الحكايه باينه من العنوان .....
انا الحمد لله ......4 سنين في هندسه و لا بفكر في حب و لا غيره وشايل الموضوع من حساباتي نهائي
السنادي بقا بكلريوس ..اتعرفت على زميله ليا في المشروع و اشتغلنا مع بعض و كده ....
الموضوع ده خلانا نتقرب من بعض و نفهم بعض و احده واحده و طباع و مميزات و عيوب ....
ابتدى التفاهم الحمد لله ....متفاهمين في كل حاجه تقريبا ....
مشاكل تحصل قدامنا مثلا ....ارائنا متقاربه جدا ...نفس الدماغ نفس الاهتمامات و كله ...
ومن هنا ابتدى الاعجاب بقا واحده واحده لحد ما بقا حب حقيقي ...حب بيزيد كل يوم
نكتشف في بعض حاجات نحبها في بعض و كده ....
بس لحد ما جيه يوم بالصدفه عرفت انها اكبر مني بسنه :(:(:(
مقدرش اقولكوا حجم الصدمه طبعا عليا و عليها ....
استوعبنا الصدمه كده و بعدنا فتره كل واحد فكر لوحده خالص ....
انا جيت قولتلها انا مش شايف سنه دي اي مشكله ....و مش دي اللي هتخليني اخسرك و متمسك بيكي ...
هي نفس الكلام بالميللي ....
دلوقتي بقا ....بنحب بعض زي ماحنا ....بس يجيلنا فترات كده نفكر ؟
دلوقتي حبنا بيزيد ...و انا ناوي على ارتباط ان شاء الله ....
طب لو اهالينا فرقونا بسبب الموضوع ده :(:(
الفكره كلها في الاهل من الطرفين ....
انا عن نفسي مستعد اقعد 100 سنه لحد ما اقنعهم ان مفيش مشكله و هي نفس الكلام
بس برده خايفين ......
ناوين ان شاء الله الشهر اللي جاي نفاتح اهالينا ....
بس مش عارفين ندخلهم ازاي و مجهز ردود يعني عليهم .......
حد يفيدني اعمل ايه ؟؟؟
المفضلات