غبور شكله اتجنن خلاص !
عرض للطباعة
غبور شكله اتجنن خلاص !
ياريت تحديد المصدر لان فعلا الكلام مش منطقي ازاي فرق 50 الف جنيه بين فئه وفئه في نفس العربيه؟
كلام مش منطقي خالللص
180 الف لييييييييييييييييييه ده انا اشترى بيهم سكودا فانتازيا تضربها بالجزززززززززززززززززمة
بصو يا جماعة
طبيعى انها تبقى اغلى من الفئة اللى تحتيها
زى ال rio مع ال cerato
ال rio اخرها 90 و ال cerato بديا 100
يعنى لو ال accent اخرها 115
فعلا السعر التقريبى غالبا هيبقى120,000-125,000
اما سقف الاسعار مبالغ فيه و مش هتنزل بأى كماليات تخليها تعدى ال 150-160
بس بصراحة سخافة يعنى لو نزلت كاملة ب 150 لازم تكون جديرة انها تنافس اليبانى و الالمانى يعنى محدش عارف يمكن العربية دى تقلب الموازين و تبقى بداية تنافس حقيقى فى القوة و الجودة و استهلاك البنزين و الثبات
اما الامان اعتقد ان لسه كوريا موصلتش
و كلو هيبان...........
اولا جشع دوله و وكلاء وتجار
ثانيا معدل تضخم غريب ياجماعه العربيات كان رنجها ما بيعديش 90 الف النهارده بنسمع 120 و 130 وطالع وكله بيشترى عادى
الغريب ان كل العربيات الى زاد سعرها بشكل مبالغ فيه هى عربيات الفئة المتوسطه لدرجه انها احتلت مكان السيارات عاليه الرفاهيه
ثالثا الكل والله حيشترى وحتشوفو وحتنتشر انتشار النار فلهشيم وحفكركو
حتى لو 150 كتير اوي
ولو بدأت ب 120 كتير اوي برده
ليه يعني؟
والاكسنت الار بي كمان غالية جدا اصلا
حاسس ان غبور بدأ يستعبط في اسعار عربياته
ونسي انه هيونداي كوري
ونسي انه شايل كل وسائل الترفيه والامان من العربيات !
سعر مغالى فيه جدا
سعر مكشكش فيه كشكه كتيره جدا
اسعار كوشيشه خالص خلاص الواحد ضرب من اسعار غبور و الاخ البيقول انه اتسجن احب اقوله انه مش هو دا قريبه الاسمه منير غبور صاحب فنادق سونستا و الجي دابليو ماريوت
يعنى حد يصدق ان الاكسنت اللى فئه اقل تنزل كامله ب 119 الف تقريبا يبقى ليه حق يعمل كده
و180 الف ياترى هيكون فيها جنط ولا هيفضل معادى الجنوط