عند تعليه زرار التكييف هل يؤدى الى استهلاك بنزين

**tarek_2005** · 08-06-2011 02:59 PM

المشاركة الأصلية كتبت بواسطة newuser2009

معلومه مفيده جدا
من النهارده مفيش رقم واحد
في رقم 4 على طووووووووول

هتهلك شربون المروحة وتحمل علي الديناموا وتحتاج تنظف الثلاجة علي فترات قصيرة الاعتدال مطلوب 3 او 2

**husseinthemaster** · 08-06-2011 03:02 PM

بيفصل طبعا بس فصل داخلي مش بتحس بية بيكون جواة وحدة بتفصل داخلي

**heshamzaky** · 08-06-2011 03:19 PM

المشاركة الأصلية كتبت بواسطة husseinthemaster

بيفصل طبعا بس فصل داخلي مش بتحس بية بيكون جواة وحدة بتفصل داخلي

++++ 111111111111 دة الى أنا سمعتة من كل الصتايعية بتوع التكيف المحترفة و ممكن كمان بيبقى فية ترموستات داخلية فى العربية تحت الطابلوة

**heshamzaky** · 08-06-2011 03:23 PM

المشاركة الأصلية كتبت بواسطة mikology

انا مش مؤمن بحته زياده البنزين مع اى حاجة مع التكييف
اللى اعرفه ان اشغل التكييف الموتور يعلى - بالتالى البنزين بيزيد
بعد كده ان شاء الله اكون جايبه على 1 و موطى المروحه على الاخر او رافعه على 4 و معلى المروحه على الاخر
ما هو الموتور شغال طبيعى زى ماهو ايه العلاقه بالبنزين دلوقتى
هايسحب ليه اكتر الا اذا الار بى ام على
لو بنحسبها كده يبقى لازم لما اجى اعلى التكييف او المروحه - الاقى الار بى ام بقى على 4 بقى ولا حاجة !!!!

بص يا ميكو فى الانشيا و التمبرا المروحة الداخلية بتاعت الهواء ملهاش أى علاقة نهائيا بالبزين طبعا .
بس لما بتشغل الكومبريسور على أقل درجة الكباس ببفضل شغال مدة أطول علشان يحقق و يفصل و دة الى بيستهلك بنزين شوية يعنى لما تكون مش مشغل التكيف اساسا الاستهلاك بتاع البنزين بيقل و لما بتشغل التكيف الاستهلاك بيزيد شوية لانة بيعمل حمل على الموتور شوية و لو الكباس ما فصلش خالص الاستهلاك أكيد حا يبقى اعلى شوية

**mikology** · 08-06-2011 03:26 PM

المشاركة الأصلية كتبت بواسطة heshamzaky

بص يا ميكو فى الانشيا و التمبرا المروحة الداخلية بتاعت الهواء ملهاش أى علاقة نهائيا بالبزين طبعا .
بس لما بتشغل الكومبريسور على أقل درجة الكباس ببفضل شغال مدة أطول علشان يحقق و يفصل و دة الى بيستهلك بنزين شوية يعنى لما تكون مش مشغل التكيف اساسا الاستهلاك بتاع البنزين بيقل و لما بتشغل التكيف الاستهلاك بيزيد شوية لانة بيعمل حمل على الموتور شوية و لو الكباس ما فصلش خالص الاستهلاك أكيد حا يبقى اعلى شوية

انت جبت المعلومه دى منين بقى !!! متجننيش - ماله الكباس بالبنزين؟؟؟

مايشتغل ولا يفصل و لا يتحرق - ماله بالبنزين دلوقتى ؟؟؟ -

**mikology** · 08-06-2011 03:28 PM

الموتور كده كده بيعلى اول ما بتشغل التكييف - سواء الكباس شغال او فاصل - الموتور هو زى ماهو عالى - الكباس بيشتغل - بيسحب كهربا فقط - والموتور زى ماهو بردو - فين بقى الاستهلاك الزياده ؟؟؟!!!!

**heshamzaky** · 08-06-2011 03:34 PM

المشاركة الأصلية كتبت بواسطة mikology

انت جبت المعلومه دى منين بقى !!! متجننيش - ماله الكباس بالبنزين؟؟؟

مايشتغل ولا يفصل و لا يتحرق - ماله بالبنزين دلوقتى ؟؟؟ -

هههههههه هو الكباس بيشتغل أزاى قصدى التكيف كهرباء و لا على سير الطمبورة .
المهم أجمع فى الرابطة فية خبر حلو هناك بسرعة هههههههه

**aif** · 08-06-2011 04:19 PM

المشاركة الأصلية كتبت بواسطة mikology

الموتور كده كده بيعلى اول ما بتشغل التكييف - سواء الكباس شغال او فاصل - الموتور هو زى ماهو عالى - الكباس بيشتغل - بيسحب كهربا فقط - والموتور زى ماهو بردو - فين بقى الاستهلاك الزياده ؟؟؟!!!!

الكباس لما يشتغل بيسبب حمل زيادة على المحرك
زي مثلا لو العربية فاضيه او محملة
اكيد لما الكباس بيشتغل الطاقة اللي بيبذلها المحرك بتبقى اكتر يبقى بيستهلك بنزين اكتر
وبعدين التكييف بتاع العربية بيستمد الطاقة من حركة السير اللي متوصل بطنبورة المحرك
يعني لو شغلت التكييف والموتور مطفي هل ح يشتغل ؟؟؟
لو شغلت التكييف والسير اللي بيربطة بالمحرك مقطوع هل ح يشتغل بالكهرباء اللي واصله له فقط ؟؟؟؟
اكيد لأ