""" رجـــــــــــــــــــــــ ـــــــاء """"

**katoba** · 08-06-2011 03:16 PM

انت صح ياهيما .. انا كمان بعمل كدة والناس الحمدلله منهم عدد كبير جدا بيشكر فى العربية واللى بينقدها بيقولى احل مشكلتها واتلاشاها ازاى والحمدلله محدش قاللى انها بى ام او مرسيدس ..

**islam_6110** · 08-06-2011 05:43 PM

انا احيكم على هذا الموضوع و أهنأ نفسى انى امتلك سياره يمتلكها محترمين مثلكم

**mmmmgogommmm** · 08-06-2011 09:22 PM

انا اشتريت ورضيت وحامد ربنا وشاكر فضلة ----اية لزمتة يجى واحد لهدف فى نفسة يضيع فرحتى بالعربية --ويزرع جوايا اوهام وابتدى احس ان العربية بتطلع اصوات وخزعبلات كتير بتتحصل--كفاية بقة نفسنة

**hugan** · 08-06-2011 10:22 PM

المشاركة الأصلية كتبت بواسطة hemaa_82

يا اخوانا حصل خير .... ما اللي يشتم يشتم ... اي المشكله ... انا معايا عربيتي و عارف هيه ايه .. حلوة عارف وحشة عارف ... هوا انا هستني حد يفهمني عربيتي عاملة ايه ؟؟؟؟؟

لما الكلام يوجه ليا في الزم ارد ... لما يبقي سرد اطنش و فكك ... متكبروش الموضوع بقي ... اهه خد اجازة زي ما قال :) ريحوا دماغكم بقي :b4_611:

احنا عارفين العربيه كويس مفيش مشاكل
المشكله اللي داخل سال عن حاجه او يعمل مقارنه
تلاقي الكلام اتحول في اتجاه تاني خالص

المشاركة الأصلية كتبت بواسطة taiwo

أنا ليا رأيي رفيع كده يارب محدش يزعل ...
الناس مش قادرة تتقبل فكرة أن العربية اللي ب 60 أو 70 ألف بندق ممكن تؤدي نفس غرض العربية اللي هما أشتروها ب 90 ألف بندق...
وكل واحد بيحاول يقنع نفسه أنه أشتري عربية أورينتال وان لامقارنة بينها وبين الصيني (التقليد من وجهه نظره ).. وأن ال20 ألف بندق فرق السعر ده خلاه بقي ملك ...

علي فكرة مش معايا عربية صيني بس أصحاب ليا كتير معاهم والشكوي هي الشكوي العادية من أي عربية مافيش حاجة خاصة بل مش ببالغ لو قلت أن الأعطال قليلة بس ده بحكم الموديل ..
الموضع هياخد وقت علي مالناس تتقبل الصين كمنافس وليس كمقلد ..

كلامك مظبوط
نفس المشاكل المشتركه بين جميع الانواع
لكن الخلاف انه يتقبل مشكلته في عربيته وكانه شيء طبيعي ووارد انما لو صيني تبقي كارثه
والله ياخي الكريم انا قبل ما اقرر اني اشتري اسبرانزا
قلبت الدنيا واتفرجت علي جميع الانواع حتي 110000 جنيه
من اوبترا الي النترا الي نيسان
وبكل امانه وجدت اني المستفيد بفرق المبلغ

المشاركة الأصلية كتبت بواسطة hima77

هاقولك علي نصيحة يا احمد علشان التشويش اللي عندك ده حسيت بيه قبل ما اشتري العربية

قبل ما اخد قرار نهائي بشراء العربية m 11 قعدت فترة طويلة متردد وده بسبب الكلام اللي بقراه هنا من اعضاء بعينهم علي الرغم من اني كل ما اسال حد معاه ال m11 او التيجو 1600 يقولي كويسة ولو عندة مشكلة يقولي عليها بوضوح وحلها ازاي بمنتهي البساطة فقررت وانا بتابع المنتدي هنا اني اتجاهل اي كلام بيكتبه عدد معين من الاعضاء " اللي هما متعهدي النقد اللي مالوش لازمة " لاقيت الكلام اللي بسمعة من برة هو نفس الكلام اللي الاعضاء الطبيعين هنا بيقولوه وعلية اتخذت قرار الشراء ولا زلت متبع السياسة دي لو عاوز اعرف اي حاجة في العربية

مشكلتهم نفس الكلام المقرر في كل مشاركه وكل موضوع
بدون افاده حقيقيه

**hima77** · 08-06-2011 11:32 PM

منورين يا رجاله باقي كمان كام عضو يدخلوا ويقولوا رايهم في الموضوع ... وها قولكم علي حاجه كويسة

**king516** · 08-06-2011 11:45 PM

والله انا فخور جدا من ملاك العربيه دى عشان ناس افاضل زى حضرتكم معاهم العربيه دى لكن عايز اقف عند نقطه معينه وهى
العربيه حلوه وجميله وكل حاجه لكن توكيلها هو اللى حرامى وميستهلش العربيه دى ابدا ونتكلم عن الأسباب :

- عدم توافر قطع الغيار الأساسيه لغير ال516 وال113
- اجبارك على الصيانه كل 3 شهور ( سياسه نصب علنى ) يعنى العربيه تبقى مثلا عامله 7 الاف كيلو تكون مجبر انك تعملها صيانه ال20 الف ده لو استخدامك متوسط او قليل
- ارتفاع سعر قطع الغيار بصوره مبالغ فيها
- لازم تاخد حقط بصوتك مش بالذوق ولا الأحترام
- فنين يكادو ميفهموش حاجه واهم حاجه عندهم ان العربيه تعد فى وقت جوه .

كل الكلام ده كوم بعيد عن العربيه اللى بحمد ربنا انه رزقنى بيها رغم انى ولله الحمد امكانياتى كانت تسمح انى اجيب كيا سيراتوا اعلى فئه زى اخويا الصغير لكن انا فضلت انى اوفر باقى المبلغ واحطه فى شغلى واكسب من ناحيتين والحمد لله كل يوم بكتشف انى صح وان الغلطه الوحيده ان العربيه دى توكيلها لأبو الفتوح بس واسف على الأطاله

**samehsalem** · 09-06-2011 02:29 PM

انا رأيي منديش اهمية لحد من الناس اللي بتشتم ونخلينا في عربيتنا احسن عشان مفيش فايدة من الكلام مع حد نريح دماغنا ونرد علي المشاركات اللي فيها افادة لكل اللي معاه العربية وغير كدة نكبر بقي واللي يشتم يشتم واللي يتكلم كويس احنا معاه

**aboomarahmad** · 09-06-2011 03:36 PM

السلام عليكم:
إخواني المحترمين....
تسمحوا لي أدلي بدلوي في الموضوع كله عن تجارب شخصية في كل حاجة...
أولا: أنا عندي التيجو الـ2000 سي سي مو 2010 ويمكن بعض الأعضاء المحترمين هنا يعرفوني من مشاركاتي ومقابلتي ببعضهم...يعني انا مش منحاز للعربية ولا للتوكيل
نمسك كدة نقطة نقطة من اللي كتبها الأخ المشارك ويارب اقدر افيدكم...
والله انا فخور جدا من ملاك العربيه دى عشان ناس افاضل زى حضرتكم معاهم العربيه دى لكن عايز اقف عند نقطه معينه وهى
العربيه حلوه وجميله وكل حاجه لكن توكيلها هو اللى حرامى
أنا شايف انه بلاش نغلط بالصورة دي لأنه فعلا انا كان معايا النيوبيرا من 2001 والتيجو دلوقتي....اللي بشوفه عنده بيحصل زيه و اكتر في عربية تانية عندنا وهي رينو ميجان
وميستهلش العربيه دى ابدا ونتكلم عن الأسباب :

- عدم توافر قطع الغيار الأساسيه لغير ال516 وال113
في لستة بأسماء محلات بيع قطع غيار السيارات الإسبرانزا كلها وسط البلد ومصر الجديدة واسكندرية:

التوفيقية :
عزيز سليمان و شريكه
العنوان : 12 شارع البورصة - التوفيقية - القاهرة
تليفون :025745068 - 025777327
فاكس: 025765522 - 025755482
ووجدي ممدوح المليجي
16 شارع زكي بالتوفيقية
تليفون 25787652
محمول0103880032
أبو عوف
العنوان: التوفيقيه - السنتر الجديد
التليفون: 0111923777
(البيع جمله و قطاعي)
مصر الجديدة :
السويسى
28 ش دمشق مصر الجديدة
ت 24535196 موبايل 0101454257
مركز بكين لقطع غيار السيارات الصينية
21 ش دمشق روكسي مصر الجديدة
ت 22562936 موبايل 0113288068
طلعت
شارع دمشق
أولاد زكى جرجس
44 شارع دمشق (بالقرب من ميدان الجامع مصر الجديدة)
المعادى:
الحسن -لقطع غيار السيارات
48 شارع 77 - المعادي
تليفون: 0123104040
فيصل:
الاسناوى
برج الاطباء - اول فيصل
حلوان
العمدة لقطع غيار العربيات اليابانية والكورية والصينية
33 ش احمد انسى - تقاطع ش شريف بجوار بنك مصر فرع حلوان
تليفون 29732137 - 0163903003
حدائق حلوان
الاسراء لقطع الغيار
46 ش توتنجى - حدائق حلوان
23708885
0171456660
0111644496
الإسكندرية:
الجمال
8 ش بيبرس المتفرع من ش صلاح الدين - أمام مديرية الأمن
033914347
0122243043
مينا و جوزيف
شارع جمال عبد الناصر و محمد نجيب
امام محلات اتومبيل صادق للكاوتش
طنطا :
ابو عوف لقطع غيار الاسبيرانزا
طنطا شارع صدقي مع محمد فريد
0403300056
0409115744

وللأمانة ده كله منقول من منتدى تاني لكن ناس كتير جربتهم
- اجبارك على الصيانه كل 3 شهور ( سياسه نصب علنى ) يعنى العربيه تبقى مثلا عامله 7 الاف كيلو تكون مجبر انك تعملها صيانه ال20 الف ده لو استخدامك متوسط او قليل
انا لسة كنت عندهم في ابورواش م.محمد العطفي عشان مشكلة في الشكمان...العربية آخر صيانة لها كان من 10/2010 قراءة7111كم يعني من 7أشهر تقريبا فالراجل لفت نظري للموضوع وقالي انت كدة مسقط صيانتين فالأفضل تعمل دلوقتي الصيانة..زيت وفلتر يعني...فقلت بكام قال 470ج. لكن ماكنش معايا اللي يكمل ومع ذلك الناس عملوا الشكمان داخل الضمان ببلاش وكان تغيير للعلبة الوسطانية بالماسورة الأمامية والخلفية بتاعتها
إذن مش بيصروا اوي على حتة ال3 شهور دي بالرغم ان في الميجان عند والدي بيدقوا عليها

- ارتفاع سعر قطع الغيار بصوره مبالغ فيها
والله من كلام الناس بالمحلات المذكورة عاليه ممكن تشيك على كدة ربما هتلاقي العكس
فلتر الزيت كان ب30ج. وفي واحد قابلني في التوكيل بتيجو 1600 سأل على الإكصدام الأمامي في التوكيل كان 700 جابه من برة 110ج أو 170ج. مش فاكر اوي.....بس ده كلامه

- لازم تاخد حقط بصوتك مش بالذوق ولا الأحترام
برده الكلام ده 100x 100 حرام...سواء في تكنو المهندس خالد محي الدين او خالد غنيم او محمد عوض
وفي ابورواش محمد العطفي او م.احمد غريب او م. ابوبكر او م. صافيناز.....والله كانوا معايا غاية الإحترام والذوق
عيبهم الوحيد التأخير في شغل العربية وربما ده للزحمة عندهم
- فنين يكادو ميفهموش حاجه واهم حاجه عندهم ان العربيه تعد فى وقت جوه .
اللي اعرفه من تجربة اخو المدام عندي معاه تيجو 1600 مو 2010...عمل بيها حادثة موت من سنة...وهو مهندس ودايما بيدقق في كل حاجة كان بيمدح فيهم جدا ورجعوا العربية زي ماكانت
انا شخصيا اول ما اشتريت كان من ابوغالي....كان في طقطقة في العجلة الشمال الخلفية....طلع عينهم وفي الآخر
رجعت العربية واخدت واحدة تانية....بعد الترخيص لقيت فيها نفس العيب قالوا رولمان بلي ولازم تروح توكيلها الأصلي...ودي كانت اول تجربة ليا...رحت تكنو الراجل اول ما سمع الصوت قالي مين اللي قالك رولمان بلي؟؟؟ ده رجلاج كابل فرامل اليد وفعلا نزل واتعملت في 5 دقايق وانتهى الموضوع ولله الحمد

كل الكلام ده كوم بعيد عن العربيه اللى بحمد ربنا انه رزقنى بيها رغم انى ولله الحمد امكانياتى كانت تسمح انى اجيب كيا سيراتوا اعلى فئه زى اخويا الصغير لكن انا فضلت انى اوفر باقى المبلغ واحطه فى شغلى واكسب من ناحيتين والحمد لله كل يوم بكتشف انى صح وان الغلطه الوحيده ان العربيه دى توكيلها لأبو الفتوح بس واسف على الأطاله[/QUOTE]
انا اللي شكلي طولت جدا عليكم بس ارجو اني اكون افدتكم في حاجة......والله أعلى وأعلم

م.ياسر