الحمد لله ... استلمت النهاردة الجين 2... شكرا ليكم و محتاج نصائحكم

**Boory** · 07-06-2011 09:35 PM

السلام عليكم يا شباب ...

جزاكم الله كل خير بصراحة ... حماسكم للعربية خلاني مقتنع بيها و لما جربتها فعلا حسيت بأن حبكم لها مش جاي من فراغ ... ربنا يجزيكم كل خير

الحمد لله استلمت جين 2 2011 من فرع العجوزة أوتوماتيك ربنا يبارك فيها و يحفظها من كل سوء

حبيت أشكركم و أدعوكم تكملوا جميلكم و تنصحوني في التالي

إيه نظام التليين؟

أجيب غطاء للعربية منين؟

و نصائحكم عموما للحفاظ على العربية؟

جزاكم الله كل خير

أخوكم: أحمد البوري

**Ghosts** · 07-06-2011 10:04 PM

ألف مبروك يا أخ أحمد
أختيار ممتاااااااااااااز
ربنا يبارك لك فيها ويحافظ عليها من العين
عايزينك تعملنا أول تقرير مصور للعربية .....

**sayed911** · 07-06-2011 10:07 PM

اقرأ مانيوال العربية كويس وذاكره ها تلاقي فيه حاجات احنا كتير بنفتسكها ..
نصيحتي ليك خلي عداداك على طول في الترة اللي جيو اقل من 90 كيلو في السعة !! وقلب سرعتك متمشيش على سرعة واحدة ثابتة خليك متردد كتير على سرعات مختلفة !! متعليش ار بي ام بشكل مفاجئ وعالي على الأقل في اول 500 كيلو !! انا عن نفسي عملت كده وفي الـ 500 التانيين بدأت بتنشيط المحرك بشكل اقوى شوية عشان يفوق ..
غطاء العربية انا لسة جايب غطا النهاردة من ميدان الجامعة بـ 125 جنيه ووتر بروف عشان الشمس وبوية العربية حرام ..
والف مبروك يا فندم

**Nistelrooy** · 08-06-2011 03:46 AM

الف مبروك وربنا يكفيك شرها ويعطيك خيرها ..

**tifalol** · 08-06-2011 03:52 AM

مبروك يا فندم على العربيه
مستنيين التقرير :)

**Gen2Sniper** · 08-06-2011 04:15 AM

الف مبروك
ربنا يرزقك خيرها ويكفيك شرها ويحميك والعربية من العين

**ayman_83** · 08-06-2011 01:51 PM

الف الف مبروك وربنا يديك خيرها ويكفيك شرها
اهم حاجه حافظ عليها وحاول متركنهاش في الشمس لمده طويله
واهم حاجه انك تغطيها علي طول عشان المؤذيين اللي بيحبو يسيبو علامات علي العربيات ربنا يكفينا ويكفيك شرهم قول اميين

**bahernor** · 08-06-2011 04:15 PM

مبرووووك
عربيتك لونها ايه؟
وكان فى الوان تانى ايه غير بتاعك اوتوماتيك عشان انا سمعت ان الوان الاوتوماتيك فضى واسود بس
وانا بصراحة مش هينفعنى الاسود خالص
وكان معايا عربية فضى قبل كدة ومش عاوز اركب فضى تانى
نفسى فى احمر او زهرى
فا ياريت لو شوفت اللونين دول اوتوماتيك عرفنى
وشكرا ليك ومبروووك مرة تانى وربنا يحفظها ليك ويحفظك لاسرتك

**Boory** · 08-06-2011 09:03 PM

الله يبارك فيكم يا شباب ... كلماتكم الطيبة تحسس الواحد إنه بين أسرته فعلا ... أنا سعيد إني بقيت واحد منكم و ربنا يديم المعروف

أنا بصراحة كنت مش ناوي أعمل تقرير لأن الناس هنا كفوا و وفوا لكن عشان خاطركم إن شاء الله حأعمل التقرير و أنزل الصور إن شاء الله و إن كنت مصر إن اللي سبقوني عملوا تقارير ما أظنش أعرف أعمل زيها

بالنسبة للألوان المتوفر أسود و رمادي بس ... ده بالنسبة للأوتو ... بالنسبة للمانيوال أظن فيه أحمر كمان ... و فيه دفعة جاية إن شاء الله في شهر 8 ممكن تلحقوا تحجزوا ألوان محددة فيها من دلوقت ربنا يوفق الجميع لما فيه الخير