تنزيل الفامية علي رخصة العربية

**Dr.SherifMansy** · 02-05-2008 12:32 PM

بلاش الفكرة دى يا جماعة ، زمان كان معايا 128 و سمعت الفتوى بتاعة الزجاج الفيميه الأصلى مش اللزق و بعد ما رحت و غيرت زجاج العربية بالكامل و كلفنى ايامها مبلغ و قدره و كملتها بمعرفة ايامها فى المرور اللى كنت تابع له و اثبتها لى فى الرخصة و المفروض ان كله تمام ، الوضع كان غير كده ، كان كابوس لأن كنت كل ما اعدى على كمين او لجنة يوقفنى و هو مالوش دعوة الزجاج اصلى او ملزوق (و على فكرة انا كنت باعافر و باغلس معاهم مش يقولى ها نسحب الرخصة اقوم اقول حاضر ، لأ ، دا انا عارف الإجراءات كويس و كنت باناقشهم كتير) و لكن هما عايزين يعملوا شغل ، ففى النهاية يسحب منك الرخصة و يقول لما تروح المرور تفحص هما اللى يحكموا مش هو يعنى من الآخر هو هايسحب رخصتك و انت و واسطتك بعد كده ، يا تعرف تجيبها على طول يا اما فعلا تفحص من جديد الخ...و بعد ما طلعت عينى سنة كاملة (اصحابى فى المرور كرهونى من كتر طلبى لهم احضار رخصة العربية كل كام يوم) غبرت الزجاج كله تانى (الحمد لله كنت محتفظ بالأصلى) و خسرت مبلغ محترم لما حاولت ابيع الفيميه (علشان بيقول لك ما لوش سوق ، ده ليه زبونه و ده قليل جدا) ، و غيرت الرخصة تانى بنفس الواسطة.
ما اعرفش الوضع ايه دلوقت لكن دى تجربتى الشخصية (على فكرة من حوالى 18 سنة) بانقلها لكم يا اخوانى ، و شكرا

**hano_elmorsy** · 16-05-2008 12:42 AM

انا بس عايز اسأل سؤال
هوا ايه لازمةالزجاج الفاميه؟؟
دا حته بيعوق الرؤيه

**amrhussein123** · 16-05-2008 01:43 AM

طيب يا شباب لو اللون مش دارك

يعني بني مثلا او ازرق او اسود فاتح

وكمان في عربيات بيجي الزجاج الي قدام انترفلكشن زي الفورد والاوبل بيكون فيه مشكله مع المرور

**eng_mkhalaf** · 16-05-2008 11:00 AM

انا بس عايز اسأل سؤال
هوا ايه لازمةالزجاج الفاميه؟؟
دا حته بيعوق الرؤيه

الفامية فعلا بيعيق الرؤية نسبيا حسب درجتة بس بيحلى شكل العربية على الأخر

طيب يا شباب لو اللون مش دارك

يعني بني مثلا او ازرق او اسود فاتح

وكمان في عربيات بيجي الزجاج الي قدام انترفلكشن زي الفورد والاوبل بيكون فيه مشكله مع المرور

لو العربية نازلة فابريقة بأى شكل فامية - بينزل على الرخصر عادى

**islamkhidr** · 17-05-2008 12:50 AM

يعنى مش هاينفع حتى تنزيل الفامية على الرخصة ؟؟؟

**eng_mkhalaf** · 17-05-2008 11:31 AM

كل حاجة جايزة فى البلد دية

**ysalah** · 19-05-2008 11:29 AM

ya bsaha men 3'er 7aga law enta lek dahr gamed rakeb fayem we 7'ala s laken law enta bedon dahr matfayemsh howa da elkalam elsa7 fe eltafyem we ana 3aref ana ba2ol eh kowaes awyyyyyyyyyyyyyyy