على اهتمامك

الاستاذ / نادر
ممكن تقولى افضل نوع فى الانذرات اللى موجودة فى السوق والسعر اية وموجودة فين وهل تركيب الانذار يطلع العربية من الضمان ولا اية
وشكرا لك

اقتباس:

---

الاستاذ / نادر
ممكن تقولى افضل نوع فى الانذرات اللى موجودة فى السوق والسعر اية وموجودة فين وهل تركيب الانذار يطلع العربية من الضمان ولا اية
وشكرا لك

---

لو عملت بحث في المنتدي أو دخلت منتدي الكماليات و الكسسوارات هتلاقي طلبك بالمللي...و اكيد معلومات أكتر من اللي هاقولهاللك:)

اقتباس:

---

المشاركة الأصلية كتبت بواسطة NaderNabil

أقل درجة دي ممكن متشغلش الانزار لو حد كسر الازاز او شالها من مكانها....المظبوط انك تعملها علي التلت أو قبل النص بشوية....كده لو حد رزعها جامد من بره هاتزمر....بس مش شوية عيال يعني.....

أكتر درجة للحساسية ممكن تخليها تزمر لو فيه عربية تانية معدية جمبها...أو كلب بيهاوهو....أو واحد بينده علي صاحبة......ده بجد مش تهريج:)

---

بجد اللى بيعملوا كدة دول بيهرجوا اكون معدي بعربيتي جمب عربيه الالقيها اشتغلت و فضحت الدنيا
على ايه الازعاج دة بس !!!

ربنا يهدي

بص يا سيدى أحسن حل تموت العيال الصغيره ديه مفيش غير كده عيال مش متربيين وآخر قلة أدب أنا عربيتى كنت بكتم الصوت ومنكتر ما العيال بيرخموا على العربيه العربيه بتزمر بالرغم من إنى كاتم الصوت

ولله انك كده بتاكد لكل الدول اننا شعب متخلف علشان ده مش سؤال
وبعدين احنا ملنا اطفال ولا مش اطفال نيجي نلمهوملك ولا نحرسلك العربيه ربنا يهديك

اقتباس:

---

المشاركة الأصلية كتبت بواسطة fango

ولله انك كده بتاكد لكل الدول اننا شعب متخلف علشان ده مش سؤال
وبعدين احنا ملنا اطفال ولا مش اطفال نيجي نلمهوملك ولا نحرسلك العربيه ربنا يهديك

---

عيب الاسلوب ده

الراجل بيسأل سؤال
يا اما تفيده
او بلاش ترد على الموضوع

+11111111111

ممكن اعرف افضل نوع فى الانذرات اللى موجودة فى السوق والسعر اية وموجودة فين وكذلك افضل نوع للسنتر

اوعى تركب انذار دا العيال هيشتغلوك اشتغالات
والطوب هو المصيبه الكبيره
العيال تقف فى حته مخفيه ويشغلوك بالطوب من بعيد وشوف بقى النتائج