شارع بور سعيد .. كسر مباني وزبالة

شارع بور سعيد ده طريقي كل يوم .. للي مايعرفوش .. هو الشارع اللي واصل السواح بكوبري غمرة
طووووول الشارع كسر مباني علي الناحيتين
حتت ممكن تعدي فيها عربيتين جمب بعض وحتت ماينفعش غير عربية
الحتة بتاعة مقلب الزبالة طافحة برة ومبهدلة الشارع
الدخلة اللي عند كوبري الزاوية
الطريق كله متبهدل
بجد انا بقيت مش عارف أعمل أيه
الطريق ده لو مفتوح ممكن أخده في 5 دقايق ... دلوقتي ولا نص ساعة !
اللي بيرموا كسر المباني ده بيرموه هنا ليه ؟ ... و أيه كل الكمية الرهيبة ده ؟
الزبالة كتير جدا
الواحد يبلغ فين ولا يعمل أيه ؟
ولا يمشي وهو ساكت ؟

شفتها انهرده و على كوبرى غمرة برده ......

بس قبل ما نشتم الناس اللي بترمي ......هو محدش بيشيل ليه طيب ؟؟؟؟

الناس هتحط الزباله و الكسر فين؟؟؟

سيبك انت
عامل ايه يابو جورج و ايه اخبار امتحانتكوا؟؟؟

للأسف ده حال مناطق كتير جدا في مصر

اقتباس:

---

المشاركة الأصلية كتبت بواسطة cheetos_892005

شفتها انهرده و على كوبرى غمرة برده ......
مبطلعش الكوبري .. أصلي معتبره بتاع الميكروباصات .. بقي أحتلال :angry06:
بس قبل ما نشتم الناس اللي بترمي ......هو محدش بيشيل ليه طيب ؟؟؟؟
لو قصدك الزبالة ماشي
انما كسر المباني لأأأأأأأأأأأأأأأأأأأأأ .. مش من حق حد يرمي حاجة زي كدة في الشارع ويسد بيها أكتر من حارتين
انا مش بدافع عن حد
الناس هتحط الزباله و الكسر فين؟؟؟
الزبالة زي ماهما
الكسر .. برة المدينة .. مش في شارع حيوي وبيوقف لو حد كسر علي حد :angry06:
سيبك انت
عامل ايه يابو جورج و ايه اخبار امتحانتكوا؟؟؟

---

الحمد لله :grin54:
فاضلي أمتحانين .. هخلص 14/6
الأمتحانات حلوة :grin54:
انت هتخلص أمتي وعامل أيه ؟

اقتباس:

---

المشاركة الأصلية كتبت بواسطة abogogo

للأسف ده حال مناطق كتير جدا في مصر

---

أه برضه طريق ترعة الأسماعيلية
الناحيتين بتوعه
وكوبري السواح .. بس ساعات بيتشال
في أيه تاني عشان نبعد عن الطرق ده ؟

[QUOTE=Eng.Geo;3873558993]الحمد لله :grin54:
فاضلي أمتحانين .. هخلص 14/6
الأمتحانات حلوة :grin54:
انت هتخلص أمتي وعامل أيه ؟


هخلص معاك ان شاء الله

بس لسه شهر مشروع ...و بعده اسبوعين تربيه زفت عسكريه :angry06:

اقتباس:

---

المشاركة الأصلية كتبت بواسطة cheetos_892005

هخلص معاك ان شاء الله

بس لسه شهر مشروع ...و بعده اسبوعين تربيه زفت عسكريه :angry06:

---

ربنا يوفقك ويكون في عونك

حكاية كسر المبانى دى سببها ان كل اللى ماعملش تعديلات قبل الثورة فى المساكن الشعبية قال يلحق ويعملها ويزود غرفتين فى الهيصة وطبعا ناس كتير قوى عملو الحكاية دى

فعلا مشكله ابديه موضوع كسر المبانى اللى هو بيسموا الرتش بحس اننا البلد الوحيده فى العالم اللى عندنا المشكله دى مش فاهم ايه السبب وهحلها ايه انا سمعت عن نقط تجميع المخلفات دى
الموضوع ده كان بردوا قبل الثوره بس دلوقتى حاليا اضعاف مضعفه

الحته اللي في شارع مجرى العيون
من عند الكوبري اللي بينزل على شارع القصر العيني

الحته دي يوميا الجرافات بتيجي تشيل الزباله ومع ذلك على آخر النهار الشارع بدل 4 خانات بيبقى فيه خانه واحده على مسافة 300-400 متر

زبالة وتكسير مباني وجيف وحاجات ريحتها كافيه انها تموت بني آدم!!!!!!!!

ربنا يكون في عون الناس اللي في مصر القديمه
السؤال يبقى هما مبيتعلموش؟؟؟
بلاش دي
طب الرتش لحد امتى هيفضل يترمي في المكان ده؟؟
ولا هما كل يوم عندهم تكسير وبنا ماشاء الله

برضه ش احمد حلمى اللى رايح من عبود لحد محطة مصر نفس الحكايه والشارع بقى واقف كل يوم بسبب الحكايه دى

اقتباس:

---

المشاركة الأصلية كتبت بواسطة hm414

الحته اللي في شارع مجرى العيون
من عند الكوبري اللي بينزل على شارع القصر العيني

الحته دي يوميا الجرافات بتيجي تشيل الزباله ومع ذلك على آخر النهار الشارع بدل 4 خانات بيبقى فيه خانه واحده على مسافة 300-400 متر

زبالة وتكسير مباني وجيف وحاجات ريحتها كافيه انها تموت بني آدم!!!!!!!!

ربنا يكون في عون الناس اللي في مصر القديمه
السؤال يبقى هما مبيتعلموش؟؟؟
بلاش دي
طب الرتش لحد امتى هيفضل يترمي في المكان ده؟؟
ولا هما كل يوم عندهم تكسير وبنا ماشاء الله

---

بعدى من هناك يوميا وبشوفها
زبالة وتكسير وقرف

ما فيش فايدة..الله يرحمك يا سعد زغلول

هو احنا مش مفروض مازلنا بندفع فاتورة القمامة اياها مع فاتورة الكهربا ؟

وفي شارع جنب المنطقة الحرة في مدينة نصر فية نفس المشكلة .
مرة شوفت علي الدائري عربية كابة الرمل علي جنب .

نفسي اعرف ممكن نبلغ مين . وكمان مشكلة المباني الي شغالة وبتتبني مخالف