كلاكس سيارة نوبيرا يشتغل شوية وشوية لا وكشفت على الفيوز سليم والصوت مش عالى واحيانا يفصل خالص
برجاء المساعدة وشكرا جزيلا
عرض للطباعة
كلاكس سيارة نوبيرا يشتغل شوية وشوية لا وكشفت على الفيوز سليم والصوت مش عالى واحيانا يفصل خالص
برجاء المساعدة وشكرا جزيلا
وانا كمان عندى نفس المشكلة
ممكن يكون عايز رجلاش
شوف وصلات الكلاكس نفسها ممكن يكون احد الكلبسين النحاس ماسك على حاجه بسيطه وعشان كده بيقطع او يفصل
اتاكد ان الكلاكس متثبت كويس فى جسم العربيه لانه بياخد ارضى من التثبيت
واتاكد ان الترامل واصله ومحكمه مش مهويه
كانت عندي المشكله دي
دوخت علي الكهربائية
لحد ما وصلت لواحد بيفهم لقي الارضي مش مربوط كويس وبيسرب كهرباء
مجرد ربطه مبقاش في مشكله خااااااالص عندي
ممكن برده احيانا في صباع كدا للكلاكس في علبه الدركسيون بيكون اتحرك من مكانه برده سهله جدا
كانت عندى نفس المشكلة بالضبط والحل انى غيرت الكلاكس للان الشكلة كانت فى الكلاكس
واشتريت كلاكس اوبل صوته عالى وحلو جدا والمشكلة اتحلت تماما والحمد لله
المشكلة عندك تهريب كهرباء من اي من الاجزاء التي تكرم الاعضاء بسردها
اولاً فك الكلاكس وجربه مباشرتاً علي البطارية عدة مرات للتاكد من سلامته
ثانياً اعد علي جميع الترامل الي راكبه فيه
ثالثاً اكد علي وصول الارضي له
رابعاً تاكد من الصباع الوجود في القطمة بتاعة الدركسيون
خامساً تاكد من عدم تلف الزرار بتاع الكلاكس الي في الطارة
كانت عندى نفس المشكلة
الكلاكس بيقطع او مفيش خالص
بس العفريت الاهبل اللى كان عندى كان لذيذ شوية
كان بيحب يلعب ف الساعة
شوية الاقيها 2 ابص تانى الاقيها 5
فين وفين
طلع مشكلة فيوز
شكرا جزيلا لكل من قام بالرد وفعلا المشكله كانت
فى الصباع النحاس الموجود تحت الدركسيون وانا صورته علشان الى مش عارف مكانه
http://www12.0zz0.com/2011/06/15/13/139308238.jpg