مساعده في اخراج اذن سفر

**IcyIce** · 07-06-2011 05:32 PM

انا لحد الان محجزتش, بس الفترة الي اقدر اتغيبها من الكلية قصيرة جدا كان مفروض تبدأ من النهاردة لحد اسبوعين كمان , فكل ما بتأخر بتزنء اكتر في الوقت.

ورحت لهيئة التنظيم والادارة الي في العباسية.

انا حروح بكرة الصبح من الساعة 9 ان شاء الله, نفسي يخلصوها بكرة حد قال انها ممكن تخلص في ساعتين او حاجة.

**Nistelrooy** · 07-06-2011 05:44 PM

بالتوفيق .. صعب تخلص في نفس اليوم الا بالواسطة .. ممكن تاني يوم ..

وابقي طمننا .. لما تعمل التحركات وتطلع اذن السفر واي استفسار احنا موجوديين :)

**gemy215** · 07-06-2011 07:47 PM

شوف انا مش عارف هوا ايه الي طلبوه منك دا بس انا بسافر كل سنه مره او مرتين برا مصر وكل مره مش بعمل اكتر من اني اجيب شهاده زي شهاده اثبات القيد بالظبط من الجامعه بس احنا عندنا في الجامعه بقلهم عايز شهاده علشان التجنيد وباخدها وبطلع علي مكتب التجنيد الي انا تابع ليه وبيشوف الباسبور وبياخد الشهاده الي جبتها من الجامعه وبتستني نص ساعه وبعدين بيطلعلك ورقه كدا متغلفه ببلستك صالحه لمده شهر من تاريخ استخرجها وبياخدوها منك في المطار في الجوازات هنا في مصر
لاكن حكايه شهاده تخركات دي اول مره اسمع عنها بصراحه

**Nistelrooy** · 08-06-2011 03:43 AM

شهادة التحركات دي مش بيطلبوها الا في العباسية وخصوصا للطلاب اوقات الدراسة الي مسافريين لاهاليهم ..

**IcyIce** · 09-06-2011 07:44 AM

انا رحت خلص الورق امبارح.
رحت مجمع التحرير عشان اطلع شهادة التحركات. في الاول قالولي محتاجين توكيل من والدي بعد كده قلتلهم اني طالب و مسافر ليه
قالي معاك شهادة قيد, اديتهاله بص عليها ورجعها تاني.
خد مني صورة من باسبور الوالد و صورة من بطاقتي الشخصية والطلب كتبته بابيانات والدي وامضائي باسمي تحت.
خدت الشهادة في خلال ساعتين. بس هو المفروض بتيجي تاني يوم تستلمها فا غالبا كان حظي كويس اني رحت الساعة 9.

و قالولي فعلا ان شهادة التحركات مطلوبة فقط لو مسافر اثناء الدراسة عشان انا مليش سفر اثناء الدراسة الا لو رايح لحد من اهلي, يعني مليش سفر سياحة و عشان كده كانو عايزين شهادة التحركات عشان يتأكدوا اني رايح لوالدي.

احب اشكر كل الي رد عليا في الموضوع.
جزاكم الله كل خير فعلا.

**Nistelrooy** · 09-06-2011 01:11 PM

طب الحمدلله .. جزانا واياكم :) ..

-------------

تطلع تصريح السفر وتطمنا بقي :)

**hanooooooda** · 17-11-2014 06:13 PM

لو سمحت انا طالب وطلعت شهاده قيد من الجامعه وطلعت شهاده تحركات للاب ... الوقتي انا ينفع اطلع تصريح سفر مستعجل من حلميه الزيتون اللي هوا الخدمه المسائيه بالورق ده ولا لازم اروح تنظيم و اداره عشان اطلع تصريح السفر