عرض للطباعة
لم يمر علي وفاه امي الحبيبه 50 يوم توفت زوجتي الغاليه اظلمت الدنيا في عيوني وانا معي 4 ابناء ولم تمر ساعه اللي والبكاء في عيوني ويوم الخميس الماضي عملت حادث بلسياره من قله التركيز ومن غزاراه الدموع
لا اعرف كيف اتصرف معهم فزوجتي كانت كل شيئ لهم هي التي كانت ترعاهم وترعاني وبجوار ذلك كانت تفني نفسها في محل خاص بي خردوات مصدر رزق بجوار محل اخر انا املكه للستلايت كنت اخرج واسافر بحكم عملي ويساعدني ابني في اوقات فراغه برعايه محل الستلايت
بعد وفاه زوجتي انقلبت حياتي الي فوضي
ولا اعرف كيف اتصرف
لا حول و لا قوة الا بالله . نشاطرك الاحزان و يصبرك على أحزانك .
مش عارف أقولك أية بس الحل الوحيد أنك تشوف واحدة بنت حلال تتزوجها و تكون عارفة الظروف و تشيل معك المسؤلية
على العبد التفكير وعلى الرب التدبير
اتجوز تاني مش عيب
بس الاهم تتكلم مع الاولاد و توصلهم ضرورة دة ..عشان لا قدر الله ما يخدوش فكرة غلط
اشكرك جدااقتباس:
المشاركة الأصلية كتبت بواسطة heshamzaky
لكن لا اتصور نفسي مع زوحه اخري تدخل حياتي بدلا من زوجتي الغاليه ارفض يشده
زوجتي التي شقيت معي في حياتي طوال عشرون عام
بدات حياتي معها من الصفر كنت اعيش في شبرا انا وهي ومن سته اعوام نقلت من شبرا الي العاشر من رمضان بعيد عن اهلها كل ما انا فيه من خير هو خيرها كانت وش الخير علي كانت تحبني حبا كبيرا وانا كذلك الله يرحمها
لا حول ولا قوة إلا بالله .. البقاء لله
ربنا يصبر حضرتك
رحمة الله عليها و ربنا يرحمها برحمتة .اقتباس:
المشاركة الأصلية كتبت بواسطة shanodaa
بس حا أقولك الحمل حا يبقى جامد قوى عليك مش حا تقدر أنت عندك ما شاء الله 4 أولاد و الاولاد لهم طلبات و عايزبن متابعة و أهتمام و مذاكرة و أكل و رعاية و لو متوسط السن لأكبر الابناء مثلا 17 او 18 سنة مش حا يعرف يذاكر و لا يهتم بأخوتة الاصغر .
لو ربنا بيحبك حا يقدرو يتجمعو كويس و يخلو بالهم من بعض و يا سلام لو عندك بنت دى الى حا تبقى احن واحدة على اخواتها لو كبيرة شوية
لو ربنا وفقك و لقيت واحدة بنت حلال عاوزة تعيش و عارفة الظرف حا يبقى ممتاز و لو ربنا كرمك منها بطفل الاولاد حا يندمجو مع بعض أكتر بس المهم تبقى واحدة تراعى ربنا و تقدر الظرف و باذن الله حا تتجاوز المحنة الصعبة دى و أعتبرة اختبار من ربنا و موضوع الجواز ربنا شرعة و حلله معاك أن أم الاولاد لا تعوض بس دة المقدر و المكتوب و الولاد محتاجين رعاية أنت صعب جدا تقدر تقوم بالدور دة و خصوصا أنك مش متفرغ طبعا و بتروح شغل و فية مدارس و مذاكرة
و طبعا لازم تمهد بصورة كويسة جدا للأولاد و تفهمهم أن دة لمصلحتهم طبعا حا يعارضو معارضة جامدة مشى كلامهم و طاوعهم لغاية ما يحسو أنهم يا أما قادرين يتعايشو و أمورهم ماشية عال العال يا حا يتعبو و تفتح الموضوع معاهم مرة اخرى بدون ضغط عليهم
هو مش معنى أنك أتجوزت مرة أخرى أن دة نكران جميل لآم الاولاد بس دى سنة الحياة و أذكرها دائما بالخير و لازم العجلة تدور أنت دلوقتى المسؤل عن 4 أطفال بطولك .
الوفاء لام الاولاد شيىء ممتاز بس لازم الحياة تستمر
اشكرك جدا لهتمامك وسهرك معياقتباس:
المشاركة الأصلية كتبت بواسطة heshamzaky
انا معي 3 اولا د وبنت في الصف الاول الاعدادي
الابن الكبر في تانيه معهد في مدينه نصر
والثاني تانيه ثانوي
والصغي في الصف الخامس
افكر ان ازوج ابني الاكبر من ابنه اخو المرحومه وهم في حكم المخطوبين لكن سنه لسه صغير ولسه موضوع الجيش ان شاء الله
رغم انه حالته النفسيه صعبه جدا جدا
فلنفرض اني فكرت في الزواج رغم اني مستحيل افكراقتباس:
المشاركة الأصلية كتبت بواسطة heshamzaky
من التي تقبل رجل معه اربع اولاد وهي تعرف ان الغرض من الزواح خدمه الاولاد
لا حول ولا قوة الا بالله ...اشاطرك الاحزان واتمني من الله ان يرعاك ويرعي اولادك ..
فلا تيأس ولا تحزن فانا لله وانا اليه راجعون
انا بجد مش عارف اقول حاجة اصبرك بيها
بس كنت بسال لو في اخت ليك متفرغة مثلا تقدر تيجي تعيش مع الولاد ؟؟
او انك ممكن تنتقل للمعيشة بجوار اخواتك مثلا بحيث انكوا تعيشوا في بيت واحد ان امكن ؟
ربنا يصبرك يا اخي وفعلا انت لو عايز اي خدمة مننا نقدر نعملها انا اول واحد بقولك انا تحت امرك
الولد صغير جدا جدا على الجواز دة لو 22 سنة حتى يبقى صغير جدا أنة يتجوز و يقدر يشيل مسؤلية بيت و يخلف عيال و يربيهم استنى علية شوية .
المشكلة الاكبر عندك دلوقتى فى البنت الى فى سنة أولى اعدادى دى محتاجة شوية رعاية لانها حا تبتدى تدخل فى مرحلة النضوج و الولد الصغير الى قى 5 أبتدائى دة برضو صغير جدا .
ربنا يباركلك فيهم و يخليهوملك .
طيب لو فية أمكانبية أنك تجيب حد يقعد معاهم و يطبخ و يغسل و تروح على الساعة 6 مثلا يبقى ماشى حل مؤقت كويس و حاول قدر الامكان أنك تخرج الولاد من مرحلة الحزن و حاول تشغلهم بأى حاجة و تلهيهم .
ركز جدا على الولد الصغير و البنت لانهم صغيرين جدا و ازرع فى قلب أخوهم الكبير الحنية و حسسة أنة راجل و أنة مسؤل عن البيت فى غيابك و أديلة ثقة بنفسة علشان ياخد باله من أخواتة الصغيرين
و بكرر لك التعازى و ربنا يصبرك و يعينك على ما اصابك
استاذ شنوده ربنا يصبرك على ما ابتلاك ويصبر اولادك
انا شايف ان بلاش تاخد اي قرارات دلوقتي في المرحله اللي حضرتك فيها انا عارف انو وقت صعب
وبالنسبه لاولاد حضرتك ممكن تحاول اي حد من عماتهم او خالتهم يهتم بيهم على الاقل في الفتره دي خصوصا البنت والولد الصغير
ربنا معاك
اشكرك جدا لطيبه قلبكاقتباس:
المشاركة الأصلية كتبت بواسطة mada_76
معي اخوات بنات متزوجين وسكانيين بعيد عني
ومش بلسهل اني انقل من العاشر الحمد لله عندي منزل وثلاث محلات تمليك اثنان منهم بلتقسيط ومصدر رزقي منهم الحمد لله
علشان اكون صريح معاك عاوز واحدة تكون الى حد ما ظروفها صعبة شوية و سنها مش صغير لا مانع أذا كانت مطلقة او ارملة و لها ظروف مشابهة بس واحدة لم يسبق لها الزواج و صغيرة مستبعد جدااقتباس:
المشاركة الأصلية كتبت بواسطة shanodaa
و مين عالم كلة بتدبير من ربنا يمكن ربنا يوقعك فى واحدة بنت حلال و يكون قلبها حنين على الولاد و ما يبقاش فية مشاكل
الله وحده يعلم
انا ابتسم في وجه اولادي وادخل في غرفتي ابكي
انا اكتب الان والدموع تنهمر من عياني اكاد لا اري ما اكتب
انا اعرف ان كثير جدا مرو بطروف اصعب ربنا يقدرني وينور بصيرتي علشان اعدي بي الاولاد الي بر الامان
واشكر كل من وساني
11111111111اقتباس:
المشاركة الأصلية كتبت بواسطة heshamzaky
البقاء لله .. نصيحه حضرتك فكر بس فى الزواج من سيده مناسبه تكون طيبه و صاحبة خلق ترتب الحياه معاك و تساعدك و أكيد هتشيل عنك كتير .
لا اله الا الله
محمد رسول الله
البقاء لله والدوام لله
ربنا يصبرك ويصبر اولادك
قلوبنا معك
الاستاذ شنودة
ارجو ان تتريث قليلا في اتخاذ اي قرار و الحمد لله انك داخل علي فترة اجازة علشان الولد و البنت الصغيرين و اعتقد انهما المشكلة الاكبر و موضوع زواج الابن الاكبر به تسرع قليلا لانه ليس من المعقول ان نغامر بزواجه و وضع مسئولية اسرة كبيرة جدا ( لخطيبتة الحالية ) و يمكن تكون لا تصلح لهذه المسئولية الكبري و حرام تظلم بكل هذا الحمل مرة واحده و هي التي مازالت لم تتحمل مسئولية منزل صغير بعد ( الا اذا كنت حضرتك واثق في انها تستطيع ان تشارك في هذا السن الصغير لهذه المسئولية الكبيرة )
و ان شاء الله امام حضرتك حوالي 3 شهور و نصف علي دخول المدارس يكون ربنا حلها من عنده و يكون حضرتك جربت بدائل كتير خلال هذه الفترة و الامثلة كثيرة
يمكن مثلا ان تنظم الشغل بوضع معين انه كله يكون مفهوش سفر
ممكن تشوف واحدة ست في المنطقة تيجي الصبح و انت في العمل مع بنت حضرتك لتنظيف الشقة و تحضير و جبة غذاء و تنصرف علي الساعة 12 الضهر مثلا و طبعا ده مش لازم يكون كل يوم يكفي 3 او 4 ايام في الاسبوع و نقضيها نواشف باقي الاسبوع او في ال 3 ايام دول هيه تعمل مثلا اكل و يتحط في التلاجة يبقي علي التسخين فقط
و كل هذا اقصد به خلال فترة الاجازة فقط و علي ما الدراسة و همها يكون بيقرب نكون شفنا البدائل دي و صلتك لايه
و لو عجزت حضرتك عن توفير هذه السيدة التي تعينكم علي اعمال المنزل و الطبيخ و كده يبقي مفيش غير ان حضرتك تظبط و قتك للتواجد بصفة دائمة و تشوف حد يقف في المحل ليساعدك
و ان شاء الله يعينك الي ما فيه الخير
م.حاتم السباعي
معلش هاقول حاجه لحضرتك ماينفعش دلوقتي خالص ان حضرتك تتجوز في الوقت ده مش اقل من سنه مثلا لان لوحضرتك اتجوزت دلوقتي هتلاقي اعتراض من الاولاد ومشاكل لا حصر لها لاني عشت ومازلت عايش في القرف ده .
انا شايف ان حضرتك تجوز ابنك الكبير من بنت اخو المرحومه وان شاء الله تكون بنت حلال وكويسه وتقدر تحتوي الاولاد معاك لو انت مش موجود او مسافر يبقي اخوهم الكبير و مرات اخوهم موجديين وتساعد معاكم برده وكمان بنت حضرتك تلاقي واحده تتكلم معاها في اي حاجه تخصها حضرتك عارف ازي مواضيع البنات مهمه جدا وكمان تكون في مقام اخت ليها وكده هيفضل الاولادين الصغيرين ممكن في اوقات الفراغ و الاجازات تحاول توقفهم معاك في المحل علشان يعرفوا حضرتك بتعمل ايه ويتعلموا الموضوع شويه في شويه ويحبوه وكمان هايكونوا قدام عينك علشان اصدقاء السوء و القرف ده .
وربنا يوفقك ليلي في الخير ليك ولي اولادك ان شاء الله ويكفيهم شر اصدقاء السوء
والفتره ديه لازم تكون قريب منهم علي قد ماتقدر علشان مايحسوش ان امهم الله يرحمها و يحسن اليها هي بس الي كانت بتهتم بيهم وبي وفاتها هو كده خلاص وربنا يعينك و يصبرك ويصبرهم جميعا ان شاء الله
البقاء لله
ربنا يرحمها ويصبرك ويرفع عنك البلاء
سيبك من موضوع الجواز دلوقت ماتجهدش نفسك بالتفكير في الجواز علشان ماتتعبش اكتر اصبر شويه والامور هاتتسلك لوحدها
ربنا كبير
لا حول ولا قوة الا بالله
ربنا يصبرك على ما ابتلاك
و الحزن لازم ياخد وقته
إِنَّا لِلَّهِ وَإِنَّا إِلَيْهِ رَاجِعُونَ
لا حول ولا قوة الا بالله ..
ربنا يفك قربتك ويصبرك ويصبر الابناء ..
شكرك جدااقتباس:
المشاركة الأصلية كتبت بواسطة piezo
ان شاء الله ابني في اخر سنه في المعهد
بس هو يخلص ان شاء الله ونشوف ها يعمل ايه في الجيش
لو دخل الجيش طبعا ها اجل فكره زواجه لغايه ما يخلص الجيش
البقاء والملك والدوام لله
ربنا يصبر حضرتك وياجرك فى مصيبتك ويبدلك خير منها باذن الله
والله انا لسة الاسبوع اللى فات عمى مراته وابنه وتوفين فى حادث اليم
وهو برضه بيمر بنفس المشكلة لانه عنده بنتين تانيين
ولسة فى حيره من امره
ربنا ييسر الامور عليكو ويوفقكو للخير يارب
البقاء والملك والدوام للهاقتباس:
المشاركة الأصلية كتبت بواسطة omar-saad
الله يرحمهم
البقاء لله
ربنا يوفقك للوصول لافضل حل يناسب اسرتك ويناسبك
البقاء لله
ربنا يكون فى عونك
قلبى معاك
بدعيلك
ربنا يا أخي يصبرك ويعينك على حملك الثقيل، ولا تنسى قول الله سبحانه وتعالى " وبشر الصابرين الذين إذا أصابتهم مصيبة قالوا إنا لله وإنا إليه راجعون، أولئك عليهم صلوات من ربهم ورحمة وأولئك هم المهتدون"
أنا اقول لك ما تحملش هم الرزق "وفي السماء رزقكم وما توعدون" وأحسن الظن بالله "ومن يتق الله يجعل له من أمره يسرا" وأبشر بفرج الله " فإن مع العسر يسرا إن مع العسر يسرا" وما تنساش إن رزق أولادك على الله " ولا تقتلوا أولادكم خشية إملاق نحن نرزقهم وإياكم" وخليك دايما مقتنع ب "الله يبسط الرزق لمن يشاء ويقدر" وخليك دايما تقي وما تخافش على أولادك "وليخش الذين لو تركوا من خلفهم ذرية ضعافا خافوا عليهم فليتقوا الله" وصدقني قدر ربنا هو دايما الأحسن ليك "فعسى أن تكرهوا شيئا ويجعل الله فيه خيرا كثيرا" "وعسى أن تكرهوا شيئا وهو خير لكم وعسى أن تحبوا شيئا وهو شر لكم" وفي النهاية "والله يعلم وأنتم لا تعلمون"
انا مريت بظروف شبه ظروفك بس من ناحيه تانيه
والدتى اتوفت وانا عندى 17 سنه وكانت هى اساس البيت فى كل حاجه وكل حاجه بالنسبه ليا انا بالذات
واختى كان عمرها 11 سنه بس
طبعا والدى كان رافض موضوع الجوزا تانى نهائى وانا كمان طبعا
اختى خادتها خالتى ربتها لغاية لما دخلت الكليه وبعد كده جت معانا
وانا اللى شلت مسئولية البيت فى الفتره دية طبخ وغسل وتنظيف وكل حاجه علشان ماخليهوش يفكر فى موضوع الجواز ده بحجة شغل البيت طبعا كله كان على نفسيتى واعصابى
لازم ابنك الكبير يقف جنبك وتتماسكوا مع بعض علشان المرحله تعدى ياما يتحمل مسئولية اللى حتحصل فى حالة وجود مرات اب ليه
صحيح اللايام كانت صعبه جدا والظروف وحشه وساعات بحس انه ياريته كان اتجوز من الضغط اللى موجود على الواحد
بس مستحيل مرات الاب حتكون بواحد من الاف من حنية الام الا اذا كانت واحده ممنوعه من الخلفه مثلا وحتعتبر ولادك بديل ولادها فعلا ودية حاجه نادره وصعب تلاقيها الا اذا كنت حتعمل اعلان فى الجرايد يعنى
اقفوا كلكم مع بعض ولازم الاهل القريبين منكم يساعدوكم شويه لغاية لما الامور تنتظم والاسره تتماسك
انت عندك اربع اولاد يعنى مش شويه