لقيت فيه موضوع من كام يوم الناس بتسئل على تلاجة السيارة
وناس كتير فاهمة انها بتشتغل بالفريون فحبيت اوضح طريقة عملها
علشان يبقى فى معلومة صحية عن طريقة تشغيل ثلاجات السيارات الصغيرة
http://www.s-oman.net/avb/attachment...7&d=1269550863
ده شكلها وليها اشكال تانية مختلفة
التلاجات دى بتشتغل بنظرية التبريد الكهرو حرارى او thermoelectric
وبيستخدم انصاف الموصلات PNP لو فاكرين شوية فزياء
تعمل الثلاجة الكهروحرارية بنظرية عكس نظرية الثرموكابل (نظرية سبيك)
مين بقى عم "سبيك" ده ؟
ده خواجة عمل نظرية انك لو جبت اذدواج حرارى (صفيحة من معدنين مختليفين)
وعند تعرضهم للحراة ونتيجة التمدد او الانكماش بيحصل فرق جهد من
بين طرفى التوصيل .... بالبلدى كده بينتج عنها كهرباء
زى ما هو باين فى الرسم
http://img263.imageshack.us/img263/5...ircuit2hb7.png
تمام !!! ... تمام المهم جه واحد اسمه "بلتير" خواجة برضه ... ماهو مافيش حد غيرهم بيشتغل نعمل ايه ؟؟؟!!!!
المهم جه عم "بلتير" وقال نقلب الكلام اللى قالوه "سبيك"... ايوه تمام الخواجة الاول
قال اننا هنمرر تيار مستمر على اطراف اشباه الموصلات من نوع N,P ايه اللى حصل
لاقى جهة بتفقد حرارة يعنى بتبقى باردة ... والجهة التانية بتبقى ساخنة زى الرسم مابيوضح
http://img293.imageshack.us/img293/5...circuitox0.png
http://www.nature.com/nature/journal...413577aa.2.jpg
الشكل ده بيوضح نظرية سبيك و بلتير
http://quanzhou-melcor-huayu-thermoe...ges/304606.jpg
الرسم بيوضح اننا هنجيب شريحتين معدنيتين وهنحط ما بينهم اشباه الموصلات
من نوع PNP اللى هما (موجبة سالبة موحبة)
ولما نمرر على اطرف تركيبة عم الخواجة " بلتير" تيار مستمر ايه اللى هيحصل ؟؟!!!
سطح الشريحة المعدنية هيمتص حرارة ويبقى بارد والسطح التانى هيطرد حرارة ويبقى ساخن
الله ... سطح بيمتص حرارة وسطح بيطرد حرارة .. مابيفكركش بحاجة ...؟؟؟
ايوه تمام... الله ينور... عليك بقت مضخة.. تمتص وتطرد علشان كده سموها المضخة الحرارية او مضخة بلتير
ولو حبينا نعكس التأثير يعنى الناحية الباردة تبقى هى الساخنة والعكس صحيح نعمل ايه..؟؟!!!
نعكس الفولطية
يعنى نحط السالب مكان الموجب المهم .. اخونا اللى بعرفو يفكروا خدوا مضخة بلتيرر دى
وحطوها فى صندوق شكلو شيك ومعزول كويس وبقت تلاجة تحطها فى العربية
ومش كده وبس هو كمان استغل نظرية "بلتيرر" وممكن يقلب التلاجة دى انها تحفظ
الحاجة سخنة يعنى تحط فيها الشوربة وتقلب المفتاح تفضل زى ما هى بتغلى
http://www.s-oman.net/avb/attachment...0&d=1269550863
http://images-en.busytrade.com/17882...ric-Module.jpg
http://images.greenoptimistic.com/20...moelectric.gif
وده شكل مضخة بليتر اللى بتبقى فى قاعدة الثلاجة
YouTube - ‪How To Build A Mini Fridge‬‏
وده فيديو بيوضح ازاى تقدر تعمل تلاجة بلتير بنفسك
وطبعا انتجو منها اشكال كتير واحجام مختلفة من سعة كانزية واحدة الى زى ما انت عاوز وجيبك يقدر يشيل
http://i00.i.aliimg.com/photo/v0/298...inibar_36L.jpg
http://www.sz-wholesale.com/uploadFi...SP-17A_660.jpg
اتمنى انى اكون عرفت اوصل المعلومة وقدرنا نعرف انها ليس لها علاقة بالفريون نهائى ...