سلام عليكم يا رجالة
ايه الاخبار يا ريت كلو تمام
دلوقتى انا عايز اركب سى دى بايونير و سماعتين ورا و سماعتين فى الابواب و صب فري اير و جى ام عشان الصب و السماعات
الهيد يونيت هيبقى بايونير deh 4250 sd
انا بقول السماعتين اللى ورا كينوود 500 وات و اللى قدام اى حاجة مش فارقة
المهم بقى الصب الفرى اير ده بيركب ازاى ؟ يعنى بيتحط كده فى اى حته زى الجى ام ولا بيتحفرله فى الصاج كأنه سماعة تالتة ؟
مع العلم انى مش عايز اركب كوبستة خشب
تمام يبقى كده عايز اعرف نوع الصب يبقى ايه " بايونير - كينوود - الخ " و كام وات ؟
انا مش من هواة الهبد و الرزع بس انا بيز السماعات مش بيكيفنى بس عشان كده عايز صب و مينفعش اخد مللى من الشنطة عشان كده قولت اركب صب فرى اير عشان مش بياخد من الشنطة و فى نفس الوقت مش عالى اوى
تمام كده
بالنسبة للجى ام هيبقى 4 تشانل عشان السماعتين و الباقى للصب بريدجيد ولا ايه ؟
بس انا شايف ان 700 وات كتير يعنى لو فى 500 مثلا ؟
و يكون نوعه حلو مش سيمفونى
انا هجيب من ارخصهم اللى فى التوفيقية بس اركب عند مين ؟ انا ممكن اروح لأدريان الى فى الهرم حلو ولا لأ ؟
و يا ريت عنوان ارخصهم بالتفصيل
الاستفسار الاهم بقى فى كل ده
عايزكم تشرحولى بالتفصيييييييل كل ده هيركب ازاى عشان انا مبفهمش حاجة فى التركيب ولا اعرف يعنى ايه عالى ولا سلك ارضى ولا اى حاجة من دول
و كمان انا عايز اركب الجى ام تحت الكرسى ينفع ولا لأ ؟
و الف شكر لكم