ربنا يتممها على خير ان شاء الله.
عرض للطباعة
ربنا يتممها على خير ان شاء الله.
سنه مش كتيير ..متكبرش الموضوع
وقعت يا شيتوس هههههههه..
عموما مقدرش اقول اكتر من الى اتقال بس برضه هقولك رأيى الشخصى فكر بعقلك شويتين كدا ولو شايف انها يعنى لا تعوض خلاص كمل وربنا يوفقك.. ولو حصل حاجه ولاقدر الله الموضوع مكملش ان شاء الله خير برضه
اهم حاجه يا هندسه سواء كدا او كدا اوعى تنسى تعزمنا
انا مع الرئى انك تفكر بعقلك لاان انت قلبك خلاص بيحبها
لكن العقل الى يقدر يحكم على التصرفات فى مواقف بتبان فيها البنات عموما لو فكرت بقلبك هتعديها وهتعتبرها عادى وبالعكس هتخلى الغلط صح علشانها
لكن بعقلك هتقدر تحسب وتعقل كويس
وكرئى شخصى السنة مش كتير اوى عادى يعنى
باشا
اكبر بسنة اكبر بخمسة اكبر بعشرة
لو كويسة دوس ....... و سيبك من اي حد
انت تشوفلك واحده ترجعلك شبابك اللي راح ضحيه ياعيني في 5 سنين بتوع هندسة
وياسلام بقي لو هندسة عين شمس .... تحس ان البنات كلهم اخواتك :))
انا في اعددادي ولغاية تانية مدني كان نفسي اتجوز ....... لما اتخرجت كنت عايز اتجوز .... دلوقتي عايز امي تسيبني في حالي :))
وانا اصلا داخل صغير فدفعتي كلهم 86 ..... وانا 87
بس علشان بعيد عنك اخوك حاجة كبيرة كده يعني اقرب الي شبه منحرف :D:D فكله اداري في الهوا الحمد لله ...... غير كده كان زماني اتسيحلي :))
بص بقي ... صلي علي النبي عليه الصلاة والسلام
دلوقتي السنه ديه انا مش شايفها كبيرة وياسلام لو كانت قصيرة حبة عنك علشان تنسي موضوع كبر السن ده .... وادام في تفاهم وهي كويسة مش بتملي عليك قرارت كتير وعايشة في دور ولي الامر ...يبقي صلي استخارة كده وتوكل علي الله
البنت اللي كانت معايا في المشروع كده برده واغلبيتهم اكبر مني بسنه ..... وماشاء الله اغلبية اللي اتخرجوا اتخطبوا ياتجوزا مش شرط من الكلية ....!!!
ولما فقدت الامل في اني اخد حد من دفعتي كمان هايبقي في 2 مهندسين في البيت ... قلت خلاص اشوف عيلة كده 3 ثانوي ولا اولي كليه اربيها من صغرها .... فلو حد عنده اطفال يقولي :)))))
اقعد بالعافية :bye2:
هههههههههههه
تصدق بتفكرني بنفسي خاصة اني اصغر واحد في دفعتي .. وطول عمري معرفش اي حد اصغر مني
اقلك حاجة
الموضوع دا ميفرقش خالص
في بس تركيبات دماغية بتبقى رفضة الموضوع دا تعسفا فقط
يعني هو رفض نفسي فقط او عرفي مثلا
لكن واقعيا مفيهاش مشكلة
هي مش بالسن نهائي
وهيقولوك البنت بتكبر قبل الولد ومش عارف ايه
موضوع غريب اوي يعني ايه الفكرة البنت بتكبر قبل الولد في موضوع هيحصل بعد 30 سنة ان شاء الله مثلا .. دا للي يعيش او يكونوا مزهقوش من بعض ا\صلا :d
متقلقش نفسك وحاول بس تجس النبض من دلوقتي كموضوع عادي
يعني مثلا في وسط كلامك معاها اسأل في مشكلة من موضوع ان الواحد يتجوز واحدة اكبر منه طالما متفاهمين
وحاول تأثر عموما على رأيهم بطريقة غير مباشرة لو لقدر الله لقيتهم رافضين الفكرة
كل دا قبل متستضدم معاهم في موضوعك
يعني هيأ الأمر الأول
والمواضيع دي طالما العائلة مش متعسفة في قراراتها .. بيتقبلوه سريعا حتى لو كانوا رفضين في البداية لإنه موضوع ملوش اي اساس يستندوا ليه في مناقشته
مش عارف ايه اللي مش سعد في الموضوع :grin54:
بس لو مزعلاك ما هو اللي بيقول اتخلى عن واحدة حبيتها وحبتك واجرحها علشان بتعجز بسرعة انا مش لاقي كلمة تعبر عن رأيه غير دي بصراحة
وبعدين خدو عندكم بيكيه وشاكيرا كمثال :Ka_che1[1]: حد يعرف يطلع فرق في السن؟؟ ما هو في بينهم 10 سنين
هيا كولومبيا دي فين :crying2:
امريكا الاتينيه..:grin54:
وبالمره اشتون كشتر و ديمى موور
اعتقد المهم التوافق المعنوى..... والناس الصراحه ملهاش دعوه انتا تتجوز اصغر ولا اكبر
انا لما قريت البوست بتاعتك اول حاجه جت فى دماغى ان ربنا يتممهالك على خير علشان مشاعركوا فعلا حقيقيه..والحاجات دى انقرضت خلاص.
من الاخر لو ليك نصيب تتجوزها هتتجوزها لا مفر وطول منيتك خير انت وهيا ربنا هيكرمكوا ان شاء الله وابقى اعزمنا على الفرح بقى
مش شايف اي مشكله
انا مراتي اكبر مني ب 6 شهور وعمر ماكان في مشكله خالص
اصل انا متجوز عندي 22 سنه هاخد واحده بترضع مثلا؟
الكلام ده لو انت بتتجوز عندك 30 سنه مثلا ساعتها كنا قلنا لا وكبيره وهتعجز بسرعه وبتاع لكن علي كلامك انها لسه معدتش 23 سنه يعني
وبعدين عجز ايه ياجماعه اللي بتفكرو فيه هو جواز ولا مشروع استثماري
لما يبقي يقع من علي السلام يبقو ساعتها ولاده يشيلوه ولا يبقي يجيب واحده تانيه بقي لسه بصحتها
تفكير شبعنا اللذوذ ملوش حل في كل حاجه
لو عاجباك ياخي الكريم توكل علي الله وياريت كل شيء يبقي رسمي وتحاول تتجنب اي معصيه وربنا يباركلك مقدما
مادام فيه بينكم تقارب توكل علي الله واهم شىء التفاهم وربنا يسعدك ومتنساش تعزم المنتدي كله علي الفرح
:grin54: هو الراجل بيسأل هل شايفين أني أكمل ولا لأ هل أهلي عندهم حق في مخاوفهم ولا لأ
أنما ألي لاحظته أنه بيدور على الأراء ألي تأيده وتيجي في صف رغبته أكثر من الأراء ألي متحفظة وده المتوقع نتيجة لتأثير العاطفة..........الأفضل طبعا يتحاور كويس جدا مع أهله ويشوف أيه ألي بيدور في دماغهم لأن الخبرة مهمة قوي ده غير أنهم هايناقشوه بحيادية لأنهم مجنبين العاطفة
وأنا قلت أن الأفضل يكون فيه فارق كذا سنة علشان المستقبل وألي هو بيد الله طببعا .............بس أعقلها وتوكل
ومعاكي طبعا أن الحمل والمسؤلية بيكبر الراجل والست
وفي نفس الوقت معروف طبعا المفاضلة بتكون أزاي في موضوع الزواج وكما وصينا في
الحديث الشريف الذى قال فيه الرسول صلى الله عليه وسلم " تنكح المرأه لأربع لمالها ولجمالها ولحسبها ولدينها فأظفر بذات الدين تربت يداك "
وقال النبي صلى الله عليه وسلم : "الدنيا متاع، وخير متاعها المرأة الصالحة"
فالمفاضلة وطريقة أختيار الزوجة في الأسلام معروفة ومثبتة لا جدال عليها
تحياتي:grin54:
عادى جدا مافيش مشاكل روح الاول اتقدم وخلى اهلك يشوفوا اهلها لو الوضع بقى فية قبول من العائلة ولاقيت ترحاب بين العائلتين يبقى كدة هتلاقيهم هما معجبين بيها وشايفين انها مناسبة ليك وهيعدوا اى فروقات مش مهمة
يعنى بعد كدة تقولهم هية اكبر منى فى السن بحوالى 8 شهور مثلا مافيش مشكلة خالص هتلاقيهم بيعدوا الليلة ومحدش واخد بالة من حاجة ولا عارف حاجة
سيبها على الله لو انت عايزها وهية عايزاك وربنا ان شاء الله يوفقكوا فى دة واهم حاجة ان يكون نصيبكوا لبعض لان مهما حصل وربنا رايد انكوا تكونوا لبعض يبقى هتتجوزا ولا اقوى واحد فى الدنيا يقدر يعترض
انا لا ارى مشكلة فى كبرسن الزوجة عن الزوج
وعن تجربة شخصية فى زواجى لا يوجد اى مشكلة
وعندى احد اقاربى زوجتة اكبر منة ب(((((4))))) سنوات ولا توجد بينهم اى مشاكل على الاطلاق وعملين دويتو جامد
اهم حاجة ان تكون طباعها واخلاقها جيدة وبنت اصول ومن بيت محترم وموضوع السن اخر حاجة تفكر فيها
توكل على الله
ايه المشكله يعنى
ايوه منا فكرت بعقلي مع طول التعامل معاها و لا زلت بفكر ....والحمد لله يوم عن يوم بنتاكد ان مفيش مشكله في الموضوع ...
لا طبعا المنتدي كله معزوم علي بيبسي .....ازازه واحده و كل واحد يجب شفاتطه معاه :]
في مصاريف جواز ههههههههه
والله نفسي ههههه .... بس برده الاهل مش سهلين نهائي ....
كل اللي مخوفني ياخدوا الموضوع قفش من غير تفاهم على اساس انه عار مثلا ...
وانا دماغي جزمه ...لازم تقنعني ...منتظر معركه ان شاء الله
ايوه فعلا الموضوع ده بيبان قوي قوي ......طب ليه متاختاريش صح طيب من الاول و نمشي جنب الحيط عشان كلام الناس؟؟؟
دلوقتي الست و لا الراجل اللي حياتهم ملخبطه دول ....نفعهم بايه كلام التاس دلوقتي و لا العادات و التقاليد؟؟؟
انا هعزم حضرتك تيجي تقنعهم ...ماشي ؟؟؟؟؟؟
انا مش هقول اني مجنب العاطفه طبعا ....و مش هقول انى مبدورش على الاراء المؤيده اكتر
لاني بصراحه مش مقتنع باسباب الرفض خالص ...لاني قريتها و سمعتها قبل كده كتير
مفيش منها على اساس علمي ...مع احترامي للاراء و اصحابها طبعا
و عارف اني هسمعها تاني و تالت و عاشر من الاهل و كل الناس ....
انا بس خايف الموضوع يتاخد قفش ...فبجهز الردود على كل حاجه من دلوقتي :grin54:
ربنا يستر