ممكن إجابة عن خبرة لأختكم بونبونى ولكم الأجر والثواب عند الله

سؤال مهم وأتمنى الإجابة عن خبرة http://www.dvd4arab.com/images/smile2/shutup.gif

أجيب تيريوس ولا تويوتا آفانزا

الحقيقة أنا بميل للآفانزا لأنها يابانى

وكمان البادى مش عالى زى التيريوس وده يديها ثبات أكتر على ما أعتقد فمتتقلبش بسهولة

صحيح التيريوس 1.6 والآفانزا 1.5

بس أعتقد أن الماتورات اليابانى قوية بما يكفى علشان تستحمل التكييف

نسيت أقولكم إنى فى الحالتين هجيب مانيوال مش أتوماتيك

علشان أنا بعشق السواقة أولا

ثانياً السحب فى المانيوال أسرع وبالتالى العربية تاخد سرعتها أسرع
وده مفيد فى القيادة فى زحام القاهرة وتعرف تخلص نفسك

يارب حد يفيدنى ويقولى أنا صح ولا فى حاجة مخدتش بالى منها

المشكلة إنى ملقتش حد عنده شكوى من الآفانزا
أكثر من إن شنطتها صغيرة ودى حلها سهل

ولكن اللى قلقنى إنها مش موجودة كتير فى شوارع القاهرة

عكس التيريوس اللى إنتشرت وبنشوفها كتير

ياريت حد يكون إشتراها ويقول رأيه فيها وفى التوكيل علشان الصيانة
لأن توكيل التيريوس عبد اللطيف جميل مفيهوش كلام

وكمان يفيدنى عن الدفع فى الاثنين أمامى ولا خلفى

وبعد كل الكلام ده تيريوس ولا أفانزا؟؟؟؟http://www.dvd4arab.com/smile1/whistle.gif
http://www.dvd4arab.com/smile1/22.gif

معلش تصحيح لبعض المعلومات

1- التريوس يابانى و الافانزا اندونيسى (تقريبا) بس الاكيد ان الافانزا مش يابانى

2- الافانزا فى منها 1300 و 1500 اما التريوس 1500 فقط

3- الافانزا تقفيلها فقير جدا جدا,اما التريوس فأحسن منها بمراحل

4- الافانزا ثباتها وحش, اما التريوس فهو جيد (على الاقل احسن من الافانزا طبعا)

5- الافانزا خلفى, اما التريوس فموجود منها خلفى و موجود منها دفع رباعى

طبعا لو فى مقارنة بين الاتنين, يبقى التريوس ببساطة تكتسح

اقتباس:

---

المشاركة الأصلية كتبت بواسطة معاذ الشرباصى

معلش تصحيح لبعض المعلومات

1- التريوس يابانى و الافانزا اندونيسى (تقريبا) بس الاكيد ان الافانزا مش يابانى

2- الافانزا فى منها 1300 و 1500 اما التريوس 1500 فقط

3- الافانزا تقفيلها فقير جدا جدا,اما التريوس فأحسن منها بمراحل

4- الافانزا ثباتها وحش, اما التريوس فهو جيد (على الاقل احسن من الافانزا طبعا)

5- الافانزا خلفى, اما التريوس فموجود منها خلفى و موجود منها دفع رباعى

طبعا لو فى مقارنة بين الاتنين, يبقى التريوس ببساطة تكتسح

---

أفــاد و أجــاد :)

و حاجة اخيرة
الزحام في القاهرة المناسب ليه الاوتوماتيك مش المانيوال
بس ممكن اسال حضرتك سؤال رخم
اشمعنى اخترتي العربيتين دول؟؟؟؟؟؟؟؟؟؟؟؟؟؟

بصراحة الأفانزا سيئة جدا

انا رأى التيريوس تكتسح و على فكرة السواقة فى الزحام الأوتوماتيك اريح بكتييييييير

الافانزا لا تعرف معني الثبات نهائييييييييييييييييييييي يييييييييييييييييييي العربية دي الناس بتنخدع في مظهرها و حجمها لكن الحقيقة انها ثباتها تعبان جدا جدا جدا التريوس ثباتها احسن منها و الافانزا مش ياباني التريوس ياباني و 1500 مش 1600 و الافانزا و علي فكرة التريوس ثباتها احسن من الافانزا لكن برضه الثبات متوسط يعني مش عالي و التريوس ب 112 الف و118 الف و 132 الف انا رأيي تتكبري دماغك من العربيتين دول و تجيبي جين 2 احسن










Ibiiiiiiiiiiiiiiiiiiiiiiiiiiiiizzzzzzzzzzzzzzzzzaa aaaaaaaaaaaaaaaaaa For Ever

أولا أهلا و سهلا بحضرتك في المنتدى و نتمني دوام المشاركة إن شاء الله .....لو ممكن حضرتك تقولي متطلباتك في السيارة إيه و ساعتها نقدر نقول بدائل أحسن ...

اقتباس:

---

المشاركة الأصلية كتبت بواسطة crazylambada

و حاجة اخيرة
الزحام في القاهرة المناسب ليه الاوتوماتيك مش المانيوال
بس ممكن اسال حضرتك سؤال رخم
اشمعنى اخترتي العربيتين دول؟؟؟؟؟؟؟؟؟؟؟؟؟؟

---

إسمح لى أعترض

السواقة فى زحام القاهرة مناسب ليه الأوتوماتيك لتوفير الجهد والقيادة فى خط مستقيم
لكن مناسب ليه المانيول لتوفير الوقت والقيادة فى الفراغات اللى بيتيحها لك الزحام
لأن المانيوال سحبه أسرع وبالتالى تقدر العربية تاخد سرعتها على طول فتسد معاك
وصدقنى ده عن تجربة ;)

ليه إخترت العربيتين دول سؤال مش رخم
بس أنا بحب الاستايل ده من العربيات
يمكن علشان أول عربية ركبتها كانت عربية جيب:o
وحالياً معايا السبورتج وهى 4×4

عموماً هى صراحة كانت المفاضلة بينهم وبين البيجو 207
وأنا كنت برجح الـ 207 لأنى بعشق البيجو لأنها سريعة وقوية وسحبها حلو
يعنى عربية بجد وكمان تناسب أسلوبى فى السواقة
بس بعد العربيات العالية بحس إنى بسوق من على الأرض :rolleyes:

ولما شوفت الأفانزا عجبتنى من الخارج سواء ألوانها أو شكلها مبهر
بس الصراحة مجربتش أسوقها ولا شوفت تقفيلها من الداخل
وكمان كنت فاكراها يابانى وأعرف إنها دفع خلفى
فقولت دى تبقى عربية جامدة جداً وتستحملنى:o

بس بعد الكلام اللى سمعته منكم والمداخلات المقنعة
أعتقد إنى غيرت رأيى

بس لسة مش عارفة برضه مين فيهم يعنى 207 ولا تيريوس

ولا حاجة تالتة خالص الله أعلم

الافانزا عربية ممتازة و ثباتها كويس جداً بعد ال 160 وكمان فيها كرسيين زيادة
وكفاية انها تحمل اسم تويوتا

حاول تجربيها الاول و خصوصاً على سرعات عالية .... ممكن تكون هى الحل :)

اقتباس:

---

المشاركة الأصلية كتبت بواسطة معاذ الشرباصى

معلش تصحيح لبعض المعلومات

1- التريوس يابانى و الافانزا اندونيسى (تقريبا) بس الاكيد ان الافانزا مش يابانى

2- الافانزا فى منها 1300 و 1500 اما التريوس 1500 فقط

3- الافانزا تقفيلها فقير جدا جدا,اما التريوس فأحسن منها بمراحل

4- الافانزا ثباتها وحش, اما التريوس فهو جيد (على الاقل احسن من الافانزا طبعا)

5- الافانزا خلفى, اما التريوس فموجود منها خلفى و موجود منها دفع رباعى

طبعا لو فى مقارنة بين الاتنين, يبقى التريوس ببساطة تكتسح

---

الحقيقة أفادنى ردك كتير
وأنا كنت بتكلم على الأفانزا 1500 وأنا شوفتها من الخارج فقط والحق يقال مبهرة
سواء شكل أو ألوان بس واضح إن المظاهر خادعة جداً
يعنى خدعتنى لدرجة إنى كنت هشتريها وأنا أصلا مش محتاجة الكنبة الإضافية أصلا

بس بعد المداخلة الوافية دى أعتقد إنى غيرت رأيى فيها

جزاك الله كل خير أخى العزيز

لو الاختيار بقى بين 207 و التيريوس
فطبعااااااااااااااااااااا اااااااااااااااا
بيجو 207
لكن احذرى من غلو قطع الغيار
ناااااااااااااااااار
لو عايزه يابانى شوفى كرولا او لانسر او ياريس

لاول مرة بخالف اختلاف مفيهوش رجوع مع حليفي سيات لوفر الافانزا ثباتها في الضياااع و انا شفتها و هي بتجري و ناس جربتها و قالتلي و المفاضلة بين التريوس و البيجو 207 ال 207 تكسب طبعا و بالنسبة للافانزا العربية انا شفتها بتجري علي الصحراوي ولاهي كان فاضلها سنة و تتقلب











Ibiiiiiiiiiiiiiiiiiiiiiiiiiiiiizzzzzzzzzzzzzzzzzzz zzzzaaaaaaaaaaaaaaa For Ever

أنا راي تخليكي في التريوس
ضمان ولها اسم وسعر اعادة بيع جامد
وصيانة سهلة وقطع غيار ليست نار

يعني حاجه كويسه وليس فيها قلق

أولاَ أنا برحب بحضرتك معانا هنا في المنتدى مع إني لسة جديد برضه بس كلنا أخوات في المنتدى و عائلة واحدة ..
:):)
ثاني حاجة أنا بأكد على كلام معاذ السليم 100 100 في التصحيحات اللي كتبها ..
ثالث حاجة أنا بنصحك إنك تشتري تريوس و ابعدي عن البيجو هقوللك ليه .. ؟!
أولاَ التريوس زي ما أنت عارفة إنها عالية عن الأرض و دة كما هو متعارف عليه إنه ميزة و عيب .. عيب لأنها الثبات بتاع أي عربية بتقل كل ما ال CLEARANCE بينها و بين الأرض بيزيد بس برضه ثبات التريوس جيد مش وحش .. و ميزة علشان العربية العالية بتعرفي تروحي بيها في أي حتة أنت عايزاها و المطبات مش هتحك فيها لو محملة .. و لو عايزة ال TECHNICAL SPECIFICATIONS بتاعتها ممكن أبعتهالك .
أما بالنسبة للبيجو 207 .. هي بصراحة عربية جميلة بلا شك و موتور سواء ال 1400L or 1600L الإثنين عليها حلوين و العربية بتجري علشان وزنها الخفيف .. بس عيوبها إن قطع غيارها غالية جداَ و برضه صيانتها و محتاجة صرف و لكن التوكيل بتاعها محترم جداَ .. و برضه لو عايزة ال TECHNICAL SPECIFICATIONS بتاعتها ممكن أبعتهالك.
دة رأيي و في الأول و الآخر أنا ممكن أتعارض أو أتفق مع باقي الأخوة في الرأي و لك حرية الإختيار و لو ممكن تفكري في حاجة تانية أنا ممكن ارشحلك 5 عربيات تانية.
:):)

لإي عربية تانية اعتقد انها حتبقى مناسبة لحضرتك
سوزوكي Sx4 هاتشباك
العربية دي تحفة بكل المقاييس
و عالية عن الارض
لان العربية دي اصلا دفع رباعي برة مصر
لكن هنا ببتباع في مصر دفع ثنائي لا اعلم ان كانت خلفي ام امامي
و صالونها حلو جدا و تابلوه و تصميمها تحفة بكل المقاييس
و ادائها جبار 1600 سي سي
بس عيبها الوحيد شنطتها مش كبيرة

التريوس احسن من الافانزا من ناحية تقفيل يابانى
والافانزا بالفعل الثابت بتاعها وحش على السرعات عن تجربة

التريوس أفضل من البيجو
و لا توجد مقارنة مع الافانزا فهذه السيارة لا يشتريها الا من يحتاج الكنبة الخلفية فقط

طيب ما تشوفى التحفة الفنية الى اسمها جراند بونتو ؟

اقتباس:

---

المشاركة الأصلية كتبت بواسطة crazylambada

لإي عربية تانية اعتقد انها حتبقى مناسبة لحضرتك
سوزوكي Sx4 هاتشباك
العربية دي تحفة بكل المقاييس
و عالية عن الارض
لان العربية دي اصلا دفع رباعي برة مصر
لكن هنا ببتباع في مصر دفع ثنائي لا اعلم ان كانت خلفي ام امامي
و صالونها حلو جدا و تابلوه و تصميمها تحفة بكل المقاييس
و ادائها جبار 1600 سي سي
بس عيبها الوحيد شنطتها مش كبيرة

---

أخى العزيز
على فكرة عندك حق والعربية حلوة فعلاً لحد الآن
رغم إن التجارب بتاعتها مش كتير لأنها لسة مش منتشرة
إلا إن مفيهاش مشكلة جامدة
بس أنا إضطريت أستبعدها علشان التوكيل بتاعها سمعته وخدمته مش ولا بد
"مودرن موتورز" لو أنا صح سواء غلاء سعره سواء مستوى الخدمة

وده سمع مش عن تجربة لكن سمع من أكثر من شخص
وأنا بحب أتعامل مع التوكيل أضمن
خصوصاً مع العربيات الجديدة لأن الميكانيكية بيتعلموا فيها ويبوظوها
وده عن تجربة فعلاً
وتلاقى نفسك فى الآخر بتدفع لهم
وتدفع للتوكيل علشان العيب الأصلى وعلشان المشكلة الجديدة اللى إتسببوا فيها

فبرضه لاقيت التيريوس تكسب لأن عبد اللطيف جميل ميختلفش عليه اثنين

شكراً أخى العزيز جعله الله فى ميزان حسناتك

شكرا جدا يا بوني
على اسلوب حضرتك الواعي و المهذب في الكلام
وربنا يوفقك في اختيار السيارة المناسبة لحضرتك

اولا احب ارحب بيكي كاخت معانا في المنتدي .:)
بالنسبه لاختياراتك فبكده الافانزا اختفت
يتبقي التريوس و البيجو ال 207
التريوس حلوه و عصريه و قطع غيارها معقوله.
البيجو ال 207 احلي من التريوس و اوربي و من شركه كبيره زي بيجو
لكن مشكلتها قطع الغيار اللي اكيد حتبقي غاليه و سعر اعاده البيع اللي مفيش عربيه محافظه علي سعر اعاده بيعها في مصر غير التويوتا!!!!!!!.
مممممممممم
مشكله فعلا
بس انا لو مكانك حجيب البيجو .
بالنسبه لقولك ان المانيوال بينفع في الزحام علشان التسارع
ف احب اقولك ان دا كان شئ من الماضي لان الفتيس لاتوماتيك حاليا في معظم العربيات سحبه حلو و ما يفرقش عن المانيوال كتير .
بس طبعا المانيول ليه متعه و طعم مختلف عن الاتوماتيك.