بسم الله الرحمن الرحيم
يا جماعة انا سمعت ان ينفع ان الفامية ينزل علي رخصة السيارة الكلام ده صحيح ولا و ايه هي الاجراءات
ولو حد عمال المودوع ده ياريت يورينا صورة الرخصة عشان انا مش شوفت حاجة زي دي قبل كدة
وشكراا
عرض للطباعة
بسم الله الرحمن الرحيم
يا جماعة انا سمعت ان ينفع ان الفامية ينزل علي رخصة السيارة الكلام ده صحيح ولا و ايه هي الاجراءات
ولو حد عمال المودوع ده ياريت يورينا صورة الرخصة عشان انا مش شوفت حاجة زي دي قبل كدة
وشكراا
ينفع بس لو العربية نازلة كدة من المصنع بيبقى مكتوب فى الورق بتاعها زجاج ملون لكن غير كدة مينفعش
بس انا شوف ناس عاملنها في عربيات عادية ذي الدايوا مثلا مكتوب زجاج ملون فعلا انا عايز اعرف ازاى
طب انا عندى ماتريكس وعايز انزل الاكصدامات النيكل على الرخصة صعب ولا ممكن
انا شوفتوهم بس مش اتكلمت معاهم هعرف منهم و هبلغكم بس لما اتكلم معاهو بس لو حد عرف منكم حاجة ياريت يقول
انا كنت عامل كده في عربيتي القديمة كانت تبع مرور عبود و اللي عملهالي ظابط كان معايا في ثانوي بس بلاش لانها بتتسحب برضو و ممكن تحصلك مشكلة يعني يقولك في لجنة الظابط اسمو اه و كده كده هاتسسحب لاني كنت مركب دارك بلاك و كان مكتوب في الرخصة زجاج فامية فابريقة
انا سالت واحد صاحبى
و قالى بتغير الملف بتاع العربيه
وتعمل العربيه كذا لون و تنزل فاميه
بس عايزه واسطه الكلام ده فى مرور المنصوره
حضرتك قولت
و بعدين رجعت قولتاقتباس:
بس انا شوف ناس عاملنها في عربيات عادية ذي الدايوا مثلا مكتوب زجاج ملون فعلا انا عايز اعرف ازاى
طب حضرتكم ما تعرفش الناس دي زي ما بتقولاقتباس:
انا شوفتوهم بس مش اتكلمت معاهم هعرف منهم و هبلغكم بس لما اتكلم معاهو بس لو حد عرف منكم حاجة ياريت يقول
شفت منين اللي مكتوب علي رخص عربياتهم؟؟؟؟
...................................
يعني ايه تغير ملف العربيه و يعني ايه تغير لونها.اقتباس:
انا سالت واحد صاحبى
و قالى بتغير الملف بتاع العربيه
وتعمل العربيه كذا لون و تنزل فاميه
بس عايزه واسطه الكلام ده فى مرور المنصوره
انا بقالي كتير بتعامل مع المرور عمري ما سمعت الكلام دا بصراحه.
غير كده الملف دا تهمه و اي حد بيلعب فيه ممكن يتعرض للمسءله لو جاله تفتيش.
........................................
من الاخر يا جماعه
لا فيميه و لا نمر سودا و لا اي عك من دا بيتثبت علي الرخصه.
الفيميه بيتثبت لو العربيه نازله كده و بس غير كده مفيش الكلام دا.
حتى يا حازم لو جددت الرخصة
حتي لو حصل ايه باللذي.اقتباس:
حتى يا حازم لو جددت الرخصة
الا بقي في حاله واحده هيا اللي ممكن تخليهم يثبتوا الفيميه دا او حتي لو مش مثبوت محدش يقدر يسحب رخصك
و هيا انك تعمل زجاج غامق للعربيه كلها عند اي مصنع زجاج و كان فيه واحد مشهور بيعمل زجاج العربيت القديمه بس مش فاكر اسمه ايه.
ما علينا
المهم لو عملت كده لو وقفت في لجنه كل اللي تقوله ان دا لون الزجاج و ه وفعلا كده
و انت بتفحص لو المهندس رخم عليك قوله لو فيميه شيله انما لون الزجاج كده محدش يقدر يتكلم
الصراحة يا حازم مش مقتنع إصلها لو بالسهولة دية مكنشى حد غلب
ماهي مش سهله يا محمد
دا انت عاوز تصب زجاج و تبقي عارف ترد علي اي ضابط بيكلمك كويس .
موضوع اللونين او 10 او 100 للعربيه مش مشكله بتترخص عادى
لكن الزجاج هو المشكله
حامد مين بس اسمي حااااازم هههههههههههههههاقتباس:
يا استاذ حامد انا بتكلم عندنا فى المنصوره انا ما اعرفش مرور حضرتك
لكن انا اعرف ناس عامله الموضوع ده فى المنصوره
عندك مثلا عربيه الجمل لونين ومغير ملف و عربيات كتير عندنا على المشايه عند الوكاله
منهم هيونداى اكسنت ابيض * ازرق
و دايو اصفر*اسود
المرور في كل مكان واحد لان دي قوانين مش بتتغير من مرور لمرور.
يا حازم انا واحد قاللى انى ممكن ادفع 2000 جنيه رشزه لواحد وهو هاياخد الرخصه ويرجعهالى بعد كام يوم مكتوب فيها زجاج ملون فابريقه
وفعلا ناس كتير عملتها كده عندنا فى مرور فيصل واعتقد انه فعلا بيتم تغيير فى ملف العربيه بحيث يكون لون الزجاج فى الملف
ما اعتقدش لانه مستحيل اللعب في ملف العربيه.
ورق من الشركه فيه مواصفات العربيه ازاي حيعدلو فيه ؟
حتبقي مكشوفه اوي.
و حتي لو فيه كده رشاوي
يبقي اجراء غير قانوني و احنا هنا بنتكلم عن شكل قانوني للفيميه و بالتالي مفيش
لا طبعا من ناحية شكل قانونى للفاميه فده مش موجود الا لو العربيه نازله بزجاج ملون وده مذكور فى شهادة البيانات بتاعت العربيه
بلاش الفكرة دى يا جماعة ، زمان كان معايا 128 و سمعت الفتوى بتاعة الزجاج الفيميه الأصلى مش اللزق و بعد ما رحت و غيرت زجاج العربية بالكامل و كلفنى ايامها مبلغ و قدره و كملتها بمعرفة ايامها فى المرور اللى كنت تابع له و اثبتها لى فى الرخصة و المفروض ان كله تمام ، الوضع كان غير كده ، كان كابوس لأن كنت كل ما اعدى على كمين او لجنة يوقفنى و هو مالوش دعوة الزجاج اصلى او ملزوق (و على فكرة انا كنت باعافر و باغلس معاهم مش يقولى ها نسحب الرخصة اقوم اقول حاضر ، لأ ، دا انا عارف الإجراءات كويس و كنت باناقشهم كتير) و لكن هما عايزين يعملوا شغل ، ففى النهاية يسحب منك الرخصة و يقول لما تروح المرور تفحص هما اللى يحكموا مش هو يعنى من الآخر هو هايسحب رخصتك و انت و واسطتك بعد كده ، يا تعرف تجيبها على طول يا اما فعلا تفحص من جديد الخ...و بعد ما طلعت عينى سنة كاملة (اصحابى فى المرور كرهونى من كتر طلبى لهم احضار رخصة العربية كل كام يوم) غبرت الزجاج كله تانى (الحمد لله كنت محتفظ بالأصلى) و خسرت مبلغ محترم لما حاولت ابيع الفيميه (علشان بيقول لك ما لوش سوق ، ده ليه زبونه و ده قليل جدا) ، و غيرت الرخصة تانى بنفس الواسطة.
ما اعرفش الوضع ايه دلوقت لكن دى تجربتى الشخصية (على فكرة من حوالى 18 سنة) بانقلها لكم يا اخوانى ، و شكرا
الله ينور عليك أنا بردة كنت متوقع كدة
انا بس عايز اسأل سؤال
هوا ايه لازمةالزجاج الفاميه؟؟
دا حته بيعوق الرؤيه
طيب يا شباب لو اللون مش دارك
يعني بني مثلا او ازرق او اسود فاتح
وكمان في عربيات بيجي الزجاج الي قدام انترفلكشن زي الفورد والاوبل بيكون فيه مشكله مع المرور
الفامية فعلا بيعيق الرؤية نسبيا حسب درجتة بس بيحلى شكل العربية على الأخراقتباس:
انا بس عايز اسأل سؤال
هوا ايه لازمةالزجاج الفاميه؟؟
دا حته بيعوق الرؤيه
لو العربية نازلة فابريقة بأى شكل فامية - بينزل على الرخصر عادىاقتباس:
طيب يا شباب لو اللون مش دارك
يعني بني مثلا او ازرق او اسود فاتح
وكمان في عربيات بيجي الزجاج الي قدام انترفلكشن زي الفورد والاوبل بيكون فيه مشكله مع المرور
يعنى مش هاينفع حتى تنزيل الفامية على الرخصة ؟؟؟
كل حاجة جايزة فى البلد دية
ya bsaha men 3'er 7aga law enta lek dahr gamed rakeb fayem we 7'ala s laken law enta bedon dahr matfayemsh howa da elkalam elsa7 fe eltafyem we ana 3aref ana ba2ol eh kowaes awyyyyyyyyyyyyyyy
والله الى اعرفه فى الموضوع ده لو انت مركب زجاج ملون فقط يعنى تروح لبتاع الزجاج تقوله ركبلى زجاج ملون وتروح تفحص وترخص من جديد :)