| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
النتائج 1 إلى 10 من 10

  1. #1

    الصورة الرمزية mshawky220

    رقم العضوية : 102627

    تاريخ التسجيل : 08Jun2011

    المشاركات : 1

    النوع : ذكر

    الاقامة : cairo

    السيارة: no

    السيارة[2]: Cerato Coupe 2011

    الحالة : mshawky220 غير متواجد حالياً

    افتراضي تحذير لكل ساكنى الاسماعيلية و ملاك الكيا - Facebook Twitter whatsapp انشر الموضوع فى :

    hasad">

    فى البداية احب اعرفكم بنفسى - اسمى محمد شوقى و آسف تكون اول مشاركة فيها طلبات علطول بس الظروف حكمت

    بدون رغى كتير احكيلكم الحكاية و هى كالاتى

    الحمد للة ربنا اكرمنى و اشتريت سيراتو كوبية من 3 شهور و للاسف كانت خليجى فلم يقبل الوكيل ان يعملها صيانة

    المهم اخى الاصغر يدرس بجامعة قناة السويس فى الاسماعيلية و اخبرنى ان فية مركز خدمة معتمد هناك

    على الرغم من انى سالت المراكز المعتمدة فى القاهرة و قالو لا نقبل صيانة الخليجى قلت هنخسر اية اسالهملى ان كانوا يعملولها صيانة وكانت المفاجاة ان المركز قال عادى خليجى او وكيل

    قلت فى نفسى و مالة المشوار بس يبقى اللى بيعمل الصيانة ناس فاهمة خصوصا ان الموديل جديد فالورش مش هتبقى فاهمة

    انا كنت غيرت الزيت فى البنزينة عادى بعد اول الف و لكن بعد معرفتى انهم بيعملوا صيانة للخليجى قلت مبدهاش اوصل اخويا الاسماعيلية و اعمل صيانة و ارجع

    المهم روحتلهم و العربية عاملة 3600 كيلو و قلتلهم انى مغير زيت على الالف بس يعملوا باقى الحاجة و فعلا اخدوا العربية حوالى نص ساعة و طلعت معمولها الصيانة

    الملحوظات ان المركز كان حاطط انة وكيل معتمد لكيا و دايو و اسبيرانزا و كلهم فى مكان واحد
    كمان المركز نفسة مش نضيف و اقرب ما يكون ورشة
    المهم شيكت على العربية و دفعت الفلوس و مشيت و انا مبسوط انى خلصت بسرعة مش زى مكنت بتعذب فى غبور قليوب

    قبل م امشى سالت الميعاد الجاى يبقى 5 و لا 10 تلاف عشان انا عارف ان فرع روكسى كل 5 تلاف فقالولى مش مهم ال 5 تلاف تعالى فى ال 10 تلاف

    من يومين كدة قفلت ال 10 بحاجة بسيطة فكلمتهم انى اروح يوم الاحد اللى فات و قالولى تمام فاضيين تعالى
    المهم اخدت العربية و روحت وصلت الساعة 12 دخلت العربية بس كان عندهم عربيات قبلى فدخلت على 1 كدة المهم صيانة 10 تلاف اخدت حوالى تلات ساعات و نص دفعت الحساب و لسة بدور لقيت لمبة التشيك فضلت منورة
    طفيت و دورت تانى نفس الموضوع قمت نازل و ندهت للمحاسب طلع دور العربية و نفس الموضوع فقالى امشى شوية و هى هتطفى لوحدها
    انا طبعا رفضت لان دة فية ضرر على الموتور زى ممكتوب فى الكتالوج
    المهم ندة للعامل اللى كان شغال فيها وطبعا كان بيغير هدومة عشان يمشى لانهم بيقفلوا الساعة 5
    طبعا العامل جة و عمل زيى بالظبظ دور و طفا و دور تانى و بعدين قالى امشى شوية و هى تطفى و انا رفضت تانى قاموا ندهوا لمدير المركز و انا قلتلة ان لازم اللمبة تطفى لانى مش همشى كدة

    المهم قالى ماشى و خلا الصنايعى يلف بيها على الطريق الصحراوى 20 كيلو و رجع و اللمبة مطفتش بردة فالراجل مبقاش عارف يقول اية
    انا قلتلة انى جايلو من القاهرة و مينفعش امشى كدة المهم دخلوا العربية تانى و حاولوا ينشفوا الكبوت بالهوا و مفيش فايدة لمدة نص ساعة

    المدير جالى و قالى انهم لازم يقفلوا المركز لان مواعيد العمل انتهت و انهم هيكملوا بكرة
    انا طبعا قلت دة بيهزر و قلتلة لازم امشى لان مفيش مكان ابات فية المهم الراجل طلب من الصنايعى انة يشوف حل و الصنايعى جرب ينشف بالهوا تانى و مفيش فايدة

    طبعا الصنايعى عمال يقول للمدير يا باشمهندس ناصر فانا قلتلة طيب يا باشمهندس منكشف عليها كمبيوتر
    الراجل تردد و لكن مع اصرارى وافق المهم جاب الجهاز و فتح الشنطة اللى هو فيها ووصل الكابل و نستنا حاجة تظهر مفيش انا ابصلة و هو يبصلى و بعدين قلتلة يمكن لازم تدوس على الزرار دة (زرار لونة اخضر كدة) و كان

    و ابتدا الجهاز يبدا زى الكمبيوتر بالظبط و الراجل المهندس ناصر دة بصلى و قالى هو حضرتك بتعرف انجليزى حلو ؟ لحسن انا مش اوى

    انا قلت يا لهوى لما سمعت كدة قمت ايلة امال مين اللى بيشغل الجهاز دة ؟ الراجل قالى الكهربائى
    فانا سالتة امال حضرتك مهندس اية ؟ قالى انا مش مهندس انا كنت عقيد فى الجيش و بقيت مدير المركز بعد المعاش

    طبعا انا كنت هتجنن و سالتة طيب فين المهندس بتاع المركز فقالى ان مفيش مهندسين و ان الصنايعية هما اللى بيعملوا كل حاجة

    انا فى سرى يا لهوى

    طيب يا عم اية الحل قالى لازم نكمل بكرة لان الكهربائى مشى و مش هيرجع تانى

    ما باليد حيلة و رجعت بيتنا مواصلات على وعد انة يكلمنى اول ميخلص

    الحمد لله على كل شىء خلصت الشغل و لسة مكلمنيش قلت اكلمة لانى مش عايز اسافر و يطلع لسة مخلصش و انا كل اللى فى دماغى ان اسوأ شىء ممكن يحصل انة ياخر العربية يوم كمان

    كلمت المدير لقيتة بيرد و يقوللى ان فية مشكلة صغيرة و انا توقعى انهم يكونوا بوظوا حساس ولا حاجة و فوجئت بية بيقوللى العربية اتخبطت

    طيب ازاى يعنى؟ طبعا الراجل كان بيقول حاجة بسيطة انا افتكرتها حكة و لا حاجة و قولت لازم اشوفها
    طبعا هو قاللى مفيش داعى احنا هنصلحها على حسابنا و نكلمك اةل متخلص على اخر الاسبوع

    انا طبعا سافرت النهاردة الصبح و فوجئت ان الجمب اليمين كلة متبهدل و مش شكلها خبطة جوا المركز من عربية تانى المهم اتخانقت معاهم عشان اعرف اتخبطت ازاى و مفيش حد راضى يتكلم
    لما قولت انى هروح القسم اعمل بلاغ فيهم كلهم واحد قاللى انها اتخبطت على الطريق لما المدير بعت احد الصنايعية يجيب قطع غيار

    انا قولت لازم ابلغ على الاقل عشان حقى ميضعش لان مفيش ضمان انهم يرجعوها فبريكة

    المهم جيت ابلغ كيا الاول على الرقم الموحد و كانت المفاجاة انهم ميعرفوش المركز دة و مش مسئولين عن اى شىء طيب يا سيدى ازاى و هو حاطط يافطة بعرض المركز كلة انة مركز معتمد قالوا اليافطة ممكن اى حد يعملها و يعلقها
    طيب ازاى دة على الطريق الصحراوى على مرئى و مسمع الناس كلها قالولى انهم ميعرفوش عنهم اى حاجة

    المهم روحت القسم عملت محضى و جة معايا امين شرطة عشان يشوف التلفيات و للاسف لما سال المدير اتخبطت ازاى قالة على الطريق الصحراوى بالقرب من ابو غالى العبور و السبب طبعا تجربة السيارة بناء على طلب العميل ( لمبة التشيك) و لا جاب سيرة خالص عن موضوع قطع الغيار اللى كان باعت الصنايعى يجبهم عشان يبقى عداة العيب

    السؤال بقى ممكن التامين يصلحلى العربية فى التوكيل و لا هيقولوا ان المركز النصاب دة اللى يصلحها لانى بعد كلامى معاهم قالوا انهم هيسمكروها و بعدين تترش و حاسس انها هتبقى باينة لان العربية باب واحد

    تانى حاجة لو الضمان قال مش هيدفع تمن تغيير الباب و الفرف الامامى و الخلفى و ان المركز هو اللى يسمكر ممكن اشتكى فى حماية المستهلك ولا لأ

    و اخيرا احب انصح الكل ميغلطوش غلطتى و يدخل اى مكان حاطط يافطة و السلام الفضل نسال الول هل دة معتمد بجد ولالأ


  2. #2

    الصورة الرمزية aaet1

    رقم العضوية : 64067

    تاريخ التسجيل : 04Mar2010

    المشاركات : 363

    النوع : ذكر

    الاقامة : Cairo, Egypt

    السيارة: Cerato 2010 SX

    السيارة[2]: FIAT 131

    دراجة بخارية: -

    الحالة : aaet1 غير متواجد حالياً

    افتراضي -

    يا بيه قدر الله وما شاء فعل ... أنا يا افندم دمى غلى وأنا بقرا اللى عملوه معاك بس أرجع واقول الغلطة برضه غلطتك من الأول ... مرطز كده لازم تشيك عليه ولو بتليفون صغير للوكيل وتعرف لو كان معتمد عندهم ولا لأه

    معلش انت ما وضحتش اللمبة اللى منورة علطول دى البهوات عرفوا العيب منين ولا لأه


  3. #3

    الصورة الرمزية aaet1

    رقم العضوية : 64067

    تاريخ التسجيل : 04Mar2010

    المشاركات : 363

    النوع : ذكر

    الاقامة : Cairo, Egypt

    السيارة: Cerato 2010 SX

    السيارة[2]: FIAT 131

    دراجة بخارية: -

    الحالة : aaet1 غير متواجد حالياً

    افتراضي -

    بخصوص التعامل مع التأمين الأمر متوقف على شركة التأمين اللى بتتعامل معاها بس طبعا لازم وفى خلال أقل من 3 ايام تروح بالمحضر ... بس فيه نقطة أنا خايف منها ... هل المحضر ثابت فيه ان اللى كان سايق العربية وقت الخبطة عامل المركز ... ليه أنا بسأل السؤال ده لأن فيه شركات بترفض تتدفع التأمين لو مش صاحب العربية اللى كان سايقها
    ثانيا: لو تقديرك للخبطات يقل تصليحه عن 10000 أو 5000 فممكن تبلغ شركة التأمين شفهى بس بوجود حادثة وبدون ذكر حصلت إزاى ومع مين لأن الشركات التأمين معظمها لغاية 10000 ما بيطلبوش محضر

    المهم تلحق قبل ما يعدى 3 أيام وربنا يكون فى عونك

    ثالثا: فيه شركات تأمين بيبقى تبعها مراكز صيانة والعربية تتظبط هناك واطلب تغيير اللى انت عاوزه


  4. #4

    الصورة الرمزية shenoo

    رقم العضوية : 32615

    تاريخ التسجيل : 10Feb2009

    المشاركات : 230

    النوع : ذكر

    الاقامة : cairo

    السيارة: Nubira CDX 2003

    السيارة[2]: Lanos SM 2000

    دراجة بخارية: no

    الحالة : shenoo غير متواجد حالياً

    افتراضي -

    قدر الله و ما شاء فعل
    لازم تسال الشركة اللى انت مامن معاها بس فى الغالب لو مش انت الى سايق مبيدفعوش

    الباب والرفرف الامامى ممكن يتغيرو سهل بس الخلفى بلاش الا لو كانت الخبطة شديدة اوى لان كدة انته هتجيب ربع او نص خلفى

    ممكن تصور العربية عشان يكون مستند معاك لو هتشتكي فى حمايه المستهلك كمان ورقة استلام العربية اللي بيبقي عليها كروكى العربية واي خدوش او خبطات اثناء استلامهم العربية


  5. #5

    الصورة الرمزية ahmed_201091

    رقم العضوية : 79817

    تاريخ التسجيل : 09Sep2010

    المشاركات : 328

    النوع : ذكر

    الاقامة : ismailia

    السيارة: لا يوجد

    السيارة[2]: kia cerato 2010 ex gulf

    دراجة بخارية: لا يوجد

    الحالة : ahmed_201091 غير متواجد حالياً

    افتراضي -

    مش عارف والله اقول لحضرتك ايه ؟؟ يعنى حضرتك سايب القاهرة كلها و نازل تعمل صيانة فى اسماعيلية و فى المركز (سورى يعنى) الزبالة دا من صيانة الالف كان المفروض متدخلوش
    عموما قدر الله و مشاء فعله و محدش بيتعلم ببلاش و ربنا انشاء الله مش هيضيعلك حقك بس العربية لازمتتصلح فى التوكيل و هما اللى يصلحوها دى اقل حاجة ولازم تزعق واوى تسيب حقك و هددهم انك هتشتكى حماية المستهلك
    انا اسف لو كلامى هيزعل حضرتك بس انا مضايق عشانك وحرام يحصل فى العربية كدت
    انا من اسماعيلية ولو احتاجت لاى حاجة انا تحت امرك


  6. #6

    الصورة الرمزية A.Saad

    رقم العضوية : 25216

    تاريخ التسجيل : 15Nov2008

    المشاركات : 14,019

    النوع : ذكر

    الاقامة : Haram & My mobile phone

    السيارة: New Accent 08

    السيارة[2]: Picanto 09

    دراجة بخارية: no

    الحالة : A.Saad غير متواجد حالياً

    افتراضي -

    المركز ده كدة ممكن تلبسه قضية غش تجارى بسبب كتابته انه معتمد
    نقطة اللمبة
    يتحملوا تمن ونش العربية بيه تنزل التوكيل فى القاهرة او مركز محترم معتمد بجد يكشف عليها
    وبعدين انت بتقول نشف الموتور بالهوا
    هو الموتور اتغسل مياة ولا ايه

    A.Saad


  7. #7

    الصورة الرمزية blackknight

    رقم العضوية : 34510

    تاريخ التسجيل : 04Mar2009

    المشاركات : 286

    النوع : ذكر

    الاقامة : Nasr city -Cairo

    السيارة: Fiat 128

    السيارة[2]: Kia Cerato SX 2010

    دراجة بخارية: لا يوجد

    الحالة : blackknight غير متواجد حالياً

    افتراضي -

    والله انا مش عارف اقولك ايه !!!! الموضوع مستفز لابعد درجة ممكنة و بعدين ادام معندهمش مهندس فاتحيين مركز ليه , انا اعتقد انى لو مكانك هجيب بياناتهم عن طريق السجل التجارى و اشوف مالك المركز و احاول معاه ودى الاول و لو مجاش بالذوق على طول على حماية المستهلك و شكوى غش تجارى

    [all1=#ff0808]م/ اسلام صفاء[/all1]


  8. #8

    الصورة الرمزية ahmedsrs

    رقم العضوية : 2401

    تاريخ التسجيل : 30Sep2007

    المشاركات : 2,873

    النوع : ذكر

    الاقامة : الكوكب الازرق

    السيارة: لايوجد

    السيارة[2]: كيا بيكانتو 2011

    دراجة بخارية: لا

    الحالة : ahmedsrs غير متواجد حالياً

    افتراضي -

    انا سالت قبل كده تليفون 19542 قالى المركز ده تبع التوكيل

    http://imageshack.us/photo/my-images/545/6c6d1551112s.gif/


  9. #9

    الصورة الرمزية salodas

    رقم العضوية : 80492

    تاريخ التسجيل : 17Sep2010

    المشاركات : 1,039

    النوع : ذكر

    الاقامة : مصر

    السيارة: لسه

    السيارة[2]: كيا سيراتو 2011

    دراجة بخارية: مفيش

    الحالة : salodas غير متواجد حالياً

    افتراضي -

    ربنا معاك والله أنا متنرفز جدا من الى حصل ... حاجة تقرف معدش فيه ضمير .
    نصيحتى مش حتاخد منهم لا حق ولا باطل إلا بالقانون ... وفى الأول جرب مع شركة التأمين


  10. #10

    الصورة الرمزية msco

    رقم العضوية : 90450

    تاريخ التسجيل : 05Mar2011

    المشاركات : 143

    النوع : ذكر

    الاقامة : جدة

    السيارة: سيراتو

    السيارة[2]: سوزوكي

    دراجة بخارية: مفيش

    الحالة : msco غير متواجد حالياً

    افتراضي -

    hasad">

    يا ولاااااااااااد التيت .. حسبي الله ونعم الوكيل .. وربنا معاك ياباشا

    نصيحة مني متفرطش في ربع حقك عشان دة نصب .. ولييييييييه يبعت عامل بعربيتك يجيب قطع زفت على دماغة .. قمة الاستهتار



 

المواضيع المتشابهه

  1. رابطة ملاك الكيا برايد - كلاكيت تانى مرة!
    بواسطة أحمد الجندى في المنتدى كـــــيا
    مشاركات: 925
    آخر مشاركة: 08-10-2019, 02:11 PM
  2. ملاك الكيا برايد السيدان الاتوماتيك
    بواسطة MMMERO في المنتدى كـــــيا
    مشاركات: 3
    آخر مشاركة: 09-09-2012, 05:00 PM
  3. فين ملاك الكيا سبكترا
    بواسطة mido_fiat_128 في المنتدى كـــــيا
    مشاركات: 4
    آخر مشاركة: 23-02-2012, 01:11 PM
  4. يا ملاك الكيا الخليجى بجميع طرازتها اتحدوا
    بواسطة medo_elgezy في المنتدى كـــــيا
    مشاركات: 14
    آخر مشاركة: 16-05-2010, 04:25 PM
  5. الى ملاك الكيا الخليجى
    بواسطة COOLCHEETOS في المنتدى كـــــيا
    مشاركات: 5
    آخر مشاركة: 04-04-2010, 03:08 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2