الى خبراء الـ PlayStation 2

http://www.cashflowec.com/images1/ps2.jpg

لو تسمحوا حد يجاوبنى بس بمزيد من التفاصيل

انا بعيد تماما عن الجهاز ده واخرى لعبت عليه مرة ولا مرتين تفاريح

المهم انا عاوز اشترى جهاز للاولاد وطبعا Playstation 3 بعيد المنال

فقلت خلينى فى الموديل الاقدم - بس محتاج كام نصيحة منين اشتريه ويكون مكان موثوق

فيه والاسعار عاملة ايه ؟ وخاصة انا سامع انه بيتباع متعدل جاهز بالهارد والشيب

بس مش عارف يبقى ايه وضع السى دى وكارت الايثرنت اللى فيه بيسموه كارت فاكس :grin54:

ممكن استفيد منه على النت واللعب او لاين ولا الكلام ده ما ينفعش فى المتعدل

ياريت شوية تفاصيل كتيرة كده ... بس ما حدش يتعب من الكتابة :oops1:

انا الجهاز عندى بقاله كذا سنه واول ماجبته جديد محل الكترونيات ظبطه عشان يشغل السيديهات المضروبه وجبتله حوالى 20 cd ومن ساعتها شغال 100%
الكلام ده بره مصر ماعرفش فى مصر الدنيا ماشيه ازاى بالنسبه للجهاز ده

طيب حضرتك ممكن تشوف الاكس بوكس هوا الالعاب فيه زي السوني 2 بس جهاز التحكم بتاعو احلى واريح , بس معرفش ايه نظامها في مصر من حيث توافر السيديهات وقطع الغيار :)

انالسه شاريه من 4 ايام للاولاد
اشتريته من راديو طلعت
خليك في راديو طلعت او كارفور
لان المحلات اللي في العتبه كلهاا بتبيعه مضروب
الاسعار راديو طلعت 810
كارفور 850
معاه واحد جاك والجاك التاني سعره 100 جنيه
تاني شيء
هو الجهاز المزود بهارد ديسك بعد البحث والتمحيص تبين انه غير عملي ومليء بالمشاكل وان مشغل الاسطوانات هو الافضل حسب كلام مندوب البيع في راديو طلعت لانه تجميع مصري و مضروب وفعلا هما ما بيشتغلوش فيه وانا رايت بنفسي واحد معاه جهاز مزود بهارد وكان رايح لهم المحل علشان يحولوا يشوفوا له حل لانه كان عطلان بعد اسبوع من شرائه مش من عندهم
سعر الاسطوانه 15 جنيه غير منسوخه سابقا اصلي يعني
وبالتوفيق

انا اشتريت PS2 ( النحيف ) slim المعدل بسعر 775 من 3 اشهر و بعدها بيوم رجعته و رحت اشتريت PS2 الفات كما يطلق عليه المزود بهارد ديسك 80 جيجا و كان ب 980 جنيه و مع ان الاول كان شكله اصلى و حاجته اصلية لكنه يعيبه انه يجب على الطفل التعامل مع الاسطوانات كلما رغب فى تغيير لعبة مع طبعا الحصول على كل الاسطوانات المتاحة لكن الاخير مع انه شكله مش اصلى و الكابلات مش اصلية لكنه من الداخل يحمل مكونات اصلية مجددة و قد وفر على موضوع الاسطوانات ومشاكلها ، و كل ما يحتاجه الطفل هو فتح الجهاز و الاختيار من قائمة الالعاب التى تكون محمله علي هارد الجهاز مسبقا و كان اكثر من 40 لعبة مثل اصدارات مختلفة من الفيفا منها ما هو بتعليق عربى و منها الدورى المصرى و معظمها متشابه و لكن التغيير مطلوب برضه ، و المصارعة و سبايدر مان و الخ الخ و لهذا اعتبرت ان الاختيار الاخير افضل ويمكن طبعا تغيير الالعاب و انزال مجموعة جديدة عند اى محل العاب و هم زى الرز.
هناك ايضا بعد الاشخاص يقوموا بتعديل الجهاز الاول و يضاف عليه هارد ديسك ايضا على ما سمعت بس انا اعتبرتها غير ملائمة للطفل حيث الافضل جهاز واحد يشمل كل شىء بداخله بدون توصيلات هارد او خلافه عرضة للتلف فى حالة تعديل الجهاز ال SLIM و اضافة هارد له

على العموم اختار المناسب لك و ربنا يوفقك