لية 250 عادة مش فيير ؟

**joacky** · 08-06-2011 12:21 AM

عندى استفسار صغير يا رجالة بلدنا ..........................................لية 250 عادة مش فيير
مع إن ال250 فيير احسن واحمى و2 ديسك فرامل امامى وى شكل انسيابى اكتر من العادة وى موديل احدث
وى الهورس بور اعلى ليييييييييييية بئا ان خلاص بدور حالياً وهشترى كمان اسبوع او اقل انشاء الله وى ناوى على 250 فيير بس لقييت الناس مبتحبهاش كل يئولك يا 250 عادة يا 400 عادة لية
حد يفهمنى عاشان انا اقربت اتجنن ؟

**SaberMan** · 08-06-2011 02:35 AM

السمعتو أن موتور العاده عمره أطول و مشاكله أقل من الفاير ..

هل ده راجع لان موتور الفاير الشوط أقصر فعشان كده أسرع أو فيه تكنولوجى ميكانيكيه أعلى الله أعلم ؟!! .

**GMC** · 08-06-2011 02:48 AM

بكل بساطه فكك من الكلام الي بتسمعه الي بيجيب 250عاده بدل الفاير عشان السعر ايوا عشان السعر وبعضهم بتمن الفاير بيجيب 400 عاده

**karembob** · 08-06-2011 03:21 AM

بس يابشا ال250 العادة مطور للفير مافيش حاجة اسمها متور احمي الفير للشكل الخارجي في التصميم عشان كدة اغلي شوية مع ان الفير متور زي العادي انا كان عندي ال250 العادي ووحد صحبي كان معيا الفير وكنت بركب الفير كان عادي خالص
هو بس حاجة بتتحدث زي ال حاجة ال مثال البتبقي مديل 2010 وبتبقي هي هي بس 2010 مع تغيير في بعض الاحاجات
تحياتي ليك

**Nour_safwan** · 08-06-2011 08:35 AM

ياجماعه المواتير الـ 250 كلها واحد عن تجربه
أنا واحد من الناس إشتغلت في المكن التقطيع والمواتير التقطيع والي إتعلمتو إن موتور الـ CBR 250 Four
هو نفسه موتور الـ CBR 250 Aero وهو نفسه موتور الـ CBR 250r Hurricane وهو نفسه موتور الـ CBR 250rr FireBlade
بس فيه إختلافات في الكاربراتيرات وحنفيات البنزين يعني الأولى والثانيه على رداخ بنزين والتالته على طرمبه والرابعه على رداخ وعلى كاربراتير كهرباء لكن كله نفس الموتور لكن فيه إختلافات في الإليكتروني بتاع الفاير غير العادة الميزة الي في الفاير هي الموديل والله أعلى وأعلم
والله الموفق

**m3_dolphen** · 09-06-2011 08:54 AM

وبعدين فرق السعر مهم 250 فاير بسعر 400 عادة يبقى 400 عادة افضل

لكن لو 250 فاير بس موديل عالى 97 او 98 يبقى 250 فاير احسن من 400 عادة اللى هيا اخرها موديل 90

**tito29** · 09-06-2011 02:22 PM

المشاركة الأصلية كتبت بواسطة nour_safwan

ياجماعه المواتير الـ 250 كلها واحد عن تجربه
أنا واحد من الناس إشتغلت في المكن التقطيع والمواتير التقطيع والي إتعلمتو إن موتور الـ cbr 250 four
هو نفسه موتور الـ cbr 250 aero وهو نفسه موتور الـ cbr 250r hurricane وهو نفسه موتور الـ cbr 250rr fireblade
بس فيه إختلافات في الكاربراتيرات وحنفيات البنزين يعني الأولى والثانيه على رداخ بنزين والتالته على طرمبه والرابعه على رداخ وعلى كاربراتير كهرباء لكن كله نفس الموتور لكن فيه إختلافات في الإليكتروني بتاع الفاير غير العادة الميزة الي في الفاير هي الموديل والله أعلى وأعلم
والله الموفق

ده كلام سليم 100%

كل ال250 الهوندا (السي بي 4 سلندر) نفس الموتور مع أختلافات بسيطة للغاية
الفرق الرئيسي هو موديل السنة

**tamertamer** · 09-06-2011 02:24 PM

عن تجربة ما بين 250 الفير و400 العادة 400 افضل كحجم واستمرارية وثبات مكنة جميلة فين ايامك يا 400 كانت مكفيانى
لاكن 250 الفير حسيت انى راكب معزة بلدى هى التعديلات كلها الكترونيا الكهربا من الاخر

**joacky** · 09-06-2011 06:30 PM

اولاً شكراً لكم جميعاً.
ثانياً ياعنى بتمن ال250 فيير اجييب 400 عادة
بس الحالة هاتختلف تمن ال250 فيير مش هاتجييب 400 عادة حلوة صح ولاا لا
انا مش عايز اجييب مكنة تقرفنى